Titusɛ 3:2 - ONUGBÙ NYƐNYÃ VUVƆ

² ba tɛ zi anɔnyanɔ shu, tɛ ba bhɛtɛ ishuyuyɔ anɛ anhũvuvu nɛ anɔ, tɛ ɔbhɛtɛ ishubububɔ kɛgbɛagba ɔvɛnɔ banɔ nɛ petee ɔkɔ.

Titusɛ 3:2 Iomraidhean Croise

Mateo 11:29

Nɔ yɛkɔ mɛ ɔkpakasi nɛ ɔtrɔ shu tɛ nɔ kpasɛ kɛdɔ denɔ mɛ ɔkɔ, alasɛ ɛyɔ klɛ mɛ dɔfɔ̃ɔ nɛ idzyi mɛ, klɛ nɔ bɔ mɔ omuenekɔ kɔ wɔnɔ atɔwi.

Axwɛwɛwa 23:5

Paolo ebu klɛ nu asɛ, “Madzyalɛ mɔ, ɛdɛ mɔ sɛ enu Kpayanɔ gbla; alasɛ kɛ ŋlɔmɛ li sɛ: ‘Tɛ ɖɔ kaɖɔ kpã nɛ anɔ nɛ gɛ aŋa wɔnɔ kɔayɛ nɛa bha nɛ shu.’ ”

1 Kɔrintioanɛ 6:10

pɛnɔ buzi pɛnɔ kɛdɔ pɛpɛɛ pɛnɔ eluwɔ̃ɛ pɛnɔ kɛdɔkukula ba gɛ ba kulɛdɔ nɛ bezi ba tɛ ba mɔ Kpaya kusiɔŋa kɔ nɛ mɛ otsoku.

1 Kɔrintioanɛ 9:19

Kɛlɛlɛ mɛ sɛ ɛlɛ ishuahwɛ klɛ ɛdɛ nu anɔnyanɔ ayɛ, ɛ́bhɛtɛ ishu axwɛdɛ kɔ anɔnyanɔ, tɛ ɛmɔ banɔ gelee anasɛ gɛ ɛpɛɛ.

2 Kɔrintioanɛ 10:1

Kristo yɛ tɛyɛyɔ anɛ ishunyɛnyɛna, ibisi denɔ wunɔ kɔ—Mɛ, Paulo, gɛ mɛ “kɛwɔ̃ɛ ku” kibelɛlɛ gɛ bu tsya amɛ nɛ amɛ nɛ wunɔ, pɔ “ɛgɛganɛ” kibelɛlɛ gɛ ɛma!

2 Kɔrintioanɛ 12:20

Alasɛ isifu sɛ kibenɔ nɛ gɛ ɛba ɛtɛ ba mɔ nɔ anasɛ gɛ ɛpɛɛ sɛ tɛ nɔ za, klɛ nɔ tɛ bɔ mɔ mɛ anasɛ gɛ nɔ pɛɛ sɛ tɛ ɛza. Isifu sɛ ebla pɛpɛɛ, kabhawuwlãnkɛ, obulo gɛganɛ mumɔ, kɛdɔ wuwlãnkɛ, kɛdɔ kukula, aglɔ shuibui ɖɛɖɔ, ishu fifeke anɛ aglɔ shu zizi.

Galatianɛ 5:22

Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,

Galatianɛ 6:1

Madzyalɛ mɔ, onugɛ bevu anɔ teli gɛ abhɛtɛ kibuizizi, wɔnɔ bagɛ nɔ nu ɔfufɔɛmɛ ayɛ nɔ kasɛ yɛ kidzo dzyɔgo nɛ ishu nyɛnyɛna mɛ. Pɔ nɔ di ɛshuabha sɛ tɛfifekedi kɛ tɛba kɔ wɔ.

Galatianɛ 6:10

Kɛlɛso, anasɛ gɛ bu mɔ kibe dzyɔgo, nɔ kɔ lɔ bhɛtɛ kɛdzyɔgo kɔ banɔnyanɔ, kɛlɛ mumɔ kɔ ba gɛ be nu beshopo bayɛyɛkɛŋa.

Efesoanɛ 4:2

No vu ishu tɛ nɔ dɔfɔ̃ɔ petee, nɔ dzi banɔ yɛyɔ, nɔ bhɛtɛ terikpo nɛ ɔhaglɔ tɛdɛdɛmɛ nɔ mɛ.

Efesoanɛ 4:31

No bu ishu mɛ pupɔɛ petee, budugudugu anɛ oblo, kadapɛkpɛ anɛ anɔ shu zizi, ɔyɛkɔ plɛnɔ buzizi nyɛzizi.

