Tɛbubukasɛ 6:2 - ONUGBÙ NYƐNYÃ VUVƆ

² Idi, klɛ nɛ mɛ amɛ ɛsɔ fufu eli! Agɛ etsri yɛabha nɛ evunɔ bunyɔ, klɛ ba kɔ yɛ kikusikutu, klɛ aza ɛsɔ nɛa bha ekoeyinɔ ansɛ anɔ gɛ aŋɛa bha gɛ edi kidzoenu asɛ aba ŋɛabha.

Tɛbubukasɛ 6:2 Iomraidhean Croise

Mateo 28:18

Ɔkɛlɛ Yesu aba balɛ ɔbha klɛ asɛ, “Kabhaŋɛŋa petee anɛ owũsise anɛ kesukpa, ba tɛ yɛkɔ akpɛ mɛ ahwɛ.

1 Kɔrintioanɛ 15:25

Alasɛ tɛ aza ŋaɛabha ɔdɔtɔnɔ kibenɔ nɛ gɛ ayɛkɔ ba gɛ be gu yɛ petee akpɛ yɛ butsrɛ esi.

Tɛbubukasɛ 11:15

Kpayaxwɛdɛ gigenemi na bɔ yɛa xũlɛ̃, klɛ ilim gɛganɛɛ yi nɛ owũsise, gɛ ka ɖɔ sɛ: “Kanɔ nɛ mɛ bukusiɔŋakɔ nɛ bo dzi bulɔ Apalete anɛ yɛ Kristo bukusiɔŋakɔ, klɛ aba ŋɛabha ɔvɛnɔ mabeke mabekem.”

Tɛbubukasɛ 11:18

Amadi nɛ apɔɛshum; klɛ wɔ obulo nɛ ɔtɛ ba. Kibe nɛ na sɛ tɛ be kulu kebhui nɛ betsitsi, klɛ tɛ ba buya kɛbhɛ kɔ wɔ baxwɛwa batɔnu anɛ wɔ banɔnɛna anɛ bagɛ ba kpɛ wɔɛ nyi nɛabha, be bhliyi anɛ bagbɛgbla— ganɛ kɔ bagɛ be zi kesukpa nɛ tɛzizi.”

Tɛbubukasɛ 14:14

Idi, klɛ nɛ mɛ amɛ ɔmunɔ fufu, klɛ nɛ ɔlɛ mɛ kɛdɔ tili zhidzi “ansɛ anɔdzyrame yɛ eyi” plɛnɔ sɛkadzɛdzã kikusikutu nɛ yɛ ada mɛ klɛ ɔsɔsɔ shɛshɛ toli nɛ yahwɛmɛ.

Tɛbubukasɛ 15:2

Klɛ mɛ mɔ kɛdɔ nɛ gɛ dzi ansɛ azhuzhuɔɛ aƒu gɛ abhɛsa nɛ kifu klɛ, ba gɛ li kititi nɛ aƒu nɛ shu, balɛ aŋa agavuga anɛ yɛ abhubhɔ anɛ yɛ kinyi tikpikpe mɛ telia bha. Be vunɔ ba sãgu gɛ Kpaya akɔa lɛ

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Tɛbubukasɛ 19:14

Owũsise behudugbani na lɛ yɛe de, gɛ be tsri basɔ fufua bha klɛ be nyumu apɔtɛ dzyɔgo, gɛ efuli klɛ alɛ shu ebhui.

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

Tɛbubukasɛ 9:7

Ahwaye nɛ awɛ̃ ansɛ basɔ gɛ ba bala kɔ keyu. Nɛ alɛ atɔkpu le kumu kedɔ tili ansɛ sɛkadzɛdzã bukusiekutu, klɛ alɛ amɛ nɛ mɛ eyi banɔdzyrame ayɛ.