Titusɛ 1:8 - ONUGBÙ NYƐNYÃ VUVƆ

⁸ Nɛ kɛlɛ shu so alasɛ tɛ edzi anɔ gɛ aba yɛkɛ anɔ, anɔ gɛ aɖɔ kɛdzyɔgo, gɛ aŋashuabha, gɛ afulɔ̃, yɛ shu bhui klɛ atatɔ.

Titusɛ 1:8 Iomraidhean Croise

Luka 2:25

Ɔtsɔnɛ anyɛ tɛli aza Yerusalem gɛ be klu asɛ Simeon, gɛ yɛ shu bhui klɛ aza gɛganɛ nɛ busɔlɛ mɛ. Epo agɛ aba yɔ dzyi kɔ Izraɛlanɛ, klɛ Ɔfufɔɛ dzyɔgo nɛ otsri yɛabha.

Axwɛwɛwa 24:25

Gɛ Paolo aɖɔ kaɖɔ denɔ tɛzɛzam dzyɔgo, ishua bhaŋɛŋa anɛ kebhui kuklu nɛ ga ba ba, Felikisi esi kifu klɛ aɖɔ asɛ, “Agɛ ɔɖɔa na bɔ gbɔ! Ɔbɔ shɛ faã. Kɛɛ ba dɔ kɔm tsyɛ, ɛba kpɛ anɔ nɛ wɔesi.”

1 Tɛsolonianɛ 2:10

No nu bebuimɔɖɔ, klɛ kana Kpaya tsyɛ alɛ, nɛ kana gɛ bulɔ ishubhui, tɛnɛnamɛzɛza anɛ kɛpɔ maza lɔ shu nɛ mɛ gɛ bu yɛkɔ za wɔnɔa gɛ ɔyɛkɛɔŋa nɛ shi.

1 Timotio 3:2

Ɔtsɔ̃ nɛɛ, abhaŋa alasɛ tɛ aɖama dɛ kɛpɔbubu, edzi adzɛ terikpo yɛenyine, gɛ adɔfɔɔ̃, aŋa ishuabha, anɔ gɛ be be bu yɛbui, ayɛkɛ anɔ, klɛ aba na kɛdɔ kasɛ,

1 Timotio 4:12

Tɛ kɔ anɔnyanɔ ebu wɔnɔa bha agɔ alasɛ no ko she so, pɔ nɔ kɔ kɛ gɛ bagɛ ba yɛkɛaŋa nɛ ebe diabhɛtɛ nɛ kaɖɔ ɖuɖɔ mɛ, anɛ ɛkpã mɛ, anɛ tɛɖuɖɔ mɛ, anɛ tɛyɛyɛkɛŋa mɛ ganɛ nɛ ishu bhubhui mɛ.

1 Timotio 6:11

Pɔ wɔ, Kpayanɔ, siɔshɛ lɔ anɛ nɛɛdi petee, klɛ tɛ ɔpɛɛ tɛnɛnamɛzɛza, kpayamzɛza, tɛyɛyɛkɛŋa, anɔɖuɖɔ, tɛzɛza gɛganɛɛ anɛ tɛdɛdɔfɔ̃.

2 Timotio 2:22

Siɔlɔ buyansɔ̃ mɛ zɛza kɛdɔ tɛpɛpɛ, tɛ ɔkpatɔnɔ tɛzɛzam dzyɔgo, tɛyɛyɛkɛŋa, tɛɖuɖɔ anɛ ishuyuyɔ, ɔyɛkɔ plɛnɔ bagɛ be tsobunɔ Apalete denɔ idzyi dzyɔgo mɛ.

2 Timotio 3:3

anɔ maɖɔmaɖɔ, kibui mayɛkɔ tsye, anɔshu zizi, ishuabha maŋamaŋa, balɛ kɔ kɛdɔzizi, ba dɛ pɛɛ kɛdzyɔgo,

Titusɛ 2:7

Nɛ kibuinyɛbui mɛ, bhɛtɛ kibui dzyɔgo gɛ be be di abhɛtɛ. Nɛ wɔ kɛdɔkɛkasɛ mɛ, kasɛ ɔsɛ onu anɔ gɛ otoo hu otro, klɛ ɔtɔɔ wɔ buwɔfu

1 Yohanɛsɛ 3:14

Bu nyi sɛ bu ga denɔ bu tsi mɛ ba ɛkpã mɛ, alasɛ bu dɛmɛnɔ nɛ bulɔ adzyalɛ. Anɔnyanɔ gɛ adɛdɛmɛnɔ nɛ yɛ ɔhaglɔɛ awɔ butsi mɛ.

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.