Titusɛ 3:1 - ONUGBÙ NYƐNYÃ VUVƆ

¹ Baka banɔ nɛ sɛ ba kpɛ kɛtɔkpuesi kɔ bagɛ aŋaɛbha nɛ kabhaŋɛŋa, tɛ ba taa tɔ, tɛ ba za tɛbɛbala mɛ kɔ kɛkanyakaɛ di gɛ kɛbɔ nɛ tɛbhɛbhɛtɛ,

Titusɛ 3:1 Iomraidhean Croise

Mateo 22:21

Be bui lɛ nu asɛ, “Kaɛza yɛ.” Ɔkɛlɛ etsre alɛ asɛ, “Yɛkɔ kɛgɛ nu Kaɛza yɛ nɛ ɔkɔ Kaɛza, tɛ ɔyɛkɔ kɛgɛ nu Kpaya yɛ nɛ ɔkɔ Kpaya.”

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

Efesoanɛ 2:10

Alasɛ bu nu Kpaya axwɛwɛwaɛdɔ, nɛ Kristo Yesu mɛ abhɛtɛ lɔ sɛ bu waɛxwɛ dzyɔgo gɛ Kpaya eti putɔ abhɛtɛ kɔ lɔ sɛ tɛ bu bhɛtɛ.

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.

Koloseanɛ 1:10

Klɛ bu klukpaya sɛ tɛ nɔ za nɛ ɛkpã nɛ Apalete tɛpɛpɛɛ klɛ tɛ kiku yɛ awɔ̃ nɛ́ kidzonyɛdzo abha, tɛ kɛmɛna tɛyuyu anɛ kɛxwɛwɛwa dzyɔgo, tɛ bu zɛ she nɛ́ Kpaya kibui titi mɛ,

1 Timotio 2:2

alasɛ bekusi anɛ banɔ nɛ petee gɛ kabhaŋɛŋa lɛ balɛ ahwɛ, sɛ bu ba za nɛ ishuyuyɔm anɛ tɛdudɔsɛ̃ɛ ɛkpã anɛ kpayamɛzɛza anɛ ishubhubhui mɛ petee.

1 Timotio 4:6

Onu gɛ obu ebuianɛ ɔkasɛ badzya nɛɛ, obo dzi axwɛwa dzyɔgo kɔ Kristo Yesu, gɛ ba mɛna edenɔ kɛgba tɛyɛyɛkɛŋa nɛ mɛ anɛ kɛdɔkɛkasɛ dzyɔgo nɛe de gɛ ɔlɛ.

1 Timotio 5:10

klɛ be nyi yɛ mɔmɔ nɛ yɛ ebui dzyɔgo shu, ansɛ beyi nyunyunɔ, anɔkɔdidi, butsrukpɔ puplu kɔ banɔnɛna, tɛpɛplɛnɔ kukɔ bagɛ be ku butɔ mɛ klɛ ayɛkɔ yɛ shu akpɛ ebui dzyɔgo kanyaka tɛbhɛbhɛtɛ mɛ.

2 Timotio 1:6

Gɛ kɛlɛ ana so ɛbaka wɔ sɛ tɛ oduku Kpaya kɛdɔkukɔ kifu nɛ ɔkpɛ, gɛ kɛ kpasɛ wɔm ganɔ mɛ ahwɛ tɛtɛtrɔ wɔa bha nɛ mɛ.

2 Timotio 2:14

Zɔ baka lɛ ebuia. Tsrenɔ balɛ nɛ Kpaya amɛ nɛ eblapɛpɛ denɔ ebuiɖɔɖuɖɔ shu; kedziŋɛŋa kanyaka ma kɛlɛ shu, klɛ bu zi ko kɛ ba zi dɔ nɛ bagɛ enu kɛlɛ nɛ shu.

2 Timotio 2:21

Onu gɛ anɔ teli eŋuse yɛ shu ebu nɛ kɛgɔgɔɛ nɛ mɛ, ebe dzi kɛxwɛwadɔ kɔ kibui gbɛgbla tɛbhɛbhɛtɛ, gɛ ba bhɛtɛ lɛ pɛ kɛlɛ shu bhui, gɛ kɛlɛ kɛxwɛwa mɛ kɔ Apalete klɛ ba bala kɛlɛ elu kɔ kɛxwɛ dzyɔgo kanyaka wɛwa nɔ.

Titusɛ 1:16

Bee bu aɖɔa sɛ be nyi Kpaya, pɔ ganɔ balɛ ebui bhɛbhɛtɛ nɛ mɛ ba dɛ yɛkɛ yɛ. Be nu banɔ gɛ ba kpalɛɔha, ba ta taa tɔ klɛ ba dɛ na kɔ kibui dzyɔgo kanyaka tɛbhɛbhɛtɛ.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Titusɛ 3:14

Alasɛ tɛ bulɔkɔayɛ nɛ bakpasɛ kana gɛ ba ba yɛkɔ ishu akɔ nɛ kɛdzyɔgo tɛbhɛbhɛtɛ mɛ, sɛ tɛ ba bhɛtɛ kiwinyɛwi kɛdɔ bhɛbhɛtɛ tɛ ba tɛ za nɛ ɛkpã nɛ gɛ kɛdɔnyɛdɔ tɛ ba de kɛlɛ mɛ koeyi.

Titusɛ 3:8

Kibui nɛ nu kibuiɖuɖɔ gɛ ba ba yɛkɛ kɛlɛa bha aŋa. Klɛ ɛpɛɛ sɛ tɛ nɔ trɔ kɛklãgbu nɛ ebuia nɛa bha, sɛ tɛ bagɛ atɛ yɛkɛ Kpayabha aŋa nɛ be luawɔ̃ tɛ ba yɛkɔ ishu etsye nɛ kibui dzyɔgo tɛbhɛbhɛtɛ mɛ. Ebuia nɛ apɛ̃ezi klɛ le be dzi kɛdɔ kɔ anɔnyanɔ.

Hebriuanɛ 13:21

akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.

2 Petro 1:12

Kɛlɛso ɛba bakanɔ ebuianɛ kibenyɛbe, kɛlɛmɛ kuratsyɛ sɛ nɔ nyi alɛ klɛ la lɛ tɛtitimɛ gɛganɛ nɛ́ ebuigba gɛ la lɛ wũnɔ ahwɛ ɔtsyɔnɛ.

Yuɖa 1:5

Kɛnya lɛ kɛlɛ mɛ sɛ no nyi kibui nɛ petee kukuku, ɛpɛ sɛ tɛ ɛbaka wɔnɔ sɛ Apalete nɛ ebu yɛanɔalɛ nɛ ekoeyi nɛ Egypte, pɔ nɛ kɛlɛede nɛɛ eyi bagɛ ba dɛ yɛkɛaŋa.