Yohanɛsɛ 1:4 - ONUGBÙ NYƐNYÃ VUVƆ

⁴ Yɛ mɛ ɛkpã za, klɛ ɛkpã lɛlɛ ba dzi kifu gɛ deke kɔ banɔ.

Yohanɛsɛ 1:4 Iomraidhean Croise

Mateo 4:16

banɔ nɛ ga kpasɛ otumu mɛ ba mɔ kifu piim; nɛ baga lɛ butsi buyi kesukpa nɛ mɛ kifu deke.”

Luka 2:32

kifu kɔ kibui bubukasɛ kɔ ba gɛ dinu Yuɖanɛ klɛ kɔ kinyi kpɛkpɛabha kɔ wunɔ Izraɛl banɔ.”

Yohanɛsɛ 11:25

Yesu etsre yɛ asɛ, “Mɛ nu bekpuimɛ alɛlɔ nɛ̀ ɛkpã. Anɔ gɛ ayɛkɛ mɛabhaŋa, aba za nɛkpã kɛlɛlɛmɛ sɛ etsi tsyɛ,

Yohanɛsɛ 12:35

Ɔkɛlɛ Yesu etsre alɛ sɛ, “Nɔ bɔ yɛkɛ kifu nɛ kibebhli ko. Ga kibelɛlɛ nɛ gɛ nɔ yɛkɛ kifu, flogo tɛ otumu lo bo vu nɔ. Anɔ nɛ gɛ aga nɛ otumuɛ mɛ eti nyi ɔkɔnɔ nɛ gɛ avɛ.

Yohanɛsɛ 12:46

Ɛba kanɔ nɛ mɛ anasɛ kifu, sɛ tɛ anɔ nɛ gɛ ayɛkɛ mɛabhaŋa atɛ ba za otumuɛ mɛ.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Yohanɛsɛ 3:19

Kɛnɛ kɛlɛnu kibuimɛ bhubhui sɛ: Kifu ba kanɔ nɛ mɛ, pɔ banɔ ba dɛmɛ nɛ otumu bui ɔdɛ sɛ kifu bui alasɛ balɛ ebui bhɛbhɛtɛ nɛ nu ezizi.

Yohanɛsɛ 5:21

Kana gɛ Aka anyɛmɛ banɔ tsitsi klɛ àkɔ alɛ ɛkpã, kanake Eyianyɛ àkɔ ɛkpã bagɛ adɛmɛ sɛ tɛ akɔ.

Yohanɛsɛ 5:26

Alasɛ anasɛ gɛ ɛkpã lɛ Aka yɛnahwɛ mɛ, kanake akɔ Eyianyɛ ɛkpã sɛ lɛza yɛnahwɛ mɛ.

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Yohanɛsɛ 9:5

Gɛ ɛlɛ kanɔ nɛ mɛ, inu kanɔ nɛ kifu.”

Axwɛwɛwa 26:23

sɛ agɛ nu Kristo na ba mɔ butɔ, nɛ ansɛ anɔ tutɔpu gɛ anyɛmɛ edenɔ butsi mɛ, klɛ aba ɖɔ kadɔ edenɔ tɛtɛtã shu etsre yɛnahwɛ yeletea lɛ anɛ baga dɛ yɛkɛ aŋa.”

1 Kɔrintioanɛ 15:45

Kɛlɛso baŋlɔmɛ elu asɛ: “Anɔ tɛtɔpu Aɖam ebedzi ɛkpã anɔ” agɔgɔɛ Aɖam ɛkpã kukɔ ɔfufɔɛ.

Efesoanɛ 5:14

alasɛ kifu kɛlɛ kɔ kɛdɔnyɛdɔ kɛ wɔɛ̃. Kana so gɛ kɛ ɖɔ sɛ: “Nyɛmɛ, O anɔ gɛ adɔ tra, lɔ koeyi nɛ betsitsi nɛ shi, klɛ Kristo aba tã atrɔ wɔa bha.”

Koloseanɛ 3:4

Gɛ Kristo, agɛ enu ɛkpã abe koeyi, kɛlɛ wɔnɔ tsyɛ no bo koeyi nɛ̀ yɛ nɛ tɛbhubhui mɛ.

1 Yohanɛsɛ 1:1

Kɛ gɛ de kesikpɛkpɛ nɛ mɛ, gɛ bu nu, gɛ bu mɔ nɛ bu lɔ awɔ̃hu, gɛ bu di klɛ bulɔ ɛhwɛ nɛ hunɔ—kɛnɛ bu buɖɔ denɔ ɛkpã Ebui shu.

1 Yohanɛsɛ 1:2

Ɛkpã ba koeyi, bumɔɛ lɛ klɛ buɖɔaɖɔ nɛ lɛ shu, klɛ bu bu ɛkpãmabeke ebui tsre nɔ, gɛ lɛza Aka nɔ bha klɛ lɛ ba koeyi kɔ lɔ.

1 Yohanɛsɛ 5:11

Klɛ kɛlɛ nu kibuiɖɛɖɔɛ: Kpaya akɔ lɔ ɛkpã mabeke mabeke, klɛ ɛkpãɛ nɛ lɛ yɛ Yi nɛ mɛ.

Tɛbubukasɛ 22:1

Ɔkɛlɛ kpayaxwɛdɛ nɛ akasɛ mɛ ɛkpãni anɛ keni, bulɛ mɛ bhui ansɛ kɛdɔbhubhui, bu kpɛ denɔ Kpaya anɛ Obhosheyi nɛ kekusigbu nɛm

Tɛbubukasɛ 22:16

“Mɛ, Yesu, ɛtɛ kpɛ mɛ kpayaxwɛdɛ sɛ tɛ aba yɛkɔ ebuimɔɖɔa nɛ akɔ basɔlɛha. Mɛ nu Ogu anɛ Agɛ ede Daviti mɛ, anɛ Kɛvulɔɛ Wɛ̃wɛ̃ nɛ gɛ tã.”