Tɛbubukasɛ 7:3 - ONUGBÙ NYƐNYÃ VUVƆ

³ “Tɛ zi kɛdɔ nɛ kesukpa, aƒu, ɔdɔgɔsɛ besi nɛ shu ɔdɔnanɔ kibe lɛ gɛ bu kɔ kɛdɔ da bulɔ Kpaya baxwɛwa nɛ butukpo.”

Tɛbubukasɛ 7:3 Iomraidhean Croise

Mateo 24:22

Otɔsɛ ganɛ bubhui le bhui ewi alɛ nɛa bha agɔ, anɔnyanɔ agɛ ta fla gɔ, pɔ nɛ agɛ be ti bu kɔ lɔ nɛ so, ewi alɛlɛ nɛa bha aba tsɛ.

Mateo 24:31

Klɛ aba kpɛ yɛ baxwɛdɛ nɛ buxulɔ̃ɛ bubɔ gɛganɛɛ kɛdɔ kukulu, klɛ be be xogo yɛ banɔ nɛ gɛ ebu nɛ alɛ talɛ̃ nɛ mɛ, denɔ owũsise nɛ obekekɔ ɔyɛkɔ vɛnɔ ɔgɔgɔɛkɔ.

Yohanɛsɛ 12:26

Anɔ nɛ gɛ aba dɛ xɔɛ kɔ mɛ alasɛ tɛ aza mɛede, ɔkɛlɛ gɛ ɛlɛ, mɛ axwɛdɛ nɛ tsyɛ ɔkɛlɛ aba za. Mɛ Aka aba kpɛ agɛ adɛ xwɔɛ kɔ mɛ nɛ nyi nɛabha.

Yohanɛsɛ 3:33

Anɔ gɛ ayɛkɛ lɛ akasɛ asɛ Kpaya enu kɛgbɛagba.

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

Tɛbubukasɛ 13:16

Etui lɛ akpɛ anɔnyanɔa nu, ebhliyi anɛ agbɛgbla, ehoeyielete anɛ etsyutsyuini, anɔdzidzi anɛ agɛ le di dzi, sɛ tɛ ayɛkɛ kibi nɛ yɛ kɛŋahwɛ ɔdɔgɔsɛ yɛ ketukpo,

Tɛbubukasɛ 13:17

sɛ tɛ anɔnyanɔ eti dzi kɛdɔ ɔdɔgɔsɛ adɛ kɛdɔ gɛ odi nu sɛ kibi lɛ yɛ shu, gɛ kɛ nu agavuga nɛ kinyi ɔdɔgɔsɛ yɛ nyi nɛ kɛdɔkɛkla mɛ.

Tɛbubukasɛ 14:1

Ɔkɛlɛ mɛ idi, klɛ nɛ mɛ amɛ obhoshieyi, lo li kititi nɛ Zayɔnɛ Butu nɛa bha, klɛ nɛ ɔlɛ ɔbha banɔ 144,000 gɛ yɛ kinyi anɛ yɛ Aka nɛ yɛ nɛ ŋlɔmɛ tsri balɛ butukpo.

Tɛbubukasɛ 14:9

Kpayaxwɛdɛ tramɛ tsyɛ aba nɛ balɛe de klɛ aɖɔ nɛ oli mɛ gɛganɛɛ asɛ: “Onu gɛ anɔ teli aakpɛ kɛtɔkpuesi kɔ ayakpamaga anɛ yɛ abhubhɔ klɛ aayɛkɛ yɛ kibi nɛ ketukpo ɔdɔgɔsɛ nɛ yɛ ɔhwɛ,

Tɛbubukasɛ 19:2

alasɛ kɛgba anɛ tɛnɛna alɛ nu yɛ bubhuikukulu. Eti bu adzɛzhuzhɔlɛ gbla nɛ pɔ agɛ ezi kesukpa ganɔ yɛ azhuzhɔlɛbui mɛ. Eti bisi buwule nɛ yɛ baxwɛdɛ nɛ dzyosu nɛ tɔkpu denɔ adzɛ nɛ ɔkɔ.”

Tɛbubukasɛ 20:4

Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.

Tɛbubukasɛ 22:4

Ba ba mɔ yɛ amɛ, klɛ yɛ kinyi nɛ ba za balɛ butukpo.

Tɛbubukasɛ 6:6

Ɔkɛlɛ mɛ nu kɛdɔ tili dɔ gɛ kɛlɛ oli mɛ odzi ansɛ kɛdɔbhɛbhɛtɛ lulu tɛlɛ̃ nɛ shi, kɛɛ ɖɔ sɛ, “Agɔnɛ kedzyidzyi tierikpo kɔ kiwi zɛzɛ bhɛ, anɛ amɔ budzyidzyi tɔta kɔ kiwi zɛzɛ bhɛ, klɛ tɛ zi bubɔ anɛ bulu!”

Tɛbubukasɛ 7:1

Kɛɛ nɛ nɛede ɛmɔ kpayaxwɛdɛ tɛalɛ̃ gɛ be li kititi nɛ kesukpa nɛ idrekekpu tɛlɛ̃ nɛ mɛ, klɛ ba nyɛna kesukpa nɛ beglebe tɛalɛ̃ nɛ evunɔ tɛ be xe kidzo kɔ kɛlɛɛ kanyaka sɛ kɛtɛ fu balɛ nɛ kesukpa nɛa bha, aƒu nɛa bha ɔdɔgɔsɛ kifu hunɔ osi nyɔ osi.

Tɛbubukasɛ 7:2

Ɔkɛlɛ mɛ ɛmɔ kpayaxwɛdɛ bhlatɔ gɛ ede kiwiɔyɛkɔ nɛ aaba, gɛ evunɔ ɛkpã Kpaya nɛ adɛda. Ekulu nɛ oli mɛ gɛganɛ kpayaxwɛdɛ tɛalɛ̃ nɛ gɛ ba tɛ kɔa lɛ kemi sɛ tɛ be zi kɛdɔ nɛ kesukpa anɛ aƒu nɛa bha asɛ:

Tɛbubukasɛ 9:4

Be tsre alɛ asɛ be ti zi kɛdɔnyɛdɔ nɛ kesukpɛa bha tɛwa nɛ shu, ɔdɔgɔsɛ isi nɛ shu, pɔ bagɛ balɛ butukpo Kpaya adɛda nɛ ama nɛ ko.