Yohanɛsɛ 2:2 - ONUGBÙ NYƐNYÃ VUVƆ

² klɛ Yesu anɛ yɛ badɔkpasɛ nɛ tsyɛ be klu alɛ kɔ adzɛ gbɛgbanɔ.

Yohanɛsɛ 2:2 Iomraidhean Croise

Mateo 12:19

Atɛ ba pɛɛ ebla ɔdɔgɔsɛ akpɛ ogugu, anɔnyanɔ eti be nu yɛ olim nɛ edzo nɛa bha.

Mateo 25:40

“Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’

Mateo 25:45

“Ɛbe bui lɛ nu asɛ, ‘Itsre nɔ kɛgba sɛ, kɛdɔnɔ nɛ gɛ nɔ dɛ bhɛtɛ kɔ anɔ bhli tsyɛ nɛ banɔa nɛ mɛ, nɔ dɛ bhɛtɛ kɔ mɛ naa lɛlɛ.’

Yohanɛsɛ 2:12

Kɛlɛlɛ nɛede, Yesu ɛzhi avɛ Kapɛnaum anɛ̀ yɛeni, yɛ adzyalɛ anɛ́ yɛ badɔkpasɛ. Ɔkɛlɛ ba daza ewui bhliyi teli.

Yohanɛsɛ 2:17

Yɛ badɔkpasɛ ba baka sɛ ba ŋlɔmɛ elu asɛ: “Awɔ̃hudzɛdzã kɔ wɔ vu ba tã mɛ.”

Yohanɛsɛ 2:22

Kɛlɛede gɛ ba nyɛmɛ yɛ denɔ bekpui mɛ, yɛ badɔkpasɛ ba baka kibui nɛ gɛ aɖɔ. Ɔkɛlɛ ba yɛkɛ Kpayaplukpa nɛabhaŋa, nɛ ebui nɛ gɛ Yesu aɖɔ.

Yohanɛsɛ 2:3

Gɛ bulu nɛ beke, Yesu ye ni etsre yɛ asɛ, “Bulu vama balɛ ahwɛ.”

Yohanɛsɛ 3:22

Kɛlɛlɛ nɛede, Yesu nɛ yɛ badɔkpasɛ be koeyi avɛ Yuɖea ɛma nɛ mɛ, ɔkɛlɛ aza balɛ ɔbha ayɛkɛ kibe klɛ akpɛ buni kɔ alɛ.

Yohanɛsɛ 4:2

nɛ kɛlɛmɛ kɛgbɛagba sɛ anɛ Yesu yɛ akpɛ buni kɔ banɔ pɔ yɛ badɔkpasɛ.

Yohanɛsɛ 4:33

Kɛlɛ yɛ badɔkpasɛ baɖɔ tsre ɔhaglɔ asɛ, “Kɛbadzi sɛ anɔ teli atɛ mɛna yɛ kɛdɔŋɛŋa?”

Yohanɛsɛ 4:8

(Yesu badɔkpasɛ ba tɛ vɛ ɔma nɛ mɛ sɛ tɛ be de dzi kɛdɔ ŋɛŋa.)

Yohanɛsɛ 6:12

Gɛ balɛ petee aŋa kɛdɔ kɛ pɛɛ gɛ ba pɛɛ, Yesu etsre yɛ badɔkpasɛ nɛ asɛ, “No xogo ewuliwuli nɛ gɛ agɔ. Nɔ tɛkɔ kɛkanyɛaka zi.”

Yohanɛsɛ 6:16

Gɛ ɔwulago nɔ na, Yesu badɔkpasɛ be zhi avɛ kɛvɔ nɛabha,

Yohanɛsɛ 6:60

Nɛ ebuianɛ tɛnunu, yɛ badɔkpasɛ gelee ba ɖɔ sɛ, “Kɛɛ nɛ kɛlɛ nu kɛdɔ kɛkasɛ gɛganɛ. Ane yɛ aba yɛkɛ lɛ?”

Yohanɛsɛ 6:66

Denɔ kibelɛlɛ nɛ mɛ yɛ badɔkpasɛ gelee ba be tsyinaede klɛ ba da za yɛ ede.