Filipianɛ 4:5

Kɔ nɔ tɛyɛyɔ dzi kibui ɖɛɖɔ kɔ anɔnyanɔ. Apalete tɛbɛba tsyobunɔ.

1 Tɛsolonianɛ 2:7

pɔ bu nyɛna ishu nɛ wɔnɔɛ shi, ansɛ gɛ eyieni eedi yeyialɛ bhli ɔkɔ.

1 Timotio 3:11

Nɛ kidzoe lɛ nɛa bha ke, balɛ edzinialɛ nɛ tsyɛ alsɛ tɛ be dzi badzɛ gɛ bana sɛ tɛ be bu, ganɛ banɔ gɛ ba ɖɔ anɔshutibui pɔ banɔyuyɔ anɛ banɔ gɛ ba ba yɛkɛ balɛa bha aŋa nɛ kibuinyɛbui mɛ.

1 Timotio 3:3

atɛ yɛkɔ ishu akɔ bulububuku, atɛ za kanya pɔ azɛ fãã, eti dzi eblapɛ, eti dzi anɔ gɛ aɖɔ ehoeyi.

Yakobo 3:17

Pɔ kibuinyinyi nɛ gɛ de owũsise, putɔnɔ nɛɛ, kɛlɛ shu petee bhui, klɛ ishuyuyɔ— tɛdɛdɛmɛnɔ, tɛyɛyɛkɔ nɛ lɛm, ishu zhizhinɔesi, tɛyuyuku nɛ eshutukubui didi nɛ eyuyu dzyɔgo, anɔamɛ madimadi anɛ kidzo tirikpom nyɛnyɛna vunɔ.

Yakobo 4:11

Badzya mɔ, no ti zi aglɔ shu. Anɔnyanɔ gɛ aɖɔaɖɔ kpã nɛ yadzya shu ɔdɔgɔsɛ ekluebhui nɛ yɛ aɖɔaɖɔ kpã nɛ ɔshã nɛ shu klɛ ekluebhui nɛ ɔlɛ. Onu gɛ okluebhui nɛ ɔshã nɛɛ, anɛ ɔlɛabha ɔbhɛtɛ, pɔ ozhiodzi kebhuikuklum nɛ ɔlɛa bha.

1 Petro 2:1

Kɛlɛso, nɔ bu wɔnɔshu denɔ ebuikpã petee mɛ, anɔwuwɔɛ, otro petee, awɔ̃dzɛdzã anɛ anɔshuzizi kanyakaɛ di.

1 Petro 3:10

Alasɛ, “Anɔ nɛ gɛ aba dɛmɛnɔ ɛkpã klɛ amɔ ewui dzyɔgo azɛkɔlɔ ebuikpã ɖɛɖɔ nɛ yɛ nɛkɛ klɛ tɛ ada onugbu akpɛ yɛ kɛnɛkɛ nɛ ebuizizi kaɖɔ ɖɛɖɔ shu.

1 Petro 3:8

Gugɔɛ, wũnɔ petee nɔ za nɛ aglɔbha nɛ terikpo bhɛbhɛtɛ mɛ anɛ aglɔ pɛplɛnɔɛ mɛ, nɔ dɛmɛnɔ aglɔ anasɛ badzya, nɔ di aglɔ eshutukubui nɛ ishunyɛnyɛna.

1 Petro 4:4

Ba yɛkɔɛ lɛ sɛ kɛbhɛtɛ alɛ bi sɛ nɔ dɛ za kɛlɛe de tsoku nalɛ kpɛ ɛkpãzizi gɛganɛ lɛlɛ nɛɛ di, klɛ ba yɛkɔ tɛkukla atrɔ wɔnɔ abha.

2 Petro 2:10

Kɛnɛ kɛnu kɛbuigba kɔ nɛ bagɛ balɛ otumu mɛ dɔ pɛpɛɛ anɛ́ ebuizizi bhɛbhɛtɛ klɛ kabhaŋɛŋa kadɛ ba. Idzyititri anɛ̀ ishufifeke, banɔa be te sifu kɔ ishu bhubhui banɔ tɛkukula,

Yuɖa 1:10

Tsyɛ pɛ banɔa nɛ baa ɖɔ akulatua ayɛkɔ alɔ kititi nɛ kibuinyɛbui di gɛ be di nu kɛlɛesi nɛ shu; nɛ ebui nɛ gɛ be nu alɛesi ganɔ ishuidzyam, ansɛ baga gɛ be tee ti—ebuia nɛɛ di nɛ alɛ eezi balɛ.

Yuɖa 1:8

Nɛ kidzoe lɛlɛ nɛ dia bha, bagɛ ba za balɛla anɛ bagɛ etutru balɛ nahwɛ shu, ba taa yɛkɛ ɔshã klɛ bee zi owũsise banɔnɛna nɛ shu.