Yohanɛsɛ 16:2 - ONUGBÙ NYƐNYÃ VUVƆ

² Ba be bu nɔ nɛ oxogokɔvu nɛ mɛ, kɛgbɛagba, kibe ba gɛ anɔnyanɔ gɛ eyi nɔ aba yɛ kɔ sɛ adɛ xwɛ kɔ Kpaya.

Yohanɛsɛ 16:2 Iomraidhean Croise

Yohanɛsɛ 9:22

Yɛ ni nɛ ye aka ba ɖɔana alasɛ be sifu nɛ Yuɖanɛ, alasɛ Yuɖanɛ ba tɛ nya lu asɛ anɔnyanɔ gɛ aba dɛmɛ atrɔ sɛ Yesu enu Kristo ba be bui yɛ nɛ oxogokɔvu nɛ mɛ.

Mateo 10:28

No ti si fu nɛ bagɛ be be yi nɔ pɛ ba tɛ ba na kɛtɔwi nɛ buyi. Pɔ no si fu nɛ agɛ aba na wɔ ɔfufɔɛ anɛ ishuidzya nu yi nɛ fu gɛ tɛ ba ni di mɛ.

Tɛbubukasɛ 6:9

Kibe lɛ gɛ adanɛ adɛda trimi nɛɛ, ɛmɔ busɔlɛvu mɛ kituku nɛesi ba gɛ be yi nɛ atɔwi akpɛ Kpaya kibui anɛ tɛmumɔɖɔ nɛ mɛ gɛ ba nyɛna evunɔ.

Yohanɛsɛ 12:42

Nɛ kibe lɛlɛ mɛ be gelee tsyɛ nɛ bagbɛgbanɔ nɛ mɛ ba yɛkɛ yɛ abhaŋa. Pɔ alasɛ Farisianɛ nɛ so ba dɛ bu ba lɛ tɛyɛyɛkɛŋa na kasɛ, alasɛ bɛ sifu sɛ ba be bu alɛ nɛ oxogokɔvu nɛ mɛ,

Luka 6:22

Bayula nɔ kɛbelɛlɛ nɛ gɛ banɔ egu nɔ, onugɛ bebunɔ nɛ balɛshi klɛ ba kula nɔ klɛ beklu wunɔe nyi anasɛ bezizi, alasɛ nɛ Anɔdzyrame yɛ Eyi nɛ shu.

1 Kɔrintioanɛ 4:13

kibenɔ gɛ ba kula lɔ, bulɔ bu builɛ nu nɛ ishuyuyɔ. Denɔ ɔtsɔnɛ bu dzi kɛtɔ anɛ kesukpa, tɛwũlɔ nɛ kanɔ nɛ mɛ.

Axwɛwɛwa 7:56

Asɛ, “Di mɔ,” “Ɛmɔ owũsise lɔ danɛ klɛ Anɔdzyrame yɛ Eyi nɛ li kititi nɛ Kpaya kɛŋam.”

Mateo 24:9

“Ɔkɛlɛ la ba yɛkɔ wɔnɔ akpɛ ahwɛ kɔ sɛ ba kpatɔnɔ klɛ be be yi nɔ, klɛ amadi nɛ petee atɛ ba pɛɛ wɔnɔɛ bui akpɛ mɛ so.

Yohanɛsɛ 9:34

Kɔ kɛnɛ be builɛnu asɛ, “Buzizi mɛ la mɔ wɔ nɔ, kidzo ɖuwɛɖu ɔmɔ sɛ ɔkasɛ lɔɛ dɔ!” Klɛ be bu yɛ atɛ̃.

Axwɛwɛwa 5:33

Kibe lɛ gɛ be nu kibui nɛɛ, ba mɔ oblo tsutsɔmɔ tsɔmɔ klɛ ba pɛa sɛ tɛ be yia lɛ.

Yohanɛsɛ 4:21

Yesu ebuaɖɔ asɛ, “Yɛkɛ mɛabha ŋa, adzɛ, kibe tili ba gɛ ɔbɔ kpɛ kɛtɔkpuesi kɔ Aka ganɛ butu nɛabha ɔdɔgɔsɛ Yerusalɛm.

Filipianɛ 3:6

nɛ kemi kpɛkpɛ mɛ, kititilulɔ nɛ busɔlɛɔha nɛ shu; nɛ tɛnɛna nɛ ɔshã nɛ nu, kizizi ma.

Yohanɛsɛ 4:23

Pɔ kibe tili ba, klɛ ɔtsɔ̃ nɛ kɛ tɛ ba gɛ kɛgbɛagba basɔlɛsɔlɛ ba basɔlɛ kɔ Aka nɛ̀ ɔfufɔɛ nɛ̀ kɛgbɛagba mɛ, alasɛ balɛ nu basɔlɛsɔlɛ anɛɛ di gɛ Aka na pɛɛ.

Yohanɛsɛ 16:25

“Kɛlɛlɛmɛ sɛ ɛɖɔaɖɔ kɔnɔ nɛ kɛkpalɛ kpɛkpɛ mɛ, kibe ba gɛ ɛtɛa ɖɔaɖɔ nɛ bunuhu nɛ di mɛ kɔ nɔ pɔ ɛba ɖɔaɖɔ gɛ kalɛ mɛ ke be bhui kɔ nɔ denɔ Aka shu.

Yohanɛsɛ 16:32

“Pɔ kibe tili ba klɛ kɛ tɛ ba, gɛ nɔ bɔ pɔɛhle nɛ mɛ shu, anɔnyanɔ avɛ yɛ ɔma mɛ. Nɔ bɔ shɛ̃ lɔ mɛ Terikpo lu. Pɔ anɛ mɛ terikpo mɛ lɛ, alasɛ mɛ Aka alɛ mɔ bha.