Titusɛ 1:3 - ONUGBÙ NYƐNYÃ VUVƆ

³ klɛ nɛ yɛ kibe nɛ gɛ atrɔ nɛ mɛ amɛna yɛ kibui nɛ ɔtɔ ganɔ kibui nɛ tɛɖuɖɔ nɛ gɛ ayɛkɔ akpɛ mɛ ahwɛ mɛ ganɔ Kpaya agɛ ebe bulɔ nɛ tɛtutrɔ mɛ,

Titusɛ 1:3 Iomraidhean Croise

Marko 1:15

Aɖɔ asɛ, “Kibe nɛ tɛ na,” “Kpaya bukusi nɛ tɛ tso bunɔ lɔ. So no tsyina kitem tɛ nɔ yɛkɛ kibui dzyɔgo nɛa bha ɔŋa!”

Marko 13:10

Klɛ alasɛ tɛ baɖɔ Kibui Dzyɔgo nɛ akpɛ otugba nɛ amadi nɛ petee mɛ.

Marko 16:15

Yesu etsre yɛ badɔkpasɛ nɛ asɛ, “No tsoku kanɔ nɛm petee tɛ nɔ ɖɔ kibui dzyɔgo nɛ otsre kanɔ nɛ petee.

Luka 1:47

klɛ mɛ ɔfufɔɛ mɔ same nɛ Kpaya mɛ Ayɛyɛkɛkɔ nɛ,

Axwɛwɛwa 10:36

Sɛ no nyi igbe nɛ gɛ Kpaya asɛsɛ Izraɛlanɛ, gɛ ba ɖɔ ishuyuyɔ kibui dzyɔgo nɛ aganɔ Yesu Kristoa bha, gɛ enu Apalete nɛ akɔ anɔnyanɔ.

Axwɛwɛwa 17:26

Denɔ anɔ terikpo mɛ klɛ abhɛtɛ banɔ anɛ balɛ ɛma nyɛma, sɛ tɛ ba yɛkɛ kesukpa nɛa bha petee; klɛ yɛ atrɔ ebe nɛm akɔa lɛ anɛ ɛzakɔ nɔ nɛ tutu gɛ alasɛ tɛ ba za.

Romanɛ 15:19

ganɔ kɛdɔmumɔ anɛ ebuiyiyinɔanɔ kemi nɛa bha, ganɔ Ɔfufɔɛ nɛ kemi mɛ. So denɔ Yerusalɛm kidzo nɛa bha petee ɔvɛnɔ Ilirikumɛ, ɛtɛ bu Kristo kibuidzyɔgo nɛ ɖɔ petee.

Romanɛ 16:25

Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

Romanɛ 16:26

pɔ ɔtsɔ̃ gɛ be ti bu akasɛ klɛ ba kɔ le ti kɛlɛ ganɔ atɔnu nɛ ebuiŋuŋlɔmɛ ganɔ Kpaya gɛ eti beke nɛ ɔshã nu, sɛ tɛ amadi nɛ petee aba yɛkɛaŋa tɛ bata yɛ atɔ—

Romanɛ 5:6

Ɔmɔ nɛɛ, nɛ kibe dzyɔgo nɛ mɛ, gɛ bu ka za kemi maza anɔ ahwɛ mɛ, Kristo etsi nɛ bagɛ adɛ za kpayatiti mɛ nɛ tɔkpu.

1 Kɔrintioanɛ 9:17

Onugɛ ɛɖɔ kibui dzyɔgo nɛ faã, kɛbhɛ lɛ kɔ mɛ; kɛɛ ma kana, mɛ kɛxwɛ gɛ bakpɛ mahwɛ kɛlɛ ko mɛ wa.

Galatianɛ 4:4

Pɔ gɛ kibe nɛ na mɔmɔ, Kpaya asɛsɛ yɛ Eyianyɛ, gɛ adzɛ amɔ, ba mɔ yɛ nɛ ɔshã nɛesi,

Efesoanɛ 1:10

tɛ aba yɛkɔ kpɛ tɛbhɛtɛmɛ nɛ kibelɛlɛmɛ gɛ na kɔ kɛlɛ tɛbhɛbhɛtɛ—tɛ amɛna ebui petee gɛ la lɛ owũsise anɛ̀ kesukpa gɛ kɛxogo nɛ kɛtɔkpu tirikpoesi, Kristo kura tsyɛ.

