Tɛbubukasɛ 4:8 - ONUGBÙ NYƐNYÃ VUVƆ

⁸ Kɛdɔbhɛbhɛtɛ lulu tɛlɛ̃ kanyaka beglebe tiehlo alɛ kɛlɛ klɛ ba yɛkɔ anhũ ada akana kɛlɛ atsya petee, yɛ buglebe nɛesi tsyɛ la lɛ. Kemuze anɛ elishi la dɛ zukɔlɔ ɖɔ sɛ: “Ishubhubhui, ishubhubhui, ishubhubhui ɛlɛ nu Apalete Kpaya nɛ gɛ Adɛ, gɛ aza, klɛ aka lɛ, klɛ yɛ aba tɛ ba.”

Tɛbubukasɛ 4:8 Iomraidhean Croise

Axwɛwɛwa 20:31

Kɛlɛ so nɔ za nɛ awɔ̃! Nɔ baka sɛ agɔ tata naa ɛka zukɔlɔ wɔnɔ mayɛ kanyaka tsre elishi anɛ kemuze anɛ iyuyo.

2 Kɔrintioanɛ 6:18

“Ɛba dzi Aka kɔ nɔ, klɛ wunɔ bɔdzi me beyianyɛ nɛ̀ mɛ beyiadzɛ, Apalete Kemielete yɛ ɖɔ.”

1 Tɛsolonianɛ 2:9

Badzya mɔ, ɛyɛkɛŋa sɛ nɔɔ baka, bulɔ baatɔ nɛ ebuigɛganɛ nɛ mɛ; bu wa kɛxwɛ elishi anɛ kemuze sɛ tɛ bu tɛ dzi kituku kɔ nɔ nɛ kibe lɛ gɛ bu ɖɔ Kpaya kibuidzyɔgo nɛ tsre nɔ.

1 Timotio 4:16

Vu anhũ nɛ wɔ ɛkpã anɛ kɛdɔkɛkasɛ nɛ mɔmɔ. Tsianyɛ nɛ alɛ mɛ, alasɛ onu gɛ nɔ bhɛtɛ ana, no bo bu wɔnɔ shu anɛ bagɛ be nu nɔɛ bui.

2 Timotio 4:2

Ɖɔ Kibui; bala kɔ ebe nɛ gɛ aba nɛ ebe nɛ mɛ tɛ kukuei; dzyɔanɔ, tsrenɛ anɔ tɛ ɔkpɛ anɔ kemi—nɛ tɛdudɔfɔ̃ piim anɛ awɔ̃lulu nɛ kɛdɔkɛkasɛ mɛ.

Hebriuanɛ 13:8

Yesu Kristo terikpo alɛ nɛ ko enu kivu gɛ ba fla anɛ kibenyɛbe.

Tɛbubukasɛ 1:4

Denɔ mɛ Yohanɛsɛ ɔkɔ, Kɔ basɔlɛha tigene nɛ Esia kɛdɔ nɛ mɛ: Ɛyamyuyɔ anɛ ishuyuyɔ kɔ nɔ denɔ agɛ yɛ alɛ, anɛ agɛ yɛ aza, nɛ agɛ yɛ aba tɛ ba nɛ ɔkɔ, anɛ denɔ ɛfufɔɛ tigene nɛ ɔkɔ nɛ yɛ kegbu nɛ amɛ,

Tɛbubukasɛ 1:8

Apalete Kpaya nɛ asɛ, “Mɛ nu Kesikpɛkpɛ anɛ Tɛbibeke,” “gɛ alɛ, klɛ aza, klɛ yɛ aba ba, Agɛ yɛa dɛ.”

Tɛbubukasɛ 11:17

aaɖɔ sɛ: “Bu hu wɔ ahwɛ, Apalete Kpaya gɛ adɛ, Agɛ yɛ alɛ klɛ aza, alasɛ ɔtɛ yɛkɛ wɔ kemi gbla klɛ ɔtɛ kpɛesi ɔŋɛabha.

