Yohanɛsɛ 10:3 - ONUGBÙ NYƐNYÃ VUVƆ

³ Epupo nɛ adanɛ buka nɛ akɔ lɛ, klɛ ibhoshi nɛ nu yɛ olimɛ. Eklu yɛ nahwɛ ibhoshi nɛ kinyi gɛ akɔɛ lɛ klɛ agbanɛ lɛ koeyi.

Yohanɛsɛ 10:3 Iomraidhean Croise

Yohanɛsɛ 10:14

“Mɛ nu ibhoshi agbɛgbanɔ dzyɔgo, inyi mɛ ibhoshi klɛ mɛ ibhoshi nɛ nyi mɛ—

Yohanɛsɛ 10:16

Ibhoshi bhlatɔ lɛ mɛ ahwɛ gɛ lɛ ma ibhoshi buka nɛ mɛ. Ɛba tɛ gbanɛ lɛ tsyɛ mɛna. Ɛlɛ tsyɛ ba nu mɛ olimɛ, klɛ ibhoshiha tirikpo nɛ agbɛgbanɔ Terikpo.

Yohanɛsɛ 10:4

Kibelɛlɛ gɛ agbanɔ yɛ nahwɛ yɛ petee koeyi, eputɔ kɔɛ lɛ klɛ yɛ ibhoshi nɛ lɛ yɛede alasɛ lɛ nyi yɛ olimɛ.

Yohanɛsɛ 10:9

Mɛ nu kedunu, ánɔ gɛ aga mɛabha etsoku ba ba yɛkɛ kɔ yɛ. Ebe tsoku klɛ ebe koeyi klɛ atɛpɛɛ kɛdɔ ŋɛŋa.

Yohanɛsɛ 6:37

Banɔ nɛ petee gɛ Kpayɛa akɔmɛ ba baba mɛ ɔkɔ, klɛ anɔnyanɔ gɛ aba mɛ ɔkɔ ɛtɛ ba kɛkɛ yɛ.

Yohanɛsɛ 6:45

Ebuiɖɔlu Ba ŋlɔmɛ nɛ Atɔnu keplukpa nɛ mɛ asɛ: ‘Kpayɛa aba kasɛ alɛ petee dɔ.’ Anɔnyanɔ gɛ ata Aka na tɔ klɛ akpasɛ bui denɔ yɛ ɔkɔ aba ba mɛ kɔ.

Romanɛ 8:30

Klɛ bagɛ atɛ bala elu, balɛ tsyɛ ekulu; bagɛ ekulu, adanɛ balɛ shu tsyɛ; bagɛ balɛ shu adanɛ, ebhuialɛ shu tsyɛ.

1 Kɔrintioanɛ 16:9

alasɛ kedunu gbɛgbla xwɛ tili danɛ kɔ mɛ, klɛ ɔkɛlɛ banɔ gelee alɔ kititi nɛ mɛ shu.

Filipianɛ 4:3

Ee, klɛ ibisi wɔ, mɛ abhla mumɔa, plɛnɔ badzɛ nɛ gɛ ba wa xwɛ nɛ́ mɛ kɔ kibui dzyɔgo tɛ ɖɛɖɔ, nɛ Klɛmɛt anɛ mɛ baxwɛwa gugɔɛ, gɛ balɛ enyi akpasɛ ɛkpãe plukpa nɛ mɛ.

Koloseanɛ 4:3

Klɛ nɔ klukpaya nɛ bulɔ tsyɛ, tɔkpu, sɛ tɛ Kpaya adanɛ opupu kɔ bulɔ ebui ɖɛɖɔ, tɛ bɔɖɔ Kristo ebui kpukpu, alasɛ kɛlɛ so gɛ ba kpɛ mɛ buɖɛ.

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

1 Petro 1:12

Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.

1 Yohanɛsɛ 4:6

Bulɔ bu de Kpaya ɔkɔ, klɛ anɔ nɛ gɛ enyi Kpaya aba ta bulɔ atɔ, pɔ anɔ nɛ gɛ edi de Kpaya atɛ ba ta bulɔ atɔ. Kɛnɛ kɛlɛ kɔ sɛ bu ba ti Ɔfufɔɛ kɛgbɛagba anɛ̀ otro ɔfufɔɛ.

3 Yohanɛsɛ 1:14

Ididzoenu sɛ ɛba mɔ nɔ kpata, klɛ bu ba ɖɔaɖɔ amɛ nɛ amɛ. Nɔ za mɔ. Ɛbhɛya gɛ lɛ ɔkɛnɛ sɛnɛ nɔ sɛsɛ. Sɛnɛ ɛbhɛya nɛ gɛ lɛ ɔkɛlɛ kɔ mɛ

Tɛbubukasɛ 20:15

Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.

Tɛbubukasɛ 3:20

Ɔkɛ̃ nɛ mɛ li! Ili kititi nɛ kedunu klɛ mɛ huahwɛ opupu. Onu gɛ anɔ teli enu mɛ oli mɛ pɛ adanɛ opupu nɛɛ, ɛba tsoku klɛ ɛba ŋa kɛdɔ nɛ yɛ, klɛ yɛ tsyɛ aba ŋa nɛ mɛ.

Tɛbubukasɛ 7:17

Alasɛ Obhoshieyi nɛ bukusiegbu nɛ shitɛbha nɛ obo dzi balɛ agbɛgbanɔ; aba gbanɔa lɛ avɛnɔ beni lulu gɛ koeyi nɛ tisi mɛ ɔbha. Klɛ Kpaya ebe tsru ɛwɔ̃mɛ nyɛ wɔ̃mɛ ebu nɛ balɛ anhũ mɛ.”