Tɛbubukasɛ 7:10 - ONUGBÙ NYƐNYÃ VUVƆ

¹⁰ Klɛ ba kpɛ igugu gɛganɛɛ asɛ: “Tɛbhubhuiyɛkɛ nu bulɔ Kpaya nɛ yɛ, gɛ ezhiedzi bukusiegbu nɛa bha, anɛ kɔ Obhoshieyi.”

Tɛbubukasɛ 7:10 Iomraidhean Croise

Luka 3:6

Klɛ banɔdzrame petee ba ba mɔ Kpaya tɛyɛyɛkɛ.’ ”

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Yohanɛsɛ 1:36

Gɛ amɔ Yesu afla, aɖɔ asɛ, “Nodi, Kpaya Obhoshieyi!”

Yohanɛsɛ 4:22

Wunɔ Samarianɛ nɔ sɔlɛ kɔ kɛdɔnɔ gɛ nɔ ti nyi, bulɔ bu nyi anɔ nɛ gɛ bu sɔlɛ kɔ, alasɛ tɛyɛyɛkɛkɔ de Yuɖanɛ nɛ mɛ.

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

Tɛbubukasɛ 12:10

Ɔkɛlɛ mɛ nu oli toli mɛ dɔ wee nɛ owũsise gɛ ɔɖɔ sɛ: “Ɔtsɔ̃ nɛɛ tɛyɛyɛkɔ anɛ kemi anɛ bulɔ Kpaya bukusiɔŋakɔ nɛ ɔba, anɛ yɛ Kristo kabhaŋɛŋa. Alasɛ agɛ ayɛkɔɛbui nɛ bulɔ adzyalɛ, gɛ aapɛ bui kɔa lɛ nɛ bulɔ Kpaya nɛ amɛ kemuze anɛ elishi, be hu yɛesi.

Tɛbubukasɛ 19:1

Kɛɛ nɛ nɛe de inu kɛdɔ tili dɔ ansɛ banɔɛha gbla kɛlɛ kpɛ ogugu nɛ owũsise sɛ: “Haleluya! Tɛbubu anɛ kabhakpɛkpɛ anɛ kemi ke nu bulɔ Kpaya nɛa yɛ,

Tɛbubukasɛ 21:5

Agɛ yɛ edzi kekusigbu nɛa bha nɛ asɛ, “Ɛbhɛtɛ kɛdɔnyɛdɔɛ lɛ ba dzi kɛvuvɔ!” Ɔkɛlɛ asɛ, “Ŋlɔmɛ kɛdɔɛ nɛ olu, alasɛ ebuia nɛ enu agɛ alɛa bha la ba yɛkɛ aŋa klɛ enu kɛgba.”

Tɛbubukasɛ 22:3

Kibuiɖuɖɔ kpɛ anɔ kanyaka tɛa za. Kpaya anɛ Obhoshieyi nɛe kusigbu nɛ ba za ɔmagbla nɛm, klɛ yɛ baxwɛdɛ na ba dɛ kɛxwɛ akɔ yɛ.

Tɛbubukasɛ 4:6

Ɔyɛkɔ plɛnɔ nɛ bukusiegbu nɛ shu kɛdɔ tili li gɛ kɛ wɛ̃ ansɛ aƒu azhuzhɔɛ, yɛmɛ ebhui ansɛ butsyeitsyei. Nɛ kishitɛbha, nɛ bukusiegbu nɛ shu, kɛdɔbhɛbhɛtɛ lulu tɛlɛ̃ kana kalɛ atsya, klɛ ba yɛkɔ awɔ̃hũ ada kɔa lɛ, nɛ otugba anɛ kide.

Tɛbubukasɛ 5:7

Aba klɛ aba yɛkɛ kazaplukpa nɛ edenɔ agɛ ezhidzi kekusigbu nɛa bha nɛ kɛŋahwɛ nɛ mɛ.