Tɛbubukasɛ 14:11

Klɛ balɛ butɔ ɔnyɔ̃ nɛ ɔbɔ lɔ ɔyɛkɔ vɛnɔ mabeke mabeke mɛ. Bumuene kemuze ɔdɔgɔsɛ elishi mɛ ama kɔ bagɛ bakpɛ kɛtɔkpuesi kɔ ayakpamaga anɛ balɛ abhubhɔ, ɔdɔgɔsɛ anɔnyanɔ gɛ ayɛkɛ yɛ kinyi nɛ kibi.”

Tɛbubukasɛ 14:3

Klɛ ba zha ɔdzɛ vuvɔ nɛ kekusigbu nɛ amɛ anɛ kɛdɔbhɛbhɛtɛ lulu tɛɛlɛ̃ anɛ beshishe nɛ amɛ. Anɔnyanɔ adɛ na ɔdzɛ nɛ nu kpasɛ ɔyɛkɔdɛ banɔ 144,000 nɛ gɛ be bu nɛ kesukpa nɛa bha.

Tɛbubukasɛ 15:3

klɛ ba zha Mose kpayaxwɛwa nɛ ɔdzɛ anɛ Obhoshieyi nɛ ɔdzɛ na sɛ: “Wɔ ebui nɛ agbɛgbla klɛ la bhɛtɛ bi, Apalete Kpaya gɛ Agbɛgbladɛ. Wɔ edzo nɛ ana klɛ le nu kɛgba, Kibe nɛ Ekusi.

Tɛbubukasɛ 15:7

Ɔkɛlɛ kɛdɔbhɛbhɛtɛ lulu tɛlɛ̃ nɛ tili yɛkɔ sɛkadzɛdzã busugba tugene gɛ yuku nɛ Kpaya obulo, nɛ akpɛ ahwɛ kɔ kpayaxwɛdɛ tiegene, Kpaya nɛ gɛ alɛ nɛ ɛkpã vɛnɔ mabeke mabeke mɛ.

Tɛbubukasɛ 16:14

Be nu satana ɛfufɔɛ gɛ bhɛtɛ ebui gɛ abhɛtɛbi, klɛ le koeyi tɔnɔ kanɔ mɛ bekusi nɛ petee, tɛ be xogoa lɛ akɔ keyu nɛ Kpaya Gbɛgbladɛ nɛ kiwigbla nɛa bha.

Tɛbubukasɛ 16:7

Klɛ mɛ nu gɛ busɔlɛvu mɛ kedɔpɔɛkɔ nɛ ɔdɛmɛ sɛ: “Ee, Apalete Kpaya gɛ Agbɛgbladɛ, wɔ bubhui kukulu nɛ nu kɛgba klɛ bu na.”

Tɛbubukasɛ 19:15

Denɔ yɛ onugbu nɛ mɛ ɛhɛ shɛshɛ eekoeyi gɛ yɛ aba yɛkɔ ehu amadi nɛe si nɔ. “Aba ŋa balɛa bha nɛ ɔɖa dzyamgbɛ.” Aga Kpaya Gbɛgbladɛ nɛ kanya obulo bulu kizi nɛa bha.

Tɛbubukasɛ 19:4

Banɔshishe afɛtabhantɛalɛ̃ anɛ kɛdɔbhɛ bhɛtɛ lulu tɛlɛ̃ nɛ wɔlɛ dɔ klɛ kɛ kpɛ kɛtɔkpuesi kɔ Kpaya, gɛ ezhidzi bukusiegbu nɛa bha. Klɛ ba kpɛ ogugu asɛ: “Tɛlɛbɛlɛm, Haleluya!”

Tɛbubukasɛ 21:22

Ɛdɛ mɔ busɔlɛvu kanyaka nɛ ɔmagbla nɛm, alasɛ Apalete Kpaya Agɛadɛ anɛ Obhoshieyi balɛ enu ɔlɛ busɔlɛvu.

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.