Efesoanɛ 2:17

Aba klɛ aɖɔaɖɔ nɛ ishuyuyɔ shu kɔ nɔ bagɛ baza odzroɖokɔ anɛ ishuyuyɔ kɔ wɔnɔagɛ nɔ tsobunɔ.

Filipianɛ 1:13

Nɛ kɛlɛ mɛ nɛɛ, kɛlɛ mɛ ba bhui ɔganɔ bukusiupa bepupo petee abha klɛ kɔ anɔnyanɔ gɛ alɛ sɛ tɛ bá kpɛ mɛ buɖɛ nɛ Kristo kɛtɔkpu.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 1:6

gɛ kɛ ba kɔ nɔ. Nɛ kanɔ petee mɛ kibui dzyɔgoɛ nɛ kiyu eyuyu klɛ kishe, anasɛ gɛ kɛbhɛtɛ nɛ wɔnɔɛ shi, dɛnɔ kiwui nɛ gɛ no nui lɛ klɛ nɛ nu Kpaya eshutukubui didi nɛ kɛlɛ gbam petee.

1 Tɛsolonianɛ 2:4

Kɛɛlɛ nɛ mazɛ lɛ mɛ, bu ɖɔaɖɔ anasɛ banɔ gɛ Kpaya atrɔahwɛ bulɔa bha pɛ ba ba yɛkɔ kibuidzyɔgo nɛ akpɛ bulɔ ahwɛ. Bu tɛ bhɛtɛ sɛ tɛ bu ku banɔ awɔ̃ pɔ Kpaya, gɛ eefeke bulɔ idzyi nɛ mɛ edi.

1 Timotio 1:1

Paolo, Kristo Yesu anɔkpɛkpɛ ganɔ bulɔ Kpaya ɔshã nɛa bha agɛ ebu lɔ nɛ kibuiɖuɖɔ nu anɛ Kristo Yesu gɛ enu bulɔɛ dzoenudidi,

1 Timotio 1:11

nɛ kɛgɛ ga plɛnɔ kibui dzyɔgo gɛ kɛlɛ shu bhui gɛ nu anɔyuyula Kpaya, nɛ gɛ ayɛkɔ akpɛ mɛ ahwɛ.

1 Timotio 2:3

Kɛɛ nɛ kɛlɛ bɔ, klɛ kɛlɛ ku Kpaya bulɔ Ayɛyɛkɛkɔ nɛ awɔ̃,

1 Timotio 4:10

(klɛ kɛlɛ shu lɔ wɛxwɛ pɛ buu tɔ), bu tɛ yɛkɔ bulɔ kidzoenudidi nɛ kpɛ ɛkpã Kpaya nɛ mɛ, gɛ enu agɛ Ayɛyɛkɛkɔ banɔdzyrame nɛ petee, klɛ ɔyɛkɔdɛ kɔ bagɛ ba yɛkɛaŋa.

2 Timotio 4:17

Pɔ Apalete nɛ aza plɛnɔ mɛ, klɛ akpɛ mɛ bugɛganɛ, sɛ tɛ ganɛ mɛa bha tɛ kibui nɛ kibu kasɛ petee klɛ bagɛ ba dɛ yɛkɛaŋa nɛ petee be nui lɛ. Klɛ be bu mɛ nɛ adzyata onugbu mɛ.

Titusɛ 2:10

klɛ tɛ beti zuru balɛ kɛdɔnyɛdɔ, pɔ ba kasɛ asɛ be nu banɔ gɛ ba ba yɛkɛ balɛabha aŋa petee, sɛ tɛ nɛ kidzonyɛdzoa bha ba ba bhɛtɛ kɛdɔkɛkasɛ denɔ Kpaya bulɔ Agɛ ebuanɔ nɛ shu tɛ kɛ ku li.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Tɛbubukasɛ 14:16

So agɛ ezhiedzi ɔmunɔ nɛa bha nɛ awanya yɛ ɔsɔsɔ nɛ kesukpa nɛa bha, klɛ anyɛna kesukpa nɛ ebu.