Yohanɛsɛ 1:16 - ONUGBÙ NYƐNYÃ VUVƆ

¹⁶ Denɔ yɛ ɛyɛmɛyuyɔ nɛna mɛ bulɔ petee bu yɛkɛ tɛyuyula trikpo nɛ aglɔ ede.

Yohanɛsɛ 1:16 Iomraidhean Croise

Mateo 13:12

Aanɔ nɛ gɛ kɛdɔ lɛ yahwɛ bazia kɔ yɛ ata, klɛ kɛdɔ ba za yɛ ahwɛ gelee. Aanɔ nɛ gɛ kɛdɔnyɛdɔ ma yahwɛ, kibhliyi nɔɔ gɛ lɛ yɛ ahwɛ tsyɛ ba ba yɛkɛ kɛlɛ nɛ yahwɛ.

Mateo 3:11

“Ɛɛkpɛuni kɔ wɔnɔ nɛ buni kɔ kite mɛ tsyitsyina. Pɔ mɛede anɔ nɛ gɛ alɛ kemi adɛ mɛ aba ba, yɛ butsrukpɔaklɔ tsyɛ ɛdɛ na gɛ ɛba vunɔ. Yɛ aba kpɛuni kɔ nɔ nɛ Ɔfufɔɛ Dzyɔgo anɛ kifu.

Mateo 3:14

Pɔ Yohanɛsɛ edi asɛ tɛ aplɛ yɛ, aaɖɔ asɛ, “Mɛ kɛlɛ sɛ tɛ ɔkpɛuni ɔkɔ, klɛ mɛ ɔkɔ ɔba?”

Luka 21:15

Alasɛ ɛba kɔ wɔ ebuiɖɛɖɔ nɛ kibuinyinyi sɛ ba gɛ bata pɛɛ wɔɛbui ba tɛ bana kibui nɛ shu shɛ̃nahwɛ pɛnɔ betsyinɛ la ɖɔ.

Yohanɛsɛ 3:34

Alasɛ anɔ nɛ gɛ Kpaya asɛsɛ aɖɔ Kpaya ebui, alasɛ Kpaya akɔ Ɔfufɔɛ gɛ lɔ tɛ beke.

Romanɛ 5:17

Alasɛ onu, ganɔ anɔ terikpo buzizia bha, butsi ŋɛabha ganɔ anɔ terikpoa lɛlɛ nɛa bha, kɛlɛ kɛ taa za dɛ sɛ bagɛ ba yɛkɛ Kpaya eshutukubui didi gelee anɛ tɛnɛna kɛdɔkukɔ taa ŋɛa bha nɛ ɛkpã mɛ ganɔ anɔ terikpoa lɛlɛ, gɛ enu Yesu Kristoa bha.

Romanɛ 5:2

ganɔ yɛa bha lɔ mɔ kidzo ganɔ tɛyɛykɛŋa pɛ bu tsoku eshutukubui didia nɛ mɛ gɛ bu li titi ɔtsɔ̃. Klɛ bu mɔ same nɛ kidzoenudidi nɛ Kpaya ishubhubhui mɛ.

Romanɛ 5:20

Ba yɛkɔ ɔshã nɛ aba ta sɛ tɛ buzizi nɛ ba wua bha. Pɔ ɔkɛlɛ gɛ buzizi nɛ buu wua bha, eshutukubui didi nɛ eke wuabha dɛa na,

Romanɛ 8:9

Wɔnɔ, pɔ nɛɛ, tɛzɛzamkpã nɛ tɛ ŋa nɔa bha, Ɔfufɔɛ nɛ ɔlɛ ɔŋa nɔa bha, onu gɛ Kpaya Ɔfufɔɛ nɛ ɔlɛ wɔnɔ mɛ. Klɛ onu gɛ anɔ teli Kristo Ɔfufɔɛ nɛ ɔma yɛ mɛ, edi nu Kristoa yɛ.

Efesoanɛ 1:23

gɛ kɛnu yɛ ishuidzya, yɛnahwɛ kana gɛ amɔ kɛdɔnyɛdɔ nɛ kidzonyɛdzoa bha.

Efesoanɛ 3:19

klɛ tɛ nɔ tii yɛ anɔɛbui tɛdɛdɛmɛ gɛ kɛdɔ fla tititi—tɛ be yuku nɔ kɔ tɛsɛsɔnɔ Kpaya tɛyuyuku petee.

Koloseanɛ 1:19

Alasɛ kɛ ku Kpaya awɔ̃ sɛ tɛ ayɛkɔ yɛ shu petee aba za yɛ mɛ,

Koloseanɛ 2:3

nɛ kɛlɛ mɛ le kpu kibuinyinyi anɛ̀ kibuititi petee ɔbalakɔ.

1 Petro 1:11

ba wlãnkɛ sɛ tɛ beti kibe klɛ nɛ la gɛ lalɛ alɛshu kɔ Kristo Ɔfufɔɛ nɛ́ balɛ mɛ akasɛ kibe nɛ gɛ aɖɔ Kristo butɔ anɛ yɛ shu bhubhui gɛ kɛ ba za lɛede.

1 Petro 1:2

gɛ be klu nɛ́ Kpaya Aka yɛ dɔdidi kpɛ otugba, ganɔ Ɔfufɔɛ nɛ kɛxwɛwɛwa nɛ shu dɛdanɛ kɔ batɔ tɛta Yesu Kristo klɛ nɛ yɛ dzyosu tɛtɛta balɛ: Kɛdɔkukɔ anɛ ishuyuyɔ dzi wɔnɔɛ yɛ nɛ tɛkpikpe mɛ.