Yohanɛsɛ 3:3 - ONUGBÙ NYƐNYÃ VUVƆ

³ Nɛ kɛlɛesi bubu Yesu ebuaɖɔ sɛ, “Itsre wɔ gbɛagba sɛ, anɔnyanɔ atɛ ba mɔ Kpaya Bukusiɔŋakɔ nedi odunu sɛ be tsodzinɛ yɛ amɔ́.”

Yohanɛsɛ 3:3 Iomraidhean Croise

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

Mateo 19:24

Ɛkaa tsre nɔ sɛ, kɛ lɛ bubɔɛbɔɛ kɔ kipuaga sɛ tɛ aga kɛtsa ozim ɔyɛkɔ dɛ sɛ tɛ ehoeyielete etsoku Kpaya bukusiɔŋakɔ nɛ mɛ.”

Mateo 21:31

“Nɛ beyi tɛabha nɛ shi, eɖueɖu ya bhɛtɛ aka nɛ tɛ pɛpɛɛ?” Be bui lɛ nu asɛ, “Eyi tutɔpu.” Yesu etsre alɛ asɛ, “Itsre nɔ kɛgba sɛ, badɔdzyɔ anɛ badzɛ zhuzhɔlɛ nee tsoku kpyakusiɔŋakɔ nɛ mɛ aalɔ nɔ.

Mateo 5:18

Itsre nɔ kɛgba, ɔdɔnanɔ kibe lɛ gɛ owũsise anɛ kesukpa kaa lɛla, kɛdɔ ŋuŋlɔmɛ bhli dɛ, kɛdɔŋlɔmɛshi kɛdɔfuflɔ̃ bhli, ganɔ kidzo nyɛdzoa bha nɛ tɛ baa lɛla nɛ Ɔshã nɛm ɔdɔnanɔ kibe lɛ gɛ kibuinyɛbui kɛ bɛɛ lɛm beke.

Marko 10:14

Gɛ Yesu amɔ kibui nɛ, amɔ obulo. So etsre balɛ asɛ “Nɔ kɔ bunuvɔɛbhli na ba mɛ ɔbha, klɛ nɔ tɔɔ kɛka lɛ, alasɛ banɛ nɛɛ di nɛ ɔzakɔ ɔlɛ nu Kpaya bukusiɔŋakɔ.

Marko 9:47

Klɛ onu gɛ wɔ kɛwɔ̃hũ tili kɔ sɛ ɔbhɛtɛ kibuikpã, kpa kɛlɛ obu. Kɛpɛ kɔ wɔ sɛ tɛ otsoku Kpaya bukusi ɔŋakɔ nɛ kɛwɔ̃hũ tirikpo ɔyɛkɔ dɛ sɛ tɛ awɔ̃hũ tabha aza wɔ ahwɛ tɛ ba yɛkɔ wɔ ada tɛɛ̃ akpɛ kifu gɛ tɛ ba ni di mɛ.

Yohanɛsɛ 1:13

banuvɔ gɛ ba dɛ mɔa lɛ aganɔ tɛmumɔɛ dzo nɛa bha, ɔdɔgɔsɛ ganɔ anɔdzyrame tɛtutrɔ mɛ ɔdɔgɔsɛ adzɛenyine tɛpɛpɛɛ nu, pɔ Kpaya mɛ la mɔa lɛ.

Yohanɛsɛ 1:5

Kifu nɛɛ deke nɛ otumu nɛ mɛ, pɔ otumu nɛ odi nui lɛe si.

Yohanɛsɛ 1:51

Kɛlɛ azaɖɔ sɛ, “Itsre nɔ kibui gbɛagba sɛ nɔ bɔ mɔ owũsise lɔ bɔ danɛ klɛ Kpaya yɛ baxwɛdɛ ba baza ewu klɛ baza ezhi aba nɛ Anɔdzyrame Yi nɛabha.”

Yohanɛsɛ 12:40

“Epu ba lɛ awɔ̃hu klɛ eyi ba lɛ dzyi, so tɛ ba tɛ na kɛdɔ mɔnɛ balɛ awɔ̃hu, ɔdɔgɔsɛ be nu kibuiesi nɛ balɛ idzyi, ɔdɔgɔsɛ be tsyina—klɛ ɛba beke balɛ banya.”

