Titusɛ 1:5 - ONUGBÙ NYƐNYÃ VUVƆ

⁵ Kɛdɔnɔ nɛ so pɛ ɛshɛ lɔ wɔ nɛ Krete kɛlɛ nu sɛ tɛ ɔna ebui nɛ gɛ agɔ pɛ ɛdɛ bhɛtɛ nɛ dzyɔ tɛ odzu kpayanɔ nɛ ɔma kanyaka mɛ, ansɛ gɛ ɛɖɔ sɛ ɔbhɛtɛ.

Titusɛ 1:5 Iomraidhean Croise

Axwɛwɛwa 11:30

Ba bhɛtɛ lɛ ana, klɛ baa sɛsɛ beshishe nɛ kɛdɔkukɔ ganɔ Banabasɛ anɛ Saolo abha.

Axwɛwɛwa 14:23

Paolo anɛ Banabasɛ edzu beshishe nɛ busɔlɛɔha ɔkanyaka nu klɛ, ɔyɛkɔ plɛnɔ onugbunyɛnya anɛ kpayakuklum, ayɛkɔa lɛ akpɛ ahwɛ kɔ Apalete, gɛ yɛabha la yɛkɛ aŋa.

Axwɛwɛwa 2:11

(gɛ be nu Yuɖanɛ nɛ bagɛ be tsyina eku Yuɖanɛ busɔlɛ mɛ), Kreteanɛ anɛ Arabanɛ— bunu gɛ be bu Kpaya ebuiyiyinɔanɔ nɛ aɖɔ nɛ bulɔ nahwɛ benuhum!”

Axwɛwɛwa 27:12

Gɛ kenia bha ɔdzrɔkɔ nɛ ɔmɛtã kɔ bublɔɛbem so nɛɛ, banɔ gele aba trɔ ahwɛ asɛ ba ba vɛ kidzo gɛga nɛa bha, nɛ kidzoenu didi sɛ be be ti ku Foenisia nɛ bublɔ nɛm nɛ ɔkɛlɛ. Ɔkɛlɛ onu kenia bha ɔdzrɔkɔ nɛ Krete, gɛ ɔkɛlɛ obuamɛ ɔkpɛ ozhizhi kɛbɛtɛkpɛm nɛ owuwu kɛbɛtɛkpɛm.

Axwɛwɛwa 27:13

Gɛ ozhizhilɛ bɔbɔɛ nɛ ba kpa fu nɛɛ, be di asɛ ba tɛ mɔ kɛgɛ la pɛɛ; so nɛɛ be feke opupuidzrɔdɔ klɛ la ga Krete aƒu nɛ tɔ.

Axwɛwɛwa 27:21

Nɛ banɔ nɛ tɛzɛza anɛ kɛdɔ maŋamaŋa ewi gelee de, Paolo aba lɔ kititi nɛ balɛ amɛ klɛ aɖɔ sɛ: “Banyɛ mɔ, analo nɔ tɛ yɛkɛ mɛ kibui nɛ gɛ etsre nɔ sɛ nɔ tɛ yɛkɔ keniabha kidzo nɛ odenɔ Krete; analo nɔ gɛ tɔ bɔ kpɛ wɔnɔ shu nɛ kɛdɔzizi anɛ kɛdɔlɛla nɛ di mɛ.

Axwɛwɛwa 27:7

Opupu nɛ ɔdɔ fɔ̃ɔ nɛ kidzo gɛga nɛm ewi gelee klɛ kɛ gɛganɛ flogo pɛ bu ku Snidusɛ. Gɛ kɛlɛɛ nɛ dɛ kɔ lɔɛ dzo lɔ na blɔɛ dzo nɛ tɔnɔ so, bu da ga koeyi nɛ Krete kenimokpo nɛa bha, gɛ ke dzuamɛ nɛ Salmɔnɛ.

1 Kɔrintioanɛ 11:34

Onugɛ bubhɛ yi anɔ teli, aŋaɛdɔ nɛ bupɛ mɛ, sɛ tɛ kɛ tɛ badzi kebhui kuklu kɔ nɔ onugɛ nɔ xogo. Klɛ kibe nɔ gɛ ɛba ɛba kɔ ɛshã gugɔɛ.

1 Kɔrintioanɛ 14:40

Pɔ ba bhɛtɛ kɛdɔnyɛdɔ nɛ tɛtɛtrɔ nɛ kidzo dzyɔgo abha.

1 Kɔrintioanɛ 4:17

Nɛ kibui nɛ so ɛsɛsɛ nɔ Timotio, mɛ yi gɛ ɛdɛmɛnɔ, gɛ enu ayɛyɛkɛŋa nɛ Apalete mɛ. Aba baka nɔ mɛ kpã dzo gɛ ɛyɛ kɔ za Kristo Yesu ede, gɛ kɛsɔnɔ kɛdɔ gɛ ɛkasɛ nɛ ɔkɔnyɔkɔ nɛ busɔlɛ kanyaka mɛ.

Koloseanɛ 2:5

Alasɛ kɛlɛlɛmɛ sɛ ɛma wɔnɔ bha nɛ ishuidzya mɛ, ɛlɛ plɛnɛnɔ nɛ́ ɔfufɔɛ mɛ klɛ ɛpɛɛ sɛ tɛ ɛmɔ kana gɛ nɔ nyɛna shu klɛ nɛ kana gɛ wɔnɔ tɛyɛyɛkɛŋa lɛ gɛganɛ nɛ Kristo mɛ.

1 Timotio 1:3

Ansɛ gɛ itsre nɔ nɛ kibe lɛ nɛ gɛ ɛvɛ Makedonia, nɔ za ɔkɛlɛ nɛ Efesosɛ sɛ tɛ nɔ kɔ sɛ banɔ teli ba taa kasɛ itroe dɔ ɔtsɔlɛ

2 Timotio 2:2

Klɛ ebui nɛ gɛ onu denɔ mɛ ɔkɔ gɛ ɛɖɔ nɛ be buimɔɖɔ gelee nɛ amɛ gɛ ba yɛkɔ akpɛ ahwɛ kɔ banɔ nɛ gɛ ba ba yɛkɛ balɛa bha ŋa, pɛ balɛ tsyɛ aba na kɔ banɔ gɔgɔɛ nɛ tɛkɛkasɛ.

Titusɛ 1:12

Balɛ nahwɛ atɔnu nɛɔmayɛ teli tsyɛ aɖɔ sɛ, “Kreteanɛ be nu betroni kibenyɛbe, atɔkpum gɛganɛ ɛkpã, badɔŋagbla gɛ avɔ.”