Titusɛ 1:10 - ONUGBÙ NYƐNYÃ VUVƆ

¹⁰ Alasɛ banɔ dzyidzyeaga gelee alɛ, kaɖɔɖuɖɔte elete nɛ banɔ gɛ bawɛ anɔ, ɔyɛkɔdɛ nɛɛ bagɛ ba kpasɛ Yuɖanɛ bugu nɛ mɛ.

Titusɛ 1:10 Iomraidhean Croise

Mateo 23:14

Butɔ kɔnɔ, ɛshãdɔkasɛ anɛ Farisianɛ, wɔnɔ betroni! Nɔ yɛɛ banyɛtsi nɛ be vu klɛ kɔ ishu kɛkasɛ so ba ɖɔ ebui dzidze nɛ kpaya kukulu mɛ. Kɛlɛ so ba ba tɛta nɔ batɔ gɛganɛ adɛa na.

Axwɛwɛwa 11:2

So gɛ Petro ede ku Yerusalɛm nɛɛ, bagɛ ba yɛkɛ bɔnyɛnyɛ bhuibhuia bha ŋa nɛ ba wlãnkɛ kibui nɛ yɛ

Axwɛwɛwa 15:1

Banyɛ teli alɔ ede Yuɖia ede ku Antiɔkɛ klɛ la kasɛ baga yɛkɛ aŋa nɛ dɔ sɛ: “Dzaa sɛ be bhui bunyɛnyɛakɔ wɔ ansɛ gɛ Mose akasɛ nɛɛ ɔtɛ bɔ mɔ tɛyɛyɛkɛ.”

Axwɛwɛwa 15:24

Bunu sɛ banɔ teli be koeyi nɛ bulɔ mɛ nɛ bulɔ kidzo makɔ makɔa lɛm klɛ ba kpɛ wɔnɔ bunuhu, ba kpɛ wɔnɔ atɔkpum bunuhu nɛ balɛ ebui nɛ gɛ ba ɖɔ.

Axwɛwɛwa 20:29

Inyi sɛ mɛ tɛ shɛshɛ̃e de, ayakpam bukudzɔgɛ zizi ba za wɔnɔɛshi klɛ ba tɛ ba yɛkɔ etsye ibhoshiha.

Galatianɛ 2:4

Kibui nɛ kɛ koeyi alasɛ itro badzya teli ba shɔku bulɔɛ shi sɛ tɛ be zuru ebui kpukpu nɛ ishuahwɛ zɛza gɛ bu lɛ nɛ Yesu Kristo nɛ tɛ babhɛtɛ lɔ banɔdzidzi.

Galatianɛ 3:1

Wunɔ Galatianɛ bagã! Ane yɛ atã nɔ? Flogo wunɔ aŋɔhu alɛlɛ bakasɛ wee asɛ ba kpla Yesu Kristo asɔ.

Efesoanɛ 4:14

Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.

1 Timotio 1:4

ɔdɔgɔsɛ tɛ ba yɛkɔ balɛ shu akpɛ begu anɛ ɛkɔdzidze ɖuɖɔ mɛ. Ebuia lɛlɛ nɛɛ di na mɛna aglɔ esi manumanu ɔyɛkɔdɛ Kpaya kɛxwɛ, nɛ gɛ lɛ nɛ tɛyɛyɛkɛŋa mɛ.

1 Timotio 1:6

Banɔ teli ba lɛla shɛ alɔ ebuia klɛ be tsyina tɔ kaɖɔɖuɖɔ gɛ kalɛesi ama.