Yohanɛsɛ 3:4

Nikodemosɛ ebisi asɛ, “Kɛlɛ ba betsodzi amɔ anɔ nɛ gɛ ɛti she?” “Kɛgbɛagba atɛ be tsodzi ede tsoku yɛ ni ɛyɛmɛ sɛ tɛ betsodzi nɛ yɛ amɔ!”

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

2 Kɔrintioanɛ 5:17

Kɛlɛso, onugɛ anɔ teli alɛ Kristo mɛ, enu kɛdɔ bhɛbhɛtɛ vuvɔ, kɛkuku ba fla, kɛ vuvɔ nɛ ba!

Galatianɛ 6:15

Bunyɛnyɛ bhubhui anɛ bunyɛnyɛ mabhui mabhui dɛ nu kɛdɔnyɛdɔ, kɛ gɛ nu kibui kɛlɛ nu tɛbhɛbhɛtɛ vuvɔ.

Efesoanɛ 2:1

Wɔnɔ xwũ nɛɛ, nɔti tsi nɛ wɔnɔ buzizi nɛ ebuikpã bhɛbhɛtɛ mɛ,

Titusɛ 3:5

ebu lɔ, ganɛ bulɔ ebui dzyɔgo bhɛbhɛtɛ so, pɔ alasɛ yɛ eshutukubui didi nɛ so. Ebu lɔ ganɔ bulɔ tɛtsitsodzinimɔ nɛ tɛtsidzoni ɔbhɛtɛ avuvɔ ganɔ Ɔfufɔɛ Dzyɔgo nɛa bha,

Yakobo 3:17

Pɔ kibuinyinyi nɛ gɛ de owũsise, putɔnɔ nɛɛ, kɛlɛ shu petee bhui, klɛ ishuyuyɔ— tɛdɛdɛmɛnɔ, tɛyɛyɛkɔ nɛ lɛm, ishu zhizhinɔesi, tɛyuyuku nɛ eshutukubui didi nɛ eyuyu dzyɔgo, anɔamɛ madimadi anɛ kidzo tirikpom nyɛnyɛna vunɔ.

1 Petro 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo! Nɛ yɛ eshutukubuididi gbɛgbla mɛ akɔ lɔ tɛmumɔ vuvɔ akpɛ nɛ ɛkpã kɛdzoenudidi mɛ ganɔ Yesu Kristo tɛnyɛnyɛmɛ denɔ bekpui mɛ,

1 Yohanɛsɛ 2:29

Onugɛ nɔ nyi sɛ enu anɔ dzyɔgo, nɔ nyi sɛ anɔnyanɔ gɛ abhɛtɛ kɛgɛ nu kɛdzyɔgo yɛ mɛ la mɔ yɛ.

1 Yohanɛsɛ 3:9

Anɔnyanɔ gɛ ba mɔ nɛ Kpaya mɛ ata zɛlɛabha abhɛtɛ kizizi, alasɛ Kpaya eyuyu alɛ yɛ mɛ, atɛ bana lɛabha avɛ azabhɛtɛ kizizi alasɛ ba mɔ yɛ nɛ Kpaya mɛ.

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.

1 Yohanɛsɛ 5:18

Bu nyi sɛ anɔnyanɔ gɛ ba mɔ nɛ Kpaya mɛ ata za lɛabha abhɛtɛ kibui kpã, agɛ yɛ la mɔ nɛ Kpaya mɛ akpɛ buka akana yɛ, klɛ ɔfufɔɛ kpã nɛ lɔ tɛ bɔ bhɛtɛ yɛ kizizi.

1 Yohanɛsɛ 5:4

alasɛ anɔnyanɔ gɛ enu Kpaya ye yi aŋa kanɔ nɛabha. Kɛnɛ kɛlɛ nu kabhaŋɛŋa nɛ gɛ kaŋa kanɔ nɛabha, bulɔ tɛyɛyɛkɛŋa tsyɛ.

Tɛbubukasɛ 3:14

“Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.