Titusɛ 3:3 - ONUGBÙ NYƐNYÃ VUVƆ

³ Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

Titusɛ 3:3 Iomraidhean Croise

Mateo 21:29

Eyi nɛ asɛ, ‘Ɛtɛɛ vɛ,’ pɔ kɛlɛe de mɛ ebe tsyina yɛ kɛtɔkpum klɛ avɛ.

Luka 21:8

Ebuilɛnu asɛ: “ Nɔ di ishuabha sɛ ba dɛ wɔɛ nɔ. Alasɛ be gelee aba ɖɔ sɛ, ‘Mɛ nu yɛ,’ klɛ, ‘Kibe nɛ na.’ Nɔ tɛ tɔnɔ alɛ.

Yohanɛsɛ 8:34

Yesu ebuilɛnu asɛ, “Itsre nɔ kɛgbɛ, anɔnyanɔ gɛ abhɛtɛ kibuizizi enu anɔdzidzi kɔ buizizi.

Romanɛ 11:30

Ansɛ gɛ wɔnɔ nɛ kibe tilim gɛ nɔ dɛ ta Kpaya batɔ pɛ ɔtsɔ̃ nɔ bɔ mɔ eshutuku didi denɔ balɛ batɔ matamata shu,

Romanɛ 6:12

Kɛlɛso, nɔ tɛ kɔ sɛ buzizi ŋa wɔnɔa bha nɛ ishuidzyam sɛ tɛ nɔ bɔ ta batɔ nɛ ɛlɛ tɛpɛpɛɛ tsutsɔmɔ.

Romanɛ 6:17

Pɔ ahwɛhuhu kɔ Kpaya sɛ, kɛ nya lɛ kɛlɛm sɛ tsã no dzi banɔdzidzi kɔ buzizi, nɔ yɛkɔ wɔnɔ idzyi petee ɔtatɔ nɛ kɛdɔkɛkasɛ nɛ di gɛ ba yɛkɔ kpɛ ahwɛ kɔ nɔ.

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

Romanɛ 6:6

Alasɛ bunyi sɛ ba tɛ kpla bulɔ ɛkpãkuku nɛ asɔ plɛnɔ yɛ sɛ tɛ buzizi ishuidzya nɛ beke, sɛ tɛ bu taa ba dzi anɔdzidzi kɔ buzizi,

2 Kɔrintioanɛ 12:20

Alasɛ isifu sɛ kibenɔ nɛ gɛ ɛba ɛtɛ ba mɔ nɔ anasɛ gɛ ɛpɛɛ sɛ tɛ nɔ za, klɛ nɔ tɛ bɔ mɔ mɛ anasɛ gɛ nɔ pɛɛ sɛ tɛ ɛza. Isifu sɛ ebla pɛpɛɛ, kabhawuwlãnkɛ, obulo gɛganɛ mumɔ, kɛdɔ wuwlãnkɛ, kɛdɔ kukula, aglɔ shuibui ɖɛɖɔ, ishu fifeke anɛ aglɔ shu zizi.

Galatianɛ 6:3

Onugɛ anɔ teli edi shu sɛ enu kɛdɔ tili nɛ kɛbelɛlɛ gɛ edinu kɛdɔnyɛdɔ awɔɛ yɛnahwɛ shu.

Koloseanɛ 1:21

Nɛ kibe tili gɛ nɔ za odzidze kɔ denɔ Kpaya ɔbha klɛ nɔ dzi banɔ gɛ ba dɛ pɛɛ yɛ bui nɛ wɔnɔ atɔkpu mɛ alasɛ wɔnɔ ebuikpã bhɛbhɛtɛ so.

Koloseanɛ 3:7

Nɔ ganɔ ga nɛ edzoa nɛabha, anɛ́ ɛkpã nɛ gɛ nɔ tɛ za di.

2 Timotio 3:13

nɛ kibe lɛ mɛ gɛ banɔ tsutsɔmɔ anɛ bagɛ ba wɛanɔ na ba lɔ denɔ butsutsɔmɔ mɛ avɛ butsutsɔmɔ dɛa na nɛ mɛ, aza wɛanɔ klɛ la ba za wɛalɛ tsyɛ.

2 Timotio 3:6

Balɛ enu banɔa lɛlɛ nɛɛdi gɛ ba ŋa balɛ kidzo ansɛ asɔ̃ etsoku banɔa bapa mɛ klɛ la ŋa badzɛ nɛ gɛ ama kemi nɛa bha, gɛ be yuku nɛ buzizi klɛ butsutsɔmɔ kɛdɔpɛpɛ kanyaka di wãnya lɛ ɔvɛnɔ ɔkɛ̃ nɛ ɔmɛna ɔkɛ̃,

Titusɛ 1:16

Bee bu aɖɔa sɛ be nyi Kpaya, pɔ ganɔ balɛ ebui bhɛbhɛtɛ nɛ mɛ ba dɛ yɛkɛ yɛ. Be nu banɔ gɛ ba kpalɛɔha, ba ta taa tɔ klɛ ba dɛ na kɔ kibui dzyɔgo kanyaka tɛbhɛbhɛtɛ.

Titusɛ 2:12

Lɔɔ kasɛ lɔ sɛ buɖɔ sɛ, “Ao” kɔ kpaya mɛ mazamaza anɛ kanɔmɛdɔ pɛpɛɛ, klɛ tɛ ɔna ishu ganɔ, tɛfuflɔ̃ anɛ kpayamzɛza ɛkpã nɛ ɔtsɔ̃ nɛa nɔmɛ,

Yakobo 1:26

Onu gɛ anɔ teli edi shu asɛ asɔlɛ tsyɛ pɛɛ adɛ kpaka yɛ kɛnɛkɛ nɛ gɛganɛ nɛɛ, awɛɛ shu klɛ kedziŋɛŋa kanyaka ma yɛ busɔlɛ nɛ shu.

1 Petro 1:14

Anasɛ banuvɔ gɛ ba tatɔ, nɔ tɛ kɔ ebuizizi pɛpɛɛ laza wũnɔ ahwɛ kibelɛlɛ nɛ gɛ nɔ za matimati mɛ.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 13:14

Alasɛ kɛdɔmumɔ nɛ gɛ ba kɔ yɛ kemi sɛ tɛ abhɛtɛ nɛ agavuga tutɔpu nɛ nu so, awɛɛ banɔ nɛ ga lɛ kesukpa nɛa bha. Akɔ sɛ ba bhɛtɛ kɛdɔ bhubhɔ tɛ ba yɛkɔ akpɛ agavuga nɛ gɛ ba kpɛ kɛpɔ nɛ ɛhɛɛ tsyɛ pɛ aza nɛ ɛkpã.

Tɛbubukasɛ 18:2

Akpɛ ogugu nɛ olim gbɛgbla toli asɛ: “Babilɔnɛ Gbɛgbla Awɔlɛ! Awɔlɛ! Edzi Satana yɛeyialɛ ɔzakɔ klɛ ɔfufɔɛkpã kanyaka ɔpɛa nɔ nɛ ɔklɛ, ba pɛɛ kazhuɛ kanyaka gɛ kalɛ shu edi bhui klɛ kalɛ bui ma anɔ li nɛ ɔkɛlɛ.