Yohanɛsɛ 6:67

Yesu ebisi yɛ banɔ lɔfɔ nɛtiabha nɛ asɛ, “Wunɔ tsyɛ nɔ dɛ pɛɛ sɛ tɛ nɔ shɛ̃, nɔ pɛɛ?”

Yohanɛsɛ 6:70

Yesu ebuilɛnu asɛ, “Anɛ mɛ klu nɔ banɔ lɔfɔ nɛtiabha? Pɔ sɛ wunɔ mayɛ teli enu Abonsam!”

Yohanɛsɛ 6:71

(Yuɖasɛ yɛ aɖɔ, Simɔn Iskarɔtɛ yɛeyi, pɔ kɛlɛ lɛ mɛ sɛ enu kɛfɔnɛtɛabha nɛ mayɛ̃ teli, nɛ kɛlɛede aba yɛkɔ mɛ akpɛ ahwɛ.)

Yohanɛsɛ 6:8

Yɛ adɔkpasɛ bhlatɔ, Andrɛasɛ, Simɔn Petro yɛadzya, aɖɔ sɛ,

Yohanɛsɛ 7:3

Yesu yɛ adzyalɛ nɛ tsre yɛ asɛ, “Wɔ alasɛ tɛ ɔshɛ nɛ ɔkɛnɛ ɔvɛ Yuɖea, sɛ tɛ wɔ badɔkpasɛ ba mɔ wɔ ebuiyinanɔ nɛ gɛ ɔbhɛtɛ.

Axwɛwɛwa 11:26

klɛ gɛ amɔɛ nɛɛ, agbanɛ yɛ amɛna Antiɔkɛ. So nɛ kɛgɔ zɛzɛ petee mɛ Banabas nɛ Saul ba tsya nɛ busɔlɛɔha nɛ mɛ klɛ bakasɛ banɔɛ dɔ nɛ tikpikpem. Badɔkpasɛ nɛ, Antiɔkɛ be bhusoa lɛ kulu sɛ Kristoanɛ.

Axwɛwɛwa 11:29

Badɔkpasɛ, akanyaka nɛ yɛ tɛzɛzam nu, na trɔ sɛ ba ba kɔ balɛ adzyalɛ nɛ ga lɛ Yuɖia nɛ tɛpɛplɛnɔ.

1 Kɔrintioanɛ 10:31

So kɛbɛlɛmɛ sɛ ɔŋa o, ɔwɔɛ̃ ɔdɔgɔsɛ kɛdɔnyɛdɔ wɔ ɔbhɛtɛ, bhɛtɛ lɛ petee ɔkɔ Kpaya yɛ kabhakpɛkpɛ.

1 Kɔrintioanɛ 7:39

Adzɛ alasɛ tɛ ezhinɔ shu kɔ yɛ nyinɛ nɛ yɛ ɛkpã mɛ. Pɔ onugɛ anyɛ nɛ tsi, kidzo lɛ sɛ azanɔ anyɛnyanyɛ gɛ apɛɛ, pɔ anyɛ aza Apalete nɛ mɛ.

Koloseanɛ 3:17

Klɛ kɛgɛ nɔ bhɛtɛ, kɛlɛlɛmɛ sɛ kibui ɖɛɖɔɛ mɛ ɔdɔgɔsɛ kɛbhɛbhɛtɛ mɛ, bhɛtɛ lɛ petee nɛ Apalete Yesu nyi mɛ, nɔ hu Kpaya Aka nɛ ahwɛ ɔganɔ yɛabha.

Hebriuanɛ 13:4

Anɔnyanɔ alasɛ tɛ ayɛkɛ adzɛ gbɛgbanɔ akpɛ lɛ mɛ, klɛ tɛ aglɔ zɛzanɔɛ mɛ bhui, alasɛ Kpaya ebe kluebhui nɛ bagɛ abhɛtɛ aglɔbui anɛ azhuzhɔlɛbui.

Tɛbubukasɛ 3:20

Ɔkɛ̃ nɛ mɛ li! Ili kititi nɛ kedunu klɛ mɛ huahwɛ opupu. Onu gɛ anɔ teli enu mɛ oli mɛ pɛ adanɛ opupu nɛɛ, ɛba tsoku klɛ ɛba ŋa kɛdɔ nɛ yɛ, klɛ yɛ tsyɛ aba ŋa nɛ mɛ.