Tɛbubukasɛ 3:12 - ONUGBÙ NYƐNYÃ VUVƆ

¹² Agɛ yɛa ŋɛabha ɛba bhɛtɛ yɛ kidriosi nɛ mɛ Kpaya busɔlɛvu nɛ mɛ. Kɛlɛ atɛa shɛ̃nahwɛ kɛlɛ shu. Ɛba ŋlɔmɛ mɛ Kpaya nɛ nyi trɔ yɛa bha, anɛ mɛ Kpaya ɔmagbla nɛ nyi nɛ trɔ yɛa bha, gɛ onu Yerusalɛm vuvɔ, gɛ ezhi edenɔ owũsise nɛ mɛ Kpaya ɔkɔ nɛ aaba, klɛ ɛba ŋlɔmɛ mɛ kinyi vuvɔ nɛ tsyɛ ta yɛ.

Tɛbubukasɛ 3:12 Iomraidhean Croise

Marko 12:16

Ba yɛkɔ kɔba nɛ amɛna, klɛ ebisi alɛ asɛ, “Anee kɛtɔkpu klɛ tsri yɛa bha? Klɛ anee kɛdɔ ŋuŋlɔmɛ klɛ tsri?” Be bu klɛ nu asɛ, “Kaɛzaro yɛ.”

Galatianɛ 2:9

Yakobo, Petro anɛ Yohanɛsɛ, ba gɛ benu anasɛ bushã, ba kɔ mɛ anɛ̀ Barnabasɛ ahwɛ nɛna kukɔ ɔhaglɔ kibelɛlɛ gɛ ba mɔ ɛyamyuyɔ gɛ bakɔ mɛ. Ba dɛmɛ sɛ bu vɛ ba gɛ be dinu Yuɖanɛ nɔ kɔ klɛ tɛ ba lɛ avɛ Yuɖanɛ nɔ kɔ.

Efesoanɛ 3:15

denɔ agɛ yɛ kɔ yɛ bupa petee nɛ owũsise anɛ kesukpa gɛ bebu yɛ kɛnyi nɛ denɔ.

Hebriuanɛ 12:22

Pɔ nɔ ba Zayɔnɛ Butu nɛabha, nɛ owũsise Yerusalɛm, ɛkpã Kpaya ɔma gbɛgbla nɛ mɛ. Nɔ bo ku kpayaxwɛdɛ akpã akɛpã gɛ bexogo nɛ́ same,

Hebriuanɛ 13:14

So ɔkɛnɛ ɔma ma bulɔahwɛ gɛ bu ba za vɛnɔ faã, pɔ bu di kidzoe nu kɔ ɔma gɛ lɔ tɛ ba.

1 Yohanɛsɛ 4:4

Wunɔ, banuvɔ mumɔa, nɔ de Kpaya kɔ klɛ nɔ ŋa ɛlɛabha, alasɛ agɛ alɛ wunɔɛ mɛ etri adɛ ɔgɛ lɔ lɛ kanɔ nɛ mɛ.

Tɛbubukasɛ 14:1

Ɔkɛlɛ mɛ idi, klɛ nɛ mɛ amɛ obhoshieyi, lo li kititi nɛ Zayɔnɛ Butu nɛa bha, klɛ nɛ ɔlɛ ɔbha banɔ 144,000 gɛ yɛ kinyi anɛ yɛ Aka nɛ yɛ nɛ ŋlɔmɛ tsri balɛ butukpo.

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Tɛbubukasɛ 2:11

Aanɔ nɛ gɛ batɔ alɛ yɛ, kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ aŋɛabha butsi bhla nɛ tɛ ba zi kɛdɔnyɛdɔ nɛ yɛ shu.

Tɛbubukasɛ 2:17

Aanɔ gɛ batɔ alɛ yɛ, kɔ yɛ enu kɛ gɛ Ɔfufɔɛ nɛ otsre basɔlɛha. Agɛ yɛ aŋɛabha, ɛba kɔ yɛ mɛ tɛkpukpu mɛ ofomɛŋɛŋa. Ɛba kɔ yɛ tsyɛ kɛklãgbu fufu nɛ gɛ ba ŋlɔmɛ kinyi vuvɔ atrɔ kɛlɛa bha, gɛ agɛ yɛ ayɛkɛ lɛ nɛ ko yɛ enyi lɛ.

Tɛbubukasɛ 2:7

Anɔ nɛ gɛ batɔ alɛ yɛ, nɔ kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ yɛaŋɛabha, ɛba kɔ yɛ kidzo sɛ tɛ aŋa kɛdɔ edenɔ ɛkpãosi nɛ mɛ, gɛ ɔlɛ Kpaya buka mɛ.

Tɛbubukasɛ 21:2

Ɛmɔ Ishubhuibhui Ɔmagbla, gɛ onu Yerusalɛm vuvɔ, gɛ ozhide Kpaya ɔkɔ nɛ owũsise ɔɔba, gɛ ba bala kɔ ɔlɛ ansɛ adzɛ pupudi gɛ ba kpɛ bunuwã gɛ ba bala yɛ akɔ yɛenyine.

Tɛbubukasɛ 22:4

Ba ba mɔ yɛ amɛ, klɛ yɛ kinyi nɛ ba za balɛ butukpo.

Tɛbubukasɛ 3:5

Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.