Titusɛ 3:8 - ONUGBÙ NYƐNYÃ VUVƆ

⁸ Kibui nɛ nu kibuiɖuɖɔ gɛ ba ba yɛkɛ kɛlɛa bha aŋa. Klɛ ɛpɛɛ sɛ tɛ nɔ trɔ kɛklãgbu nɛ ebuia nɛa bha, sɛ tɛ bagɛ atɛ yɛkɛ Kpayabha aŋa nɛ be luawɔ̃ tɛ ba yɛkɔ ishu etsye nɛ kibui dzyɔgo tɛbhɛbhɛtɛ mɛ. Ebuia nɛ apɛ̃ezi klɛ le be dzi kɛdɔ kɔ anɔnyanɔ.

Titusɛ 3:8 Iomraidhean Croise

Mateo 20:4

Klɛ etsre balɛ asɛ, ‘Wɔnɔ tsyɛ nɔ vɛ tɛ nɔ dɔ wa kɛxwɛ nɛ mɛ buya nɛ mɛ, tɛ ɛba buya kɛbhɛ nɔɔ nɛ gɛ dzyenɔ nɛ ɛkɔ nɔ.’

Yohanɛsɛ 12:44

Ɔkɛlɛ Yesu akpɛ ogugu aɖɔ sɛ, “Kibenɔ nɛ gɛ anɔ ayɛkɛ mɛabhaŋa, adɛ yɛkɛ mɛ tite abhaŋa, pɔ ayɛkɛ anɔ nɛ gɛ akpɛ mɛ abhaŋa.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Axwɛwɛwa 12:15

Banɔ nɛ bupa nɛm nɛ betsre adzɛnuvɔɛ na sɛ, “Ɔma nɛ awɔ̃.” Gɛ asa zɛa ɖɔ nɛ be tsrea sɛ onu kɛgba aɖɔ nɛa kɛlɛalɛ “Yɛ Kpaya axwɛdɛ nɛ wɔ ɔmɔ.”

Romanɛ 4:5

Pɔ nɛɛ, anɔ nɛ gɛ atɛ wa kɛxwɛ pɔ ayɛkɛ Kpaya nɛ gɛ aadanɛ kɛtɔkpum gɛganɛelete shua bha ŋa, yɛ tɛyɛyɛkɛŋa ba yɛkɔɛ lɛ akɔɛ ansɛ tɛnɛna.

2 Kɔrintioanɛ 4:13

Ba ŋlɔmɛ elu asɛ: “Ɛyɛkɛŋa, kɛlɛso ɛɖɔaɖɔ.” Nɛ tɛyɛyɛkɛŋa ɔfufɔɛ lɛlɛ nɛabha bulɔ tsyɛ bu yɛkɛŋa anɛ kɛlɛso bu ɖɔaɖɔ,

Efesoanɛ 4:28

Anɔ nɛ gɛ ezuru ete zuru, pɔ awa kɛxwɛ, ayɛkɔ yɛ ɛhwɛ aza bhɛtɛ kɛdɔ dzyɔgo tili nɔ, tɛ amɔ kɛdɔ tili tɛ aba ya kɔ anɔ nɛ gɛ apɛɛ dɔ.

1 Timotio 1:15

Kibuiɖuɖɔ gɛ kɛlɛ sɛ ba yɛkɛ kɛlɛa bha ŋa nɛ nɛɛ: Kristo Yesu aba kanɔ nɛm sɛ tɛ aba yɛkɛ kɔ bezizi—gɛ mɛ inu ezizi nɛ dɛ nɛ balɛm.

1 Timotio 2:8

Ɛpɛ banɔ nɛ ɔkɔnyɔkɔ sɛ be bu ɛhwɛ gɛ ɛlɛ shu bhui akpɛa bha kɔ kpayakuklu, obulo anɛ kibui wɛ̃wlãnkɛ ma kɛlɛ mɛ.

1 Timotio 5:10

klɛ be nyi yɛ mɔmɔ nɛ yɛ ebui dzyɔgo shu, ansɛ beyi nyunyunɔ, anɔkɔdidi, butsrukpɔ puplu kɔ banɔnɛna, tɛpɛplɛnɔ kukɔ bagɛ be ku butɔ mɛ klɛ ayɛkɔ yɛ shu akpɛ ebui dzyɔgo kanyaka tɛbhɛbhɛtɛ mɛ.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

Titusɛ 1:9

Alasɛ tɛ anyɛna kibui nɛ gɛ kɛlɛ sɛ ba yɛkɛ kɛlɛ bha aŋa nɛ mɛ evunɔ gɛganɛɛ ansɛ gɛ ba kasɛ lɛ, sɛ tɛ ana bagɔgɔɛ nɛ kemiu kpɛ ganɔ kɛdɔkɛkasɛ nɛna tɛ atɛ dɛmɛ nɛ bagɛ balɔ kititi nɛ kɛlɛ shu.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Titusɛ 2:7

Nɛ kibuinyɛbui mɛ, bhɛtɛ kibui dzyɔgo gɛ be be di abhɛtɛ. Nɛ wɔ kɛdɔkɛkasɛ mɛ, kasɛ ɔsɛ onu anɔ gɛ otoo hu otro, klɛ ɔtɔɔ wɔ buwɔfu

Titusɛ 3:1

Baka banɔ nɛ sɛ ba kpɛ kɛtɔkpuesi kɔ bagɛ aŋaɛbha nɛ kabhaŋɛŋa, tɛ ba taa tɔ, tɛ ba za tɛbɛbala mɛ kɔ kɛkanyakaɛ di gɛ kɛbɔ nɛ tɛbhɛbhɛtɛ,

Titusɛ 3:14

Alasɛ tɛ bulɔkɔayɛ nɛ bakpasɛ kana gɛ ba ba yɛkɔ ishu akɔ nɛ kɛdzyɔgo tɛbhɛbhɛtɛ mɛ, sɛ tɛ ba bhɛtɛ kiwinyɛwi kɛdɔ bhɛbhɛtɛ tɛ ba tɛ za nɛ ɛkpã nɛ gɛ kɛdɔnyɛdɔ tɛ ba de kɛlɛ mɛ koeyi.

Filimɔnɛ 1:11

Kukuku nɛɛ adɛ za kibuinyɛbui mɛ akɔ wɔ, pɔ ɔtsɔ̃ ebe dzi apɛplɛnɔ kɔ wɔ anɛ mɛ.

Hebriuanɛ 10:24

Klɛ nɔ kɔ lɔ di kɛgɛ buba bhɛtɛ kɔ agulɔ kɔ ishudɛdɛmɛ anɛ adzyɔgo bhɛbhɛtɛ.

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.