Yohanɛsɛ 1:19 - ONUGBÙ NYƐNYÃ VUVƆ

¹⁹ Ɔtsyɔnɛ kɛnɛ kɛlɛ nu Yohanɛsɛ kibuimɔɖɔ kibe lɛlɛ gɛ Yuɖanɛ nɛ Yerusalɛm bakpɛ kpayazakɔ banɔ nɛ̀ Lewi banɔ sɛ be debisi yɛ anɔ nɛ gɛ enu.

Yohanɛsɛ 1:19 Iomraidhean Croise

Yohanɛsɛ 1:7

Abá anasɛ ebuimɔɖɔ denɔ kifui lɛlɛ nɛ shu, sɛ tɛ ganɔ yɛ abha banɔ petee ba yɛkɛaŋa.

Yohanɛsɛ 10:24

Yuɖanɛ ba za kana yɛ, klɛ ba ɖɔ sɛ, “Kɛlɛ dze ɔpɛɛ sɛ tɛ lɛ dze flogo tɛ obu lɔ nɛ sasuma nɛ mɛ? Onugɛ wɔ nu Kristo tsre lɔ wee.”

Yohanɛsɛ 10:31

Yuɖanɛ ba za yɛkɔ aklãgbu sɛ tɛ bata hu yɛ,

Yohanɛsɛ 11:19

klɛ Yuɖanɛ gelee ba ba Mata anɛ Maria ɔbha sɛ tɛ ba ba yɔ yɛ idzyi nɛ balɛ adzya butsi nɛ shu.

Yohanɛsɛ 2:18

Ɔkɛlɛ Yuɖanɛ ba pɛɛ denɔ yɛ ɔkɔ sɛ, “Kibuiyinanɔ ɖuweɖu ɔbɔ na lɔ ɔkasɛ gɛ kɛ ba kɔ sɛ wɔ kabhaŋɛŋa gɛ kɛlɛ wɔ ɔyɛkɔ bhɛtɛ ebui nɛ petee nɔ?”

Yohanɛsɛ 2:20

Yuɖanɛ be tsre yɛ asɛ, “Ba yɛkɔ agɔ afɛtalɛ̃ nɛ tehlo edzu kpayavu nɛ, klɛ ɔɖɔ sɛ, obo feke lɛ dzu nɛ ewui tata mɛ?”

Yohanɛsɛ 5:10

klɛ so Yuɖanɛ ne tsre anyɛ gɛ alɔ nɛ bunya nɛ mɛ asɛ, “Ki nu Kimuenewi, ɔshã ɔdɛ kɔ wɔɛ dzo sɛ tɛ otuku wɔ oputso.”

Yohanɛsɛ 5:15

Anyɛ nɛ ashɛ̃ klɛ ede tsre Yuɖanɛ asɛ Yesu yɛ enu anɔ nɛ gɛ akɔ sɛ alɛ mɔmɔ.

Yohanɛsɛ 5:16

Alasɛ gɛ Yesu abhɛtɛ ebuianɛ nɛ kimuenewui nɛabha so, ba kpatɔnɔ yɛ.

Yohanɛsɛ 5:18

Kibui nɛ so gɛ Yuɖanɛ ba pɛɛ kidzo gɛganɛ dɛ sɛ tɛ be yi yɛ, anɛ gɛ ata Tɛmumoene ɔshã nɛesi so, pɔ tsyɛ eze ke klu Kpaya sɛ yɛ nahwɛ yɛ Aka, klɛ abhɛtɛ shu asɔnɔ Kpaya.

Yohanɛsɛ 6:41

Nɛ kɛnɛnɛ mɛ belɛlɛ Yuɖanɛ be tenɔ onugbuesi kpɛ kɔ yɛ, alasɛ aɖɔ asɛ “Mɛ nu gbɛ̃gbɛ̃vu gɛ ezhi de owũsise ba.”

Yohanɛsɛ 6:52

Ɔkɛlɛ Yuɖanɛ be tenɔ ishu etsi tsiɔ̃ nɛ aglɔ mɛ, “Kɛlɛ anyɛa nɛ aba yɛkɔ yɛ shuidzya akɔ lɔ sɛ tɛ bu tã?”

Yohanɛsɛ 7:1

Kɛlɛlɛ nɛede Yesu avɛ ada nyɔ nɛ Galelia, yɛ tɛpɛpɛɛ kɛlɛ nu sɛ tɛ ashɛ̃ nɛ Yuɖea alasɛ Yuɖanɛ be po sɛ tɛ be yi yɛ.

Yohanɛsɛ 7:11

Nɛ kiwui nɛ mɛ Yuɖanɛ bevu awɔ̃hu di sɛ ba ba mɔ yɛ klɛ bè bisi asɛ, “Fakɔ anyɛa lɛ na lɛ?”

Yohanɛsɛ 7:15

Kɛbhɛtɛ Yuɖanɛ ne bi klɛ bebisi asɛ, “Kɛlɛ anyɛanɛ eti ebuianɛ gɛ adɛ kpasɛ dɔ?”

Yohanɛsɛ 8:22

Kɛ kɔ Yuɖanɛ be bisi asɛ, “Ebe ti yi yɛnahwɛ shu? Kɛlɛso gɛ aɖɔsɛ, ‘Ɔkɛlɛ gɛ ɛvɛ, nɔ tɛ ba na ba’?”

Yohanɛsɛ 8:48

Yuɖanɛ be bui lɛ nu kɔ yɛ asɛ, “Bulɔɛ yɛ dɛ ŋa sɛ buu ɖɔ sɛ onu Samaria eyi klɛ ɔfufɔɛ zizi otsri wɔa bha?”

Yohanɛsɛ 8:52

Nɛ kibui nɛ shu Yuɖanɛ ba kpɛ ogugu sɛ, “Ɔtsyɔnɛ bu nyi sɛ ɔfufɔɛ zizi lɔ kpasɛ wɔɛ mɛ! Abraham etsi klɛ kanake so batɔnu na bhɛtɛ, pɔ ɔɖɔ sɛ anɔ gɛ ayɛkɛ wɔ ebui, atɛ be mini butsi di.

Yohanɛsɛ 8:57

Yuɖa baɖɔ sɛ, “Ɔkɔ she ɔyɛkɛ agɔ afeti, klɛ ɔsɛ ɔmɔ Abraham!”

Axwɛwɛwa 13:25

Kibe lɛ gɛ Yohanɛsɛ awa yɛ kɛxwɛ nɛ beke nɛɛ, aɖɔ sɛ: ‘Anee wɔnɔ atɔkpu nɛm aɖɔa sɛ yɛ mɛ nu? Anɛ mɛ nu yalɛlɛ. Owo, pɔ aba ba nɛ mɛede, yɛ butsrukpɔɛklɔ ohui tsyɛ edɛ na kɔ bulɛ tɛbublue.’

Axwɛwɛwa 19:4

Paolo aɖɔ sɛ, “Yohanɛsɛ bunikpɛkpɛ nɛ nu kitem tsyitsyina yɛ. Etsre banɔ na sɛ ba yɛkɛ agɛ yɛa ba nɛ yɛe de nɛa bha aŋa, yɛ enu Yesu.”

1 Yohanɛsɛ 1:5

Kibui ɖɛɖɔɛ nɛ bu nu denɔ yɛ ɔkɔ klɛ bu butsre nɔ: Kpaya yɛ nu kifu, nɛ yɛ mɛ otumu kanyaka ɔma.