Tɛbubukasɛ 7:2 - ONUGBÙ NYƐNYÃ VUVƆ

² Ɔkɛlɛ mɛ ɛmɔ kpayaxwɛdɛ bhlatɔ gɛ ede kiwiɔyɛkɔ nɛ aaba, gɛ evunɔ ɛkpã Kpaya nɛ adɛda. Ekulu nɛ oli mɛ gɛganɛ kpayaxwɛdɛ tɛalɛ̃ nɛ gɛ ba tɛ kɔa lɛ kemi sɛ tɛ be zi kɛdɔ nɛ kesukpa anɛ aƒu nɛa bha asɛ:

Tɛbubukasɛ 7:2 Iomraidhean Croise

Mateo 16:16

Simɔnɛ Petro ebui lɛ nu asɛ, “Wɔ nu Kristo, ɛkpã Kpaya nɛ yɛ Eyi.”

Mateo 26:63

Pɔ Yesu adɛ fɔɛ nɛ alɛ. Kpayaɔzakɔanɔ nɛ etsre yɛ asɛ, “Ɛka atabu nɛ ɛkpã Kpaya nɛ nyi mɛ kɔ wɔ sɛ, Tsre lɔ onu gɛ wo nu Kristo, Kpaya yɛ Eyi.”

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

2 Kɔrintioanɛ 1:22

atsa yɛ kɛna kɔ lɔ sɛ bu nu yɛ ayɛ, klɛ akpɛ yɛ Ɔfufɔɛ Dzyɔgo nɛ bulɔ idzyi mɛ anasɛ kɛdɔ bɛbala, kedezɛza kɔ kɛgɛ ba ba.

Efesoanɛ 1:13

Klɛ wɔnɔ tsyɛ be klu nɔ akpɛ Kristo mɛ kibe lɛlɛ nɛ gɛ nɔ nu kibui gbɛagba, kibui dzyɔgo kɔ nɔ tɛbhubhuiyɛkɛ. Tɛyɛyɛkɛŋa kede, bakpɛ nɔ susu nɛ yɛ mɛ nɛ̀ kɛklãgbu tɛtɛtrɔ, tɛ nɔ yɛkɛ Ɔfufɔɛ Dzyɔgo ɖuɖɔlu,

Efesoanɛ 4:30

Nɔtɛ bhɛtɛ kɛdɔ gɛ kɛba puɛ Kpaya Ɔfufɔɛ dzyɔgo, ɔlɛ laba kɔ kpɛ nɔ susu nɛ kiwui nɛabha gɛ ba bebhui nɔ yɛkɛ.

1 Tɛsolonianɛ 1:9

alasɛ balɛ nahwɛ nɛ aɖɔ tɛyɛyɛkɛ nɛɛ di gɛ nɔ kɔ lɔ. Ba ɖɔ kana gɛ no tsyina tɔ Kpaya pɛ no tsodzi nɛ kɛdɔbhubhɔ nɛede sɛ tɛ nɔ bɔ wa kɛxwɛ ɔkɔ ɛkpã anɛ kɛgba Kpaya,

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

Hebriuanɛ 12:22

Pɔ nɔ ba Zayɔnɛ Butu nɛabha, nɛ owũsise Yerusalɛm, ɛkpã Kpaya ɔma gbɛgbla nɛ mɛ. Nɔ bo ku kpayaxwɛdɛ akpã akɛpã gɛ bexogo nɛ́ same,

Tɛbubukasɛ 1:3

Bayula anɔ nɛ gɛ aakla ebui nɛ gɛ ede kibuiɖuɖɔlui nɛ mɛ, klɛ bayula bagɛ balɛ enui lɛ klɛ ba yɛkɔ kɛgɛ ba ŋlɔmɛ nɛ akpɛ balɛ idzyi mɛ, alasɛ kibe nɛ tsobunɔ.

Tɛbubukasɛ 10:1

Ɔkɛlɛ mɛ mɔ kpayaxwɛdɛ gbɛgbla gɛ ede owũsise aaba. Enyumu ɔmunɔ, ɔplɛnɔ eniga nɛ yɛ ada nɛ mɛ; yɛ amɛ nɛ mɛ edzi ansɛ kiwi, klɛ yɛ butsrukpɔ nɛ dzi ansɛ kifu buvuisi.

Tɛbubukasɛ 10:4

Klɛ gɛ subhalɛlɛ tiegene nɛ aɖɔaɖɔ nɛɛ, ɛbhɛtɛ sɛ tɛ ɛŋlɔ̃mɛ dɔ; pɔ inu olim toli dɔ denɔ owũsise gɛ ɔɔɖɔ sɛ, “Da kibui nɔ nɛ gɛ subhalɛlɛ tiegene na ɖɔ nɛ dɔ tɛ ɔtɛ ŋlɔmɛ lɛ olu.”

Tɛbubukasɛ 16:12

Kpayaxwɛdɛ hlomi nɛ abalɛ yɛ kesugba nɛ akpɛ Efratesɛ keni gbla nɛ mɛ, klɛ kalɛmɛ buni nɛ tsi sɛ tɛ kidzo danɛ kɔ bekusi nɛ gɛ ede Kiwiɔyɛkɔ.

Tɛbubukasɛ 5:2

Klɛ mɛ mɔ kpayaxwɛdɛ gbɛgbla teli gɛ ebu aɖɔ nɛ oli mɛ gɛganɛɛa sɛ, “Ane gɛ ana kɔ adɛda nɛ tɛdɛdanɛ klɛ aba danɛ kazaplukpa?”

Tɛbubukasɛ 8:3

Kpayaxwɛdɛ bhlatɔ, gɛ evunɔ sɛkadzɛdzã ɔnyɔ̃ɛpuli, aba klɛ ebe li kititi nɛ busolɛvu mɛ kɛdɔpɔɛkɔ nɛ ɔbha. Ba kɔ yɛ kɛdɔ huhuhu gelee sɛ ayɛkɔ kɔ, ɔyɛkɔ plɛnɔ banɔnɛna anɛ kpayakuklu petee, anɛ sɛkadzɛdzã kɛdɔpɔɛkɔ nɛ bukusiegbu nɛ amɛ.

Tɛbubukasɛ 9:14

Lɔ ɖɔ tsre kpayaxwɛdɛ hlomi nɛ gɛ vunɔ kaxũlɛ̃ na sɛ, “Shɛ̃nahwɛ kpayaxwɛdɛ tɛalɛ̃ nɛ gɛ ba nya elu Efrata keni nɛ shu.”

Tɛbubukasɛ 9:4

Be tsre alɛ asɛ be ti zi kɛdɔnyɛdɔ nɛ kesukpɛa bha tɛwa nɛ shu, ɔdɔgɔsɛ isi nɛ shu, pɔ bagɛ balɛ butukpo Kpaya adɛda nɛ ama nɛ ko.