Tɛbubukasɛ 5:5 - ONUGBÙ NYƐNYÃ VUVƆ

⁵ Ɔkɛlɛ anɔ shishe nɛ teli etsre mɛ asɛ, “Too bi iyuyo! Di, Yuɖanɛ kɛmadi Adzyata, Daviti ogu, lɔ tɛ ŋɛabha. Yɛ ana kɔ kazaplukpa anɛ kalɛ badɛda tiegene nɛ tɛdɛdanɛ.”

Tɛbubukasɛ 5:5 Iomraidhean Croise

Luka 23:28

Yesu etsyina klɛ aɖɔ tsre alɛ sɛ, “Yerusalɛm Badzɛ, nɔ tɔ biyo kɔ mɛ; nɔ biyo kɔ wunɔshu nɛ̀ wunɔ yialɛ shu.

Luka 7:13

Gɛ Apalete amɔ adzɛ nɛ, yɛ dzyi tsyina nɛ yɛ shu klɛ etsre yɛ asɛ, “Tɔ biyo.”

Luka 8:52

Kɛbelɛlɛ banɔ nɛ petee bakpɛ ogugu klɛ be biyo kɔ yɛ. Yesu etsre alɛ sɛ “Nɔ tɔ kpɛ ogugu, anuvɔ nɛ edi tsi pɔ tra yɛ adɔ.”

Yohanɛsɛ 20:13

Be bisi yɛ asɛ, “Adzɛ, kɛdɛso gɛ obiyo?” Aɖɔ sɛ, “Bayɛkɔ mɛ Apalete nɛ ashɛ̃nɔ, klɛ ɛtinyi ɔkɔ nɔ gɛ be de lu yɛ.”

Romanɛ 1:3

denɔ Yɛeyi nɛ shu, gɛ nɛ yɛ anɔdzyrame kapɛ mɛ ede Daviti okum,

Romanɛ 15:12

Klɛ tɛ ɔflɔ yɛkɔ plɛnɔ, Yezaya aɖɔ sɛ, “Yesse Oku obo koeyi owu, agɛ yɛ aba lɔ pɛ aba ŋa amadi nɛa bha, Bagɛ ba dɛ yɛkɛaŋa nɛ be di yɛ dzoenu,”

Hebriuanɛ 7:14

Kɛkasɛ mɔmɔ sɛ Yuɖanɛ mɛ bulɔ Apalete nɛ adzyɔ de, klɛ nɛ kɛlɛ shu Mose adɛɖɔ kibuinyɛbui denɔ kpayazakɔanɔ ŋɛŋa shu.

Tɛbubukasɛ 1:1

Yesu Kristo tɛbubukasɛ gɛ, Kpaya akɔ yɛ sɛ tɛ ayɛkɔ kasɛ yɛ baxwɛdɛ kɛgɛ baa ba kɛlɛ mɛ nɛ kibe kplitaa mɛ. Akɔ le ti lɛ ganɔ yɛ kpayaxwɛdɛ nɛ tɛkpɛkpɛ sɛsɛ yɛ axwɛdɛ Yohanɛsɛ,

Tɛbubukasɛ 22:16

“Mɛ, Yesu, ɛtɛ kpɛ mɛ kpayaxwɛdɛ sɛ tɛ aba yɛkɔ ebuimɔɖɔa nɛ akɔ basɔlɛha. Mɛ nu Ogu anɛ Agɛ ede Daviti mɛ, anɛ Kɛvulɔɛ Wɛ̃wɛ̃ nɛ gɛ tã.”

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

Tɛbubukasɛ 4:10

banɔ shishe afɛtabha anɛ tɛalɛ̃ nɛ awɔlɛ adɔ nɛ yɛamɛ gɛ edzi bukusiegbu nɛa bha, klɛ ba kpɛ kɛtɔkpuesi kɔ agɛ alɛ mabeke mabeke. Ba yɛkɔ balɛ bukusiekutu nɛ elu bukusiegbu nɛ amɛ klɛ la ɖɔ sɛ:

Tɛbubukasɛ 4:4

Bukusigbu afɛtabha nɛ tɔlɛ̃ bhlatɔ kana tierikpoa lɛ nɛ atsya, klɛ nɛ bulɛa bha banɔ shishe afɛtabha nɛ tɛalɛ̃ be zhedzi. Ba kpasɛ bawi fufum klɛ sɛkadzɛdzã bukusiekutu etsri balɛ ada mɛ.

Tɛbubukasɛ 5:4

Ibi iyuyo klɛ mɛ tsodzini bi alasɛ ba dɛ mɔ anɔnyanɔ gɛ ana kɔ kazaplukpa nɛ tɛdɛdanɛ pɛ ɔdɔgɔsɛ edi kalɛ mɛ.

Tɛbubukasɛ 6:1

Idi flogo pɛ Obhoshieyi nɛ ɔdanɛ badɛda tiegene anɛ atutɔpu. Ɔkɛlɛ mɛ nu kɛdɔbhɛbhɛtɛ lulu tɛlɛ̃ nɛɔmayɛ terikpoe dɔ nɛ oli mɛ ansɛ subhalɛlɛ sɛ, “Ba!”

Tɛbubukasɛ 7:13

Ɔkɛlɛ eshishe nɛ teli ebisi mɛ asɛ, “Banɔa nɛ bawidzidze fufu nɛ mɛ—baane le nu, klɛ fakɔ le de?”