Tɛbubukasɛ 4:4

Bukusigbu afɛtabha nɛ tɔlɛ̃ bhlatɔ kana tierikpoa lɛ nɛ atsya, klɛ nɛ bulɛa bha banɔ shishe afɛtabha nɛ tɛalɛ̃ be zhedzi. Ba kpasɛ bawi fufum klɛ sɛkadzɛdzã bukusiekutu etsri balɛ ada mɛ.

Tɛbubukasɛ 4:6

Ɔyɛkɔ plɛnɔ nɛ bukusiegbu nɛ shu kɛdɔ tili li gɛ kɛ wɛ̃ ansɛ aƒu azhuzhɔɛ, yɛmɛ ebhui ansɛ butsyeitsyei. Nɛ kishitɛbha, nɛ bukusiegbu nɛ shu, kɛdɔbhɛbhɛtɛ lulu tɛlɛ̃ kana kalɛ atsya, klɛ ba yɛkɔ awɔ̃hũ ada kɔa lɛ, nɛ otugba anɛ kide.

Tɛbubukasɛ 4:9

Kibe lɛ gɛ kɛdɔbhɛbhɛtɛ lulu nɛɛ kɔ ishubhubhui, kabhakpɛkpɛ anɛ ahwɛhuhu kɔ agɛ yɛ ezhidzi bukusiegbu nɛa bha klɛ alɛ ɔyɛkɔ ɔvɛnɔ mabeke mabeke,

Tɛbubukasɛ 5:6

Ɔkɛlɛ mɛ mɔ Obhoshieyi, gɛ lɔ wɛ̃ ansɛ be ti bhui ɔlɛ, gɛ lo li kititi nɛ bukusiegbu nɛ kishitɛbha, kɛdɔbhɛbhɛtɛ lulu tɛlɛ̃ anɛ bakashishe nɛ ba kana kalɛ atsya. Ashã tegene nɛ anhũ tegene ala lɛ yɛ, gɛ alɛ enu Kpaya ɛfufɔɛ tigene gɛ ba kpɛ asɛsɛ kesukpa nɛa bha petee.

Tɛbubukasɛ 6:1

Idi flogo pɛ Obhoshieyi nɛ ɔdanɛ badɛda tiegene anɛ atutɔpu. Ɔkɛlɛ mɛ nu kɛdɔbhɛbhɛtɛ lulu tɛlɛ̃ nɛɔmayɛ terikpoe dɔ nɛ oli mɛ ansɛ subhalɛlɛ sɛ, “Ba!”

Tɛbubukasɛ 6:6

Ɔkɛlɛ mɛ nu kɛdɔ tili dɔ gɛ kɛlɛ oli mɛ odzi ansɛ kɛdɔbhɛbhɛtɛ lulu tɛlɛ̃ nɛ shi, kɛɛ ɖɔ sɛ, “Agɔnɛ kedzyidzyi tierikpo kɔ kiwi zɛzɛ bhɛ, anɛ amɔ budzyidzyi tɔta kɔ kiwi zɛzɛ bhɛ, klɛ tɛ zi bubɔ anɛ bulu!”

Tɛbubukasɛ 7:11

Kpayaxwɛdɛ nɛ petee be li kititi akana bukusiegbu anɛ bakashishe anɛ kɛdɔbhɛbhɛtɛ lulu tɛlɛ̃. Ba wɔlɛadɔ akpɛ amɛesi nɛ bukusiegbu nɛ amɛ klɛ ba kpɛ kɛtɔkpuesi kɔ Kpaya,

Tɛbubukasɛ 7:15

Kɛlɛ so nɛɛ, “be li Kpaya bukusiegbu nɛ amɛ klɛ baa dɛ kɛxwɛ kɔ yɛ kemuze anɛ elishi nɛ yɛ busɔlɛvu mɛ, klɛ agɛ edzi bukusiegbu nɛa bha nɛ aba nɛna yɛ kɛpɔtɛagba nɛ ada lɛ.