Tɛbubukasɛ 6:6 - ONUGBÙ NYƐNYÃ VUVƆ

⁶ Ɔkɛlɛ mɛ nu kɛdɔ tili dɔ gɛ kɛlɛ oli mɛ odzi ansɛ kɛdɔbhɛbhɛtɛ lulu tɛlɛ̃ nɛ shi, kɛɛ ɖɔ sɛ, “Agɔnɛ kedzyidzyi tierikpo kɔ kiwi zɛzɛ bhɛ, anɛ amɔ budzyidzyi tɔta kɔ kiwi zɛzɛ bhɛ, klɛ tɛ zi bubɔ anɛ bulu!”

Tɛbubukasɛ 6:6 Iomraidhean Croise

Tɛbubukasɛ 9:4

Be tsre alɛ asɛ be ti zi kɛdɔnyɛdɔ nɛ kesukpɛa bha tɛwa nɛ shu, ɔdɔgɔsɛ isi nɛ shu, pɔ bagɛ balɛ butukpo Kpaya adɛda nɛ ama nɛ ko.

Tɛbubukasɛ 4:6

Ɔyɛkɔ plɛnɔ nɛ bukusiegbu nɛ shu kɛdɔ tili li gɛ kɛ wɛ̃ ansɛ aƒu azhuzhɔɛ, yɛmɛ ebhui ansɛ butsyeitsyei. Nɛ kishitɛbha, nɛ bukusiegbu nɛ shu, kɛdɔbhɛbhɛtɛ lulu tɛlɛ̃ kana kalɛ atsya, klɛ ba yɛkɔ awɔ̃hũ ada kɔa lɛ, nɛ otugba anɛ kide.

Tɛbubukasɛ 7:3

“Tɛ zi kɛdɔ nɛ kesukpa, aƒu, ɔdɔgɔsɛ besi nɛ shu ɔdɔnanɔ kibe lɛ gɛ bu kɔ kɛdɔ da bulɔ Kpaya baxwɛwa nɛ butukpo.”

Mateo 24:7

Amadi aba lɔ kititi nɛ amadi shu, klɛ bukusiɔŋakɔ ba lɔ kititi nɛ bukusiɔŋakɔ shu. Bubhɛ ba dɔ klɛ busukpa ba hwa nɛ ɛzakɔ gelee.

Tɛbubukasɛ 4:8

Kɛdɔbhɛbhɛtɛ lulu tɛlɛ̃ kanyaka beglebe tiehlo alɛ kɛlɛ klɛ ba yɛkɔ anhũ ada akana kɛlɛ atsya petee, yɛ buglebe nɛesi tsyɛ la lɛ. Kemuze anɛ elishi la dɛ zukɔlɔ ɖɔ sɛ: “Ishubhubhui, ishubhubhui, ishubhubhui ɛlɛ nu Apalete Kpaya nɛ gɛ Adɛ, gɛ aza, klɛ aka lɛ, klɛ yɛ aba tɛ ba.”