Tɛbubukasɛ 8:2 - ONUGBÙ NYƐNYÃ VUVƆ

² Klɛ mɛ mɔ kpayaxwɛdɛ tiegene gɛ be li kititi nɛ Kpaya amɛ, klɛ ba kɔa lɛ buxulɔ̃ɛ tugene.

Tɛbubukasɛ 8:2 Iomraidhean Croise

Mateo 18:10

“Di kɛlɛ ɔkɔ sɛ no ti di bunuvɔɛ bhlia nɛ ɔmɛayɛ kanyaka bhliyii. Alasɛ itsre nɔ sɛ balɛ baxwɛdɛ nɛ owũsise naa mɔ mɛ Aka nɛ owũsise nɛ amɛ kibenyɛbe.

Mateo 24:31

Klɛ aba kpɛ yɛ baxwɛdɛ nɛ buxulɔ̃ɛ bubɔ gɛganɛɛ kɛdɔ kukulu, klɛ be be xogo yɛ banɔ nɛ gɛ ebu nɛ alɛ talɛ̃ nɛ mɛ, denɔ owũsise nɛ obekekɔ ɔyɛkɔ vɛnɔ ɔgɔgɔɛkɔ.

Luka 1:19

Axwɛdɛ ebushunu asɛ, “Mɛ nu Gabrɛlɛ. ɛlɔ kititi nɛ Kpaya kinyi mɛ, klɛ akpɛ mɛ asɛ ɛba ɖɔaɖɔ kɔ wɔ klɛ tɛ ɛtsre wɔ ebui dzyɔgoa nɛ.

Luka 21:36

Nɔ di ishu abha kibenyɛbe, klɛ tɛ nɔ klukpaya sɛ tɛ nɔ bɔna koeyi nɛ alɛ petee gɛ la pɛɛ sɛ tɛ la ba mɛ, klɛ tɛ nɔ bɔna kititilɛlɔ nɛ Anɔdzyrame Eyi nɛ amɛ.”

1 Kɔrintioanɛ 15:52

nɛ bulɔ amɛ futsitse, awɔ̃hu dɛda terikpo mɛ, nɛ kaxũlɛ̃ gɔgɔɛ bubɔɛ mɛ. Alasɛ kaxũlɛ nɛ kebe yi, ba ba nyɛmɛ be tsitsi matsɔmɔ matsɔmɔ, klɛ ba be tsyina bulɔ tɛzɛzaɛ mɛ.

1 Tɛsolonianɛ 4:16

Alasɛ Apalete nɛ nahwɛ ebe zhi ede owũsise aba, nɛ tɛxũxlɔ̃nɔ gɛganɛ, nɛ axwɛdɛgbla ogugu anɛ Kpaya kɛdɔkuklua xũlɛ̃, klɛ bagɛ be tsi nɛ Kristo mɛ be be bhuso lɔ.

Tɛbubukasɛ 1:4

Denɔ mɛ Yohanɛsɛ ɔkɔ, Kɔ basɔlɛha tigene nɛ Esia kɛdɔ nɛ mɛ: Ɛyamyuyɔ anɛ ishuyuyɔ kɔ nɔ denɔ agɛ yɛ alɛ, anɛ agɛ yɛ aza, nɛ agɛ yɛ aba tɛ ba nɛ ɔkɔ, anɛ denɔ ɛfufɔɛ tigene nɛ ɔkɔ nɛ yɛ kegbu nɛ amɛ,

Tɛbubukasɛ 11:15

Kpayaxwɛdɛ gigenemi na bɔ yɛa xũlɛ̃, klɛ ilim gɛganɛɛ yi nɛ owũsise, gɛ ka ɖɔ sɛ: “Kanɔ nɛ mɛ bukusiɔŋakɔ nɛ bo dzi bulɔ Apalete anɛ yɛ Kristo bukusiɔŋakɔ, klɛ aba ŋɛabha ɔvɛnɔ mabeke mabekem.”

Tɛbubukasɛ 15:1

Ɛzɛ mɔ nɛ owũsise kɛdɔmumɔ gbɛgbla gɛ bhɛtɛ bi tili: kpayaxwɛdɛ tiegene gɛ be vunɔ banya tiegene gɔgɔɛ— be nu bagɔgɔɛ alasɛ ba lɛ plɛnɔ pɛ Kpaya obulo gɛganɛ nɛ ɔna.

Tɛbubukasɛ 16:1

Ɔkɛlɛ mɛ nu olim gɛganɛɛ toli denɔ busɔlɛvu nɛ mɛ gɛ ɔɖɔ tsre kpayaxwɛdɛ tiegene nɛ ɔsɛ, “Vɛ, tɛ ɔdɔ yɛkɔ Kpaya obulo sugba tugene nɛ ɔbalɛ lu kesukpa nɛa bha.”

Tɛbubukasɛ 8:13

Gɛ idi nɛɛ, inu odi gɛ opruru nɛ kɛlɛɛ mɛ bɔɛ gɛ lo kului dɔ nɛ ogugu gɛganɛɛ sɛ: “Butɔ! Butɔ! Butɔ kɔ bagɛ be tsri kesukpa nɛa bha, alasɛ kpayaxwɛdɛ tɛata gɔgɔɛ nɛ buxulɔ̃ɛ nɛ ba yi!”

Tɛbubukasɛ 8:6

Ɔkɛlɛ kpayaxwɛdɛ tiegene nɛ ge vunɔ buxulɔ̃ɛ tugene na bala kɔ bulɛ tɛbubɔ.

Tɛbubukasɛ 9:1

Kpayaxwɛdɛ trimi nɛ abɔ yɛa xũlɛ̃, klɛ mɛ mɔ kɛwũwɔɛ gɛ wɔlɛ de owũsise ba dɔ kesukpa. Ba yɛkɔ ozi gɛ ɔwɔkɔ ɔma lɛ nɛ kedunuaɖɛ nɛ akpɛ ahwɛ akɔ kɛwũwɔɛ lɛ.