1 Timotio 1:9

Bu ka nyi tsyɛ sɛ ɔshã nɛɛ ba bhɛtɛ ɔlɛ ganɛ kɔ anɔ nɛ gɛ ana, pɔ lɔ lɛ kɔ bagɛ baa da ɔlɛa bha anɛ bagɛ be dzyeagã, bagɛ ba dɛ sɔlɛ klɛ ba bhɛtɛ buzizi, bagɛ balɛ shu dɛ bhui klɛ ba taa bhɛtɛ busɔlɛ bui kanyaka; kɔ bagɛ bee yi balɛ akalɛ ɔdɔgɔsɛ balɛ enialɛ, kɔ bagɛ be yi anɔ,

2 Timotio 3:13

nɛ kibe lɛ mɛ gɛ banɔ tsutsɔmɔ anɛ bagɛ ba wɛanɔ na ba lɔ denɔ butsutsɔmɔ mɛ avɛ butsutsɔmɔ dɛa na nɛ mɛ, aza wɛanɔ klɛ la ba za wɛalɛ tsyɛ.

2 Timotio 4:4

Be be tsyina balɛ atɔ nɛ ashɛnɔ nɛ kɛgba nɛ shu klɛ le be tsyina atɔ balɛ begu.

Titusɛ 1:6

Ɔhamɛ anɔshishe ama sɛ tɛ kɛpɔ kanyaka za yɛ shu, pɔ edzi adzɛ terikpo yɛenyine, anɔnyɛ gɛ yɛeyialɛ nɛ ba yɛkɛaŋa klɛ be di nu banɔ gɛ ba pɛɛ ebla klɛ ba taa ta tɔ.

Yakobo 1:26

Onu gɛ anɔ teli edi shu asɛ asɔlɛ tsyɛ pɛɛ adɛ kpaka yɛ kɛnɛkɛ nɛ gɛganɛ nɛɛ, awɛɛ shu klɛ kedziŋɛŋa kanyaka ma yɛ busɔlɛ nɛ shu.

1 Yohanɛsɛ 2:18

Banuvɔ mumɔa, ɔɖatɛta gugɔɛ mɛ na nɛ, klɛ anasɛ gɛ nɔ tɛ nu sɛ otrokristo aba, ɔtsɔ̃nɛ kuratsyɛ otrokristo atɛ ba. Kana lɔ nyi kɛ nu ɔɖatɛta gugɔɛ.

1 Yohanɛsɛ 2:4

Anɔ nɛ gɛ aɖɔ sɛ, “Ɛnyi yɛ,” pɔ ata bhɛtɛ atrɔ yɛ ɛshã nɛ gɛ akpɛ nɛabha enu otro lete, klɛ kibuigbɛagba ma yɛ mɛ.

1 Yohanɛsɛ 4:1

Ɛbhɛalɛ mumɔa, nɔ tɛ yɛkɛ ɛfufɔɛ ɛkanyaka abhaŋa, pɔ feke ɛfufɔɛ nɛ odi tɛ nɔ mɔ sɛ lɛ de Kpaya kɔ, alasɛ itro batɔnu gelee ba tɛ ga ekoeyi etsoku kanɔ nɛ mɛ.

Tɛbubukasɛ 2:14

Pɔ, ebuibhli teli alɛ mahwɛ nɛ wɔ shu: Banɔ teli ba lɛ wɔ ɔbha nɛ ɔkɛlɛ gɛ ba nyɛna Balaam kɛdɔkɛkasɛ nɛ mɛ evunɔ, gɛ ba kasɛ Balak kɛdɔ sɛ tɛ ba yɛkɔ awɛɛ Izraɛlanɛ sɛ tɛ ba bhɛtɛ buzizi ganɔ kɛŋɛŋa nɛ gɛ ba bhɛtɛ kɔ ibuidi nɛ tɛŋɛŋa nɛ ganɔ azhuzhɔlɛbui tɛbhɛbhɛtɛ mɛ.

Tɛbubukasɛ 2:6

Pɔ kɛɛ nɛ nɛ lɛ gɛ kɛ trɔ wɔa bha: Ɔdɛ pɛɛ Nikolatanɛ ebui bhɛbhɛtɛ nɛ bui, gɛ alɛ mɛ tsyɛ ɛdɛ pɛɛ.