Tɛbubukasɛ 8:5 - ONUGBÙ NYƐNYÃ VUVƆ

⁵ Ɔkɛlɛ kpayaxwɛdɛ nɛ ayɛkɔ ɔnyɔ̃ɛplui, eyuku kɛlɛ nɛ kifu gɛ de busɔlɛvu mɛ kɛdɔpɔɛkɔ, klɛ ayɛkɔ tɛ̃ elu kesukpa; klɛ ɔkɛlɛ subhalɛlɛɛ ɛmɔɛ, igugu edidedi, subhɛfu anɛ kesukpahuhwa aba.

Tɛbubukasɛ 8:5 Iomraidhean Croise

Mateo 24:7

Amadi aba lɔ kititi nɛ amadi shu, klɛ bukusiɔŋakɔ ba lɔ kititi nɛ bukusiɔŋakɔ shu. Bubhɛ ba dɔ klɛ busukpa ba hwa nɛ ɛzakɔ gelee.

Luka 12:49

“Ɛba sɛ tɛ ɛyɛkɔ kifu mɛna kesukpa nɛabha, klɛ kana gɛ ɛpɛɛ lɛ kɛ flɛ tãɛfu!

Axwɛwɛwa 16:26

Nɛ kɛ ba tilim ko kesukpahuhuwa gɛganɛɛ tieli ba gɛ ke shuku buvu nɛm gɛ ba kpasɛ nɛ bulɛ igu tsutsɔmɔ tsɔmɔ. Nɛ kɛba tilim ko buvu nɛ opupu nɔ danɛ vua, klɛ anɔnyanɔ buɖɛ nɛ bule nɛ yɛ butsrukpɔ.

Axwɛwɛwa 4:31

Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

Tɛbubukasɛ 11:13

Nɛ ɔɖɔ lɛlɛ nɛ mɛ ɖɛɛ kesukpa gɛganɛ tieli ka ba hwa klɛ ɔmagbla nɛ kapɛ tierikpo nɛ bupɛ lɔfɔm na tsra. Banɔ akpã tegene balɛ etsi nɛ kesukpa huhwa nɛ mɛ, klɛ bagɛ ba gɔ nɛ si kifu zizi klɛ ba kɔ Kpaya nɛ owũsise nɛ kabhakpɛkpɛ.

Tɛbubukasɛ 11:19

Ɔkɛlɛ Kpaya busɔlɛvu nɛ owũsise nɛ danɛ, klɛ nɛ yɛ busɔlɛvu nɛ mɛ ba mɔ yɛ onugbunyɛnya osiakputɔ. Klɛ kifu ɛmɔɛ ba, ilimgugu, subhalɛlɛ aklãgbu, kesukpa huhwa anɛ amuklãgbuilɛ gbɛgbla.

Tɛbubukasɛ 4:5

Denɔ kegbu nɛa bha nɛɛ owũsisefu ɛmuɛ tili de, ili mɛ anɛ subhalɛlɛ. Nɛ bukusiegbu nɛ otugba, kanɛgbɛ tiegene dzi aza tã. Balɛ nu Kpaya ɛfufɔɛ tigene.

Tɛbubukasɛ 6:12

Idi gɛ adanɛ adɛda hlomi. Kesukpa kahwa gɛganɛ. Kiwi nɛ kitsyina tututu ansɛ kɛpɔtɛtutu gɛ be yu nɛ epidzya tɛka, wele nɛ petee etsyina dzã dzyosu tɛdzɛdzã,

Tɛbubukasɛ 8:3

Kpayaxwɛdɛ bhlatɔ, gɛ evunɔ sɛkadzɛdzã ɔnyɔ̃ɛpuli, aba klɛ ebe li kititi nɛ busolɛvu mɛ kɛdɔpɔɛkɔ nɛ ɔbha. Ba kɔ yɛ kɛdɔ huhuhu gelee sɛ ayɛkɔ kɔ, ɔyɛkɔ plɛnɔ banɔnɛna anɛ kpayakuklu petee, anɛ sɛkadzɛdzã kɛdɔpɔɛkɔ nɛ bukusiegbu nɛ amɛ.