Tɛbubukasɛ 3:10 - ONUGBÙ NYƐNYÃ VUVƆ

¹⁰ Nɛ kibe lɛ gɛ ɔtɛ nyɛna mɛ tɛtutrɔ nɛ mɛ ovunɔ kɛdzyɛɛ so, mɛ tsyɛ ɛba nyɛna wɔ shɛnɔ nɛ ɔɖa nɛ mɛ gɛ ɔbɔ ba kɔ kebhui kuklu nɛ kanɔ nɛ petee tɛ ba yɛkɔ efeke bagɛ balɛ kesukpa nɛa bha nɛ edi.

Tɛbubukasɛ 3:10 Iomraidhean Croise

Mateo 24:14

Klɛ ba ba ɖɔ bukusiɔŋakɔ kibui nɛ akana kanɔ nɛ mɛ petee ansɛ kibuimɔɖɔ kɔ amadi nɛ petee, klɛ flogo pɛ obekekɔ nɛ ɔbɔ ba.

Mateo 26:41

“Nɔ za nɛ awɔ̃ tɛ no kulukpaya sɛ tɛ nɔ tɛ bɔ wɔlɛ ku tɛfifeke di mɛ. Ɔfufɔɛ nɛ xũ ɔpɛɔ sɛ, pɔ ishuidzya nɛ tɔ.”

Mateo 6:13

Klɛ tɛ gbanɔ lɔ kpɛ tɛfifekedi mɛ, pɔ bu lɔ odenɔ ezizi nɛ ahwɛ mɛ.’

Marko 14:9

Itsre nɔ kɛgba sɛ, ɔkɔnyɔkɔ gɛ ba ɖɔ Kpayɛbui nɛ kanɔ nɛ mɛ petee, kɛgɛ adzɛ nɛ abhɛtɛ ba ba ɖɔɛ lɛ tsyɛ, ayɛkɔ abaka yɛbui nɔ.”

Luka 2:1

Nɛ kibelɛlɛ Kaezaro Augusto akpɛ ɔshã sɛ ba kla banɔ nɛ Rɔma ɛma petee mɛ.

Yohanɛsɛ 17:6

“Ibu wɔ kasɛ banɔ nɛ gɛ ɔkɔ mɛ denɔ kanɔ nɛ mɛ. Be dzi wɔayɛalɛ, wɔ yɛkɔa lɛ ɔkɔ mɛ klɛ ba ta wɔ kibui na tɔ.

Romanɛ 1:8

Putɔnɔ nɛɛ, ihu mɛ Kpaya nɛ ahwɛ ganɔ Yesu Kristoa bha kɔ wɔnɔ petee, alasɛ baɖɔ wɔnɔ tɛyɛyɛkɛŋa nɛ bui akana kanɔm petee.

1 Kɔrintioanɛ 10:13

Tɛfifekedi kanyaka ka vu wɔ dɛ kɛgɛ ba anɔnyanɔ abha. Klɛ Kpaya enu ayɛyɛkɛŋa, atɛ bakɔ tɛfifekedi dɛ kɛgɛ ɔtɛ bɔ na. Pɔ kibenɔ gɛ befeke wɔ di, aba kasɛ wɔ kidzo sɛ tɛ ɔga lɛabha tɛ obo koeyi nɛ lɛesi.

Efesoanɛ 6:13

Kɛlɛso kpɛ Kpaya keyuawi, sɛ tɛ kibenɔ gɛ kiwui zizi ba, ɔbɔna kititi lɔ opo wɔ zakɔ, klɛ kɛlɛede gɛ ɔbhɛtɛ kɛkanyaka, ɔbɔ tsodzi ɔza wɔ ɔzakɔ.

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

Yakobo 3:12

Madzyalɛ mɔ, kabhɔosi tsyɛ ɔbɔ na okutu yu, ɔdɔgɔsɛ grepɛhui yu kabhɔ eyuyu xãa? Kana bumɔɛ onidi tsyɛ ɔtɛ bɔ kɔ buni wɛ̃wɛ̃ dzyɔgo.

1 Petro 4:12

Ɛbhɛa mumɔa, kɛtɛ bhɛtɛ nɔɛ bi, butɔ kɛtɛkɛtɛ nɛ mɛ gɛ nɔɔ ga, anasɛ efui bui tili kɛlɛ bhɛtɛ nɔ.

2 Petro 2:9

onugɛ kana lɛ lɛ, kɛlɛalɛ Apalete enyi kana gɛ ebe bhui Kpaya banɔ denɔ tɛfifekedi mɛ klɛ tɛ anyɛna ebuikpã lete kɔ kebhui kuklu wui, kibelɛlɛ gɛ be tsiri balɛ batɔ tɛtɛta nɛabha.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 11:10

Bagɛ balɛ kesukpa nɛabha na ba dɔa lɛ afla klɛ la ba ŋa kiwi ganɔ kɛdɔ kukɔ ɔhayɛ, alasɛ batɔnu tɛabha na tɛ nyagbã nɛ bagɛ balɛ kesukpa nɛabha.

Tɛbubukasɛ 13:10

Onu gɛ anɔ teli alɛ asɛ tɛ etsoku tɛvuvu mɛ, tɛvuvu mɛ koe be tsoku. Onu gɛ anɔ teli alɛ asɛ tɛ be yi yɛ nɛ ɛhɛɛ, ɛhɛɛ la ba yɛkɔ eyi yɛ nɔ. Kɛɛ nɛ nɛ bisi sɛ tɛdudɔfɔ̃ mɛ zɛza anɛ tɛyɛyɛkɛŋa nɛ banɔnɛna nɛa pɛ mɛ.

Tɛbubukasɛ 13:14

Alasɛ kɛdɔmumɔ nɛ gɛ ba kɔ yɛ kemi sɛ tɛ abhɛtɛ nɛ agavuga tutɔpu nɛ nu so, awɛɛ banɔ nɛ ga lɛ kesukpa nɛa bha. Akɔ sɛ ba bhɛtɛ kɛdɔ bhubhɔ tɛ ba yɛkɔ akpɛ agavuga nɛ gɛ ba kpɛ kɛpɔ nɛ ɛhɛɛ tsyɛ pɛ aza nɛ ɛkpã.

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Tɛbubukasɛ 14:12

Kɛɛ nɛ kɛ kulu tɛdudɔfɔ̃ tɛzɛza gɛganɛ anɛ banɔnɛna nɛ kapɛ mɛ gɛ ba ta batɔ nɛ Kpaya ɛshã klɛ ba wɔ tɛyɛyɛkɛŋa mɛ kɔ Yesu.

Tɛbubukasɛ 14:6

Ɔkɛlɛ mɛ ɛmɔ kpayaxwɛdɛ bhlatɔ gɛ epruru gɛ adɛ vɛ kɛlɛ mɛ fanɔ, klɛ evunɔ ɛkpã mabeke mabeke anɛ kibuidzyɔgo sɛ tɛ aɖɔɛ lɛ etsre bagɛ be tsri kesukpa nɛa bha— kɔ kɛmadigbla kanyaka, amadibhli, bunuhu anɛ banɔ nