Titusɛ 1:16 - ONUGBÙ NYƐNYÃ VUVƆ

¹⁶ Bee bu aɖɔa sɛ be nyi Kpaya, pɔ ganɔ balɛ ebui bhɛbhɛtɛ nɛ mɛ ba dɛ yɛkɛ yɛ. Be nu banɔ gɛ ba kpalɛɔha, ba ta taa tɔ klɛ ba dɛ na kɔ kibui dzyɔgo kanyaka tɛbhɛbhɛtɛ.

Titusɛ 1:16 Iomraidhean Croise

Romanɛ 1:28

Ɔyɛkɔ vɛnɔ otugba, gɛ ba dɛ bhɛtɛ kɛtɔkpum sɛ tɛ ba nyɛna Kpaya tɛtitim evunɔ so, ashɛ̃nahwɛ balɛ shu akɔ kɛtɔkpum manamana, gɛ kɔ sɛ tɛ ba bhɛtɛ kɛgɛ ma sɛ tɛ ba bhɛtɛ.

Efesoanɛ 5:6

Nɔ tɛ kɔ anɔnyanɔ awɔɛ nɔ nɛ ebui gɛ lama kibuinyɛbui mɛ, alasɛ kɛlɛso ebuia nɛdi shu Kpaya oblo ɔba nɛ bagɛ ba ta tatɔ nɛ abha.

1 Timotio 1:9

Bu ka nyi tsyɛ sɛ ɔshã nɛɛ ba bhɛtɛ ɔlɛ ganɛ kɔ anɔ nɛ gɛ ana, pɔ lɔ lɛ kɔ bagɛ baa da ɔlɛa bha anɛ bagɛ be dzyeagã, bagɛ ba dɛ sɔlɛ klɛ ba bhɛtɛ buzizi, bagɛ balɛ shu dɛ bhui klɛ ba taa bhɛtɛ busɔlɛ bui kanyaka; kɔ bagɛ bee yi balɛ akalɛ ɔdɔgɔsɛ balɛ enialɛ, kɔ bagɛ be yi anɔ,

1 Timotio 5:8

Onu gɛ anɔ teli ataa bhɛtɛ kɛdɔnyɛdɔ akɔ yeletealɛ, klɛ ɔyɛkɔdɛ kɔ yɛ bupamanɛ gɛ be bunɔ yɛ kpɔ̃, enu anɔ gɛ ashɛ̃nahwɛ tɛyɛyɛkɛŋa nɛ shu klɛ atsɔmɔ dɛ anɔ nɛ gɛ adɛ yɛkɛaŋa.

2 Timotio 3:17

sɛ tɛ Kpayanɔ kɛxwɛwadɔ kanyaka za yɛahwɛ kɔ kɛxwɛ dzyɔgo kanyaka.

Titusɛ 3:1

Baka banɔ nɛ sɛ ba kpɛ kɛtɔkpuesi kɔ bagɛ aŋaɛbha nɛ kabhaŋɛŋa, tɛ ba taa tɔ, tɛ ba za tɛbɛbala mɛ kɔ kɛkanyakaɛ di gɛ kɛbɔ nɛ tɛbhɛbhɛtɛ,

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

1 Yohanɛsɛ 2:4

Anɔ nɛ gɛ aɖɔ sɛ, “Ɛnyi yɛ,” pɔ ata bhɛtɛ atrɔ yɛ ɛshã nɛ gɛ akpɛ nɛabha enu otro lete, klɛ kibuigbɛagba ma yɛ mɛ.

Yuɖa 1:4

Alasɛ banɔ teli gɛ be bu kɛpɔ pɛ ba ŋlɔmɛ kɛdɔ nɛ balɛ shu kukuku, ba ga tɛkpukpu mɛ ashɔku wɔnɔɛ shi. Be nu banɔ gɛ kpaya ama balɛ mɛ, gɛ be tsyina Kpaya ɛyamyuyɔ nɛ edzi kidzokukɔ kɔ azhuzhɔlɛbui bhɛbhɛtɛ klɛ ba dɛ yɛkɛ Yesu Kristo bulɔ Ishuahwɛzɛza anɛ Apalete terikpo.

Tɛbubukasɛ 21:27

Kɛdɔnyɛdɔ gɛ dɔɛbo nɛ tɛ ba tsoku ɔlɛm di, ɔdɔgɔsɛ anɔnyanɔ gɛ abhɛtɛ awɛ̃ɛbui pɛ awɛanɔ, pɔ bagɛ balɛ enyi la ŋlɔmɛ akpɛ Obhoshieyi nɛ ɛkpãeplukpa nɛm ko.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”