Tɛbubukasɛ 8:9 - ONUGBÙ NYƐNYÃ VUVƆ

⁹ kapɛ zɛzɛ nɛ kɛdɔ bhɛbhɛtɛ lulu nɛ aƒu mɛ nɛ bupɛ tuta mɛ nɛ tsi, klɛ keniabha ipupu nɛ bupɛ tuta mɛ, kazɛzɛ ke zi petee.

Tɛbubukasɛ 8:9 Iomraidhean Croise

Tɛbubukasɛ 12:4

Yɛ otse nɛ ɔgba awɛ̃wɛ̃ nɛ owũsise kapɛ zɛzɛ nɛ bupɛ tɔtam klɛ awãnya alɛ atrɔ kesukpa nɛabha. Eblidzyagbla nɛ eli titi nɛ adzɛ nɛ gɛ yɛ kɛmɔ na nɛ otugba, sɛ tɛ ebe vu eyi nɛ atã kibelɛ gɛ anya mɔ yɛ ko.

Tɛbubukasɛ 16:3

Kpayaxwɛdɛ bhla nɛ etsyina yɛ kesugba nɛ abalɛ akpɛ aƒu nɛ mɛ, klɛ aƒu nɛ etsyina dzi ansɛ anɔtsitsi dzyosu, klɛ kɛdɔ lulu kanyaka tsi nɛ aƒu nɛ mɛ.

Tɛbubukasɛ 8:10

Kpayaxwɛdɛ tramɛ nɛ abɔ yɛa xũlɛ̃, klɛ kɛwũwɔɛ gbla tili, gɛ tã ansɛ ɔbɛya, ɔwɔlɛ denɔ owũsise nɛ ɔbɔ dɔ bunikekpu nɛ petee mɛa pɛ zɛzɛ nɛ bupɛ tuta mɛ nɛ beni nɛ gɛ yi koeyi nɛ tisi mɛ—

Tɛbubukasɛ 8:12

Kpayaxwɛdɛ lɛ̃lɛ̃mɛ nɛ abɔ yɛa xũlɛ̃, klɛ kiwi nɛ kapɛ zɛzɛ kadzya nɛ bupɛ tuta mɛ, wele nɛa pɛ nɛ tuta mɛ, awɛ̃wɛ̃ nɛ kapɛ nɛ bupɛ tuta mɛ, so tierikpo nɛ bupɛ tuta nɛ mɛ ketsyina dzi otumu. Keli zɛza nɛ kapɛ zɛzɛ nɛ bupɛ tuta mɛ na za otumu mɛ, klɛ kana elishi nɛ kapɛ zɛzɛ nɛ tuta mɛ nɛ tsyɛ aza.

Tɛbubukasɛ 8:7

Kpayaxwɛdɛ tutɔpu nɛ abɔ yɛa xũlɛ̃, klɛ amuklãgbu anɛ kifu abhɛsa nɛ dzyosu aba, klɛ la yɛkɔ balɛ atrɔ kesukpa nɛa bha. Kesukpa nɛ kapɛ tierikpo nɛ bupɛ tɔta nɛ mɛ katã petee, besi nɛ kapɛ tierikpo nɛ bupɛ tuta nɛ mɛ batã petee, klɛ tɛwa wuwɔ nɛ petee tã.

Tɛbubukasɛ 9:15

Klɛ kpayaxwɛdɛ tɛalɛ̃ gɛ ba bala elu kɔɛ lɛ nɛ ɔɖɔ nɛ mɛ anɛ kiwi anɛ wele anɛ kɛgɔɛ nɛ mɛ be bule alɛ sɛ tɛ be yi banɔdzyrame kapɛ zɛzɛ nɛ kanɔ nɛ bupɛ tuta mɛ.

Tɛbubukasɛ 9:18

Banɔ kapɛ zɛzɛ nɛ bupɛ tuta mɛ be tsi ganɔ banya tɛata nɛ gɛ enu kifu, ɔnyɔ anɛ kifuiklãgbu nɛ gɛ dekoeyi nɛ balɛ inugbu nɛ mɛ.