Tɛbubukasɛ 3:8 - ONUGBÙ NYƐNYÃ VUVƆ

⁸ Inyi wɔnɔ ebuibhɛbhɛtɛ. Di, ɛtɛ yɛkɔ kedunu dɛdanɛ lu wɔ amɛ gɛ anɔnyanɔ atɛ ba na da. Inyi sɛ bugɛganɛ bhli lɛ wɔ ahwɛ, pɔ ɔnyɛna mɛ kibuiɖuɖɔ nɛ ovunɔ klɛ ɔkɔ shɛ̃nahwɛ mɛ kinyi nɛ shu olu.

Tɛbubukasɛ 3:8 Iomraidhean Croise

Luka 12:9

Pɔ anɔ nɛ gɛ adɛ yɛkɛ mɛ nɛ́ banɔ amɛ ba dɛ yɛkɛ yɛ tsyɛ nɛ́ Kpaya axwɛdɛ nɛ amɛ.

Yohanɛsɛ 15:20

Nɔ baka kibui nɛ gɛ ɛɖɔ tsre nɔ: ‘Axwɛdɛ atɛ be triadɛ yɛ Apalete.’ Onugɛ ba kpatɔnɔ mɛ, ba ba kpatɔnɔ wunɔ tsyɛ. Onugɛ babhɛtɛ atrɔ mɛ kɛdɔkɛkasɛ nɛabha, ba ba bhɛtɛ atrɔ wunɔ yɛ tsyɛ abha.

Yohanɛsɛ 17:6

“Ibu wɔ kasɛ banɔ nɛ gɛ ɔkɔ mɛ denɔ kanɔ nɛ mɛ. Be dzi wɔayɛalɛ, wɔ yɛkɔa lɛ ɔkɔ mɛ klɛ ba ta wɔ kibui na tɔ.

Axwɛwɛwa 14:27

Nɛ balɛ ɔkɛlɛ tɛkuku mɛ, be klu basɔlɛha nɛ exogo klɛ ba ɖɔ etsrea lɛ ebui nɛ petee gɛ Kpaya abhɛtɛ ganɔ balɛa bha nɛ kana gɛ adanɛ tɛyɛyɛkɛŋa kidzo akɔ bagɛ be di nu Yuɖanɛ.

1 Kɔrintioanɛ 16:9

alasɛ kedunu gbɛgbla xwɛ tili danɛ kɔ mɛ, klɛ ɔkɛlɛ banɔ gelee alɔ kititi nɛ mɛ shu.

2 Kɔrintioanɛ 2:12

Ɔtsɔnɛ gɛ ɛvɛ Troasɛ tɛ ɛɖɔ Kristo bui dzyɔgo klɛ ɛmɔ sɛ Apalete adanɛ kidzo kɔ mɛ,

Filipianɛ 4:13

Ɛbana kɛdɔnyɛdɔ bhɛtɛ ganɔ yɛ abha agɛ akɔmɛ bugɛganɛ.

Koloseanɛ 4:3

Klɛ nɔ klukpaya nɛ bulɔ tsyɛ, tɔkpu, sɛ tɛ Kpaya adanɛ opupu kɔ bulɔ ebui ɖɛɖɔ, tɛ bɔɖɔ Kristo ebui kpukpu, alasɛ kɛlɛ so gɛ ba kpɛ mɛ buɖɛ.

1 Timotio 5:8

Onu gɛ anɔ teli ataa bhɛtɛ kɛdɔnyɛdɔ akɔ yeletealɛ, klɛ ɔyɛkɔdɛ kɔ yɛ bupamanɛ gɛ be bunɔ yɛ kpɔ̃, enu anɔ gɛ ashɛ̃nahwɛ tɛyɛyɛkɛŋa nɛ shu klɛ atsɔmɔ dɛ anɔ nɛ gɛ adɛ yɛkɛaŋa.

2 Timotio 4:7

Ɛtɛ gɔnɛ ibue dzyɔgo, iti si odu nɛ beke, ɛtɛ nyɛna tɛyɛyɛkɛŋa nɛ mɛ vunɔ.

Yuɖa 1:4

Alasɛ banɔ teli gɛ be bu kɛpɔ pɛ ba ŋlɔmɛ kɛdɔ nɛ balɛ shu kukuku, ba ga tɛkpukpu mɛ ashɔku wɔnɔɛ shi. Be nu banɔ gɛ kpaya ama balɛ mɛ, gɛ be tsyina Kpaya ɛyamyuyɔ nɛ edzi kidzokukɔ kɔ azhuzhɔlɛbui bhɛbhɛtɛ klɛ ba dɛ yɛkɛ Yesu Kristo bulɔ Ishuahwɛzɛza anɛ Apalete terikpo.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.

Tɛbubukasɛ 2:2

Inyi wɔ ebuibhɛbhɛtɛ, wɔ kɛxwɛwɛwa gɛganɛɛ anɛ wɔ kanyɛtsitsi. Inyi sɛ ɔtɛ bɔ kɔ atɔkpum gɛganɛelete nɛ amɛ, klɛ ɔtɛ feke bagɛ asɛ be nu banɔkpɛkpɛ pɔ pɛ be di nu nɛ odi, klɛ ɔtɛ mɔ sɛ be nu betroni.

Tɛbubukasɛ 22:7

“Di, ɛba kpataa! Bayula anɔ nɛ gɛ anyɛna ebui nɛ gɛ ba ɖɔelu nɛ keplukpɛa nɛm.”

Tɛbubukasɛ 3:1

Kɔ kpayaxwɛdɛ nɛ Saɖis busɔlɛɔha nɛ mɛ sɛ: Ebuia alɛ nu agɛ evunɔ Kpaya ɛfufɔɛ tigene anɛ awɛ̃wɛ̃ tegene nɛ ayɛ. Inyi wɔ ebui bhɛbhɛtɛ, kinyi dzyɔgo lɛ wɔ ahwɛ sɛ ɔlɛ nɛ ɛkpã, pɔ otsi.

Tɛbubukasɛ 3:10

Nɛ kibe lɛ gɛ ɔtɛ nyɛna mɛ tɛtutrɔ nɛ mɛ ovunɔ kɛdzyɛɛ so, mɛ tsyɛ ɛba nyɛna wɔ shɛnɔ nɛ ɔɖa nɛ mɛ gɛ ɔbɔ ba kɔ kebhui kuklu nɛ kanɔ nɛ petee tɛ ba yɛkɔ efeke bagɛ balɛ kesukpa nɛa bha nɛ edi.

Tɛbubukasɛ 3:15

Inyi wɔ axwɛwɛwa, sɛ ɔdɛ yɔ ɔdɔgɔsɛ ovu kifu. Ɛta pɛɛ sɛ tɛ odzi kɛlɛɔmayɛ ɔdɔgɔsɛ kɛbhlatɔ tili!

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.