Yohanɛsɛ 1:1 - ONUGBÙ NYƐNYÃ VUVƆ

¹ Nɛ kesikpɛkpɛ Kibui nɛ lɛ, klɛ Kibui nɛ lɛ plɛnɔ Kpaya, klɛ Kibui nɛ kɛlɛ nu Kpaya.

Yohanɛsɛ 1:1 Iomraidhean Croise

Mateo 1:23

“Kebite nɛ kebe munɔ ɛya klɛ ka ba mɔ eyianyɛ, klɛ le be kulu yɛ asɛ Yimanuɛlɛ” gɛ kɛlɛesi nu sɛ, “Kpaya alɛ plɛnɔ lɔ.”

Luka 24:53

Klɛ kibenyɛbe ba za kpayavu nɛ mɛ, gɛ ba kpɛ Kpaya nyi nɛabha.

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:18

Anɔnyanɔ aka mɔ Kpaya edi, pɔ Kpaya Eyi nɛ̀ Terikpo, gɛ alɛ Aka nɛ wã, ye abhɛtɛ sɛ bu ti yɛ.

Yohanɛsɛ 1:2

Aza plɛnɔ Kpaya nɛ kesikpɛkpɛ.

Yohanɛsɛ 16:28

Ide Aka nɔ kɔ klɛ itsoku kanɔ nɛ mɛ, ɔtsɔnɛ Ɛshɛ̃ nɛ kanɔ nɛ mɛ klɛ ɛka tsodzi ɛvɛ Aka nɔ kɔ.”

Yohanɛsɛ 17:5

Klɛ ɔtsɔ̃ nɛ̃ nɛɛ, Aka, kpɛ mɛ nɛa bha nɛ wɔ ɔzakɔ anɛ kabhakpɛkpɛ nɛ ga za mɛ ahwɛ plɛnɔ wɔ flogo pɛ kanɔ na kakpɛe si.

Yohanɛsɛ 20:28

Toma aɖɔ tsre yɛ asɛ, “Ma Apalete anɛ mɛ Kpaya!”

Yohanɛsɛ 8:58

Yesu ebuilɛnu sɛ, “Ɛtsre nɔ kɛgba sɛ, ɛlɛ ɔkɛlɛ, flogo gɛ ba mɔ Abraham!”

Romanɛ 9:5

Balɛ yɛ kɛlɛ nu banɔshishe, klɛ denɔ balɛ mɛ Kristo ansɛ anɔdzyrame ana la ba mɔ yɛ bakakuku, gɛ enu Kpaya kɔ anɔnyanɔ, gɛ ba kpɛ nɛa bha! Tɛ kɛbɛlɛm.

Efesoanɛ 3:9

klɛ tɛ akɔ anianɔ amɔ wee kibui kpukpuɛnɛ bhɛbhɛtɛ, kɔ kibe gɛ kɛ bafla gɛ bekpu nɛ Kpaya mɛ, agɛ abhɛtɛ kɛdɔ nɛ petee.

Filipianɛ 2:6

Ane, gɛ yɛ tɛzɛza mɛ nu Kpaya, adɛ di ishu yɛyɛkɔ sɔnɔ Kpaya ki nu kɛdɔ gɛ be be vu,

Koloseanɛ 1:15

Kristo yɛ tɛzɛzamɛ nu Kpaya gɛ ba ta mɔ, eyi tɛtɔpu kɔ kɛdɔ bhɛbhɛtɛ kanyaka.

Koloseanɛ 1:17

Alɛ flogo gɛ kɛdɔnyɛdɔ ba lɛ, klɛ nɛ yɛ mɛ be xogo kɛdɔnyɛdɔ.

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Hebriuanɛ 13:8

Yesu Kristo terikpo alɛ nɛ ko enu kivu gɛ ba fla anɛ kibenyɛbe.

Hebriuanɛ 7:3

Aka nɛ eni maza lɛ mɛ, ɔkɔ maɖɔmaɖɔ, kiwuiesi kpɛkpɛ pɛnɔ ɛkpã beke kɔ, anasɛ Kpaya Yeyi klɛ edzi kpayazakɔanɔ ɔvɛnɔ mabeke mabeke.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

1 Yohanɛsɛ 5:7

Alasɛ kɛdɔ tɛta kɛlɛ ɖɔaɖɔ,

Tɛbubukasɛ 1:11

gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 1:17

Gɛ ɛmɔ yɛ, ɛwɔlɔdɔ nɛ yɛ otugba ansɛ butsi mɛ itsi. Kɛlɛ ayɛkɔ yɛ kɛŋa ɔhwɛ nɛ atrɔ mɛa bha klɛ asɛ, “Ti si kifu. Mɛ nu atutɔpu anɛ agɔgɔɛ.

Tɛbubukasɛ 1:2

gɛ aɖɔakasɛ kɛdɔnyɛdɔ gɛ amɔ kɛlɛ nu, Kpaya kibui nɛ tɛmumɔɖɔ denɔ Yesu Kristo ɔkɔ.

Tɛbubukasɛ 1:8

Apalete Kpaya nɛ asɛ, “Mɛ nu Kesikpɛkpɛ anɛ Tɛbibeke,” “gɛ alɛ, klɛ aza, klɛ yɛ aba ba, Agɛ yɛa dɛ.”

Tɛbubukasɛ 19:13

Akpɛ awidzidze gɛ ba vɔ akpɛ dzyosu mɛ, klɛ yɛ kɛnyi nɛ kɛlɛ nu Kpaya Kibui.

Tɛbubukasɛ 2:8

“Kɔ kpayaxwɛdɛ nɛ Smirna busɔlɛɔha nɛ mɛ ɔsɛ: Aanɛ alɛ nu yɛ ebui gɛ yɛ enu Atutɔpu anɛ Agɔgɔɛ, gɛ etsi pɛ etsodzi aba ɛkpã mɛ.

Tɛbubukasɛ 21:6

Aɖɔ etsrem asɛ: “Kɛ tɛ bhɛtɛ beke. Mɛ nu Alfa anɛ Omega, Kesikpɛkpɛ anɛ Obekekɔ. Aanɔ nɛ gɛ oniwɛ̃ ɔɔta yɛ ɛba kɔ yɛ awɛ̃ buni edenɔ ɛkpãni nɛ gɛ de tisi mɛ kɛbhɛ mabuya mabuya.

Tɛbubukasɛ 22:13

Mɛ nu Alfa anɛ Omega, Atutɔpu anɛ Agɔgɔɛ, Kesikpɛkpɛ anɛ Tɛbibeke.

Tɛbubukasɛ 3:14

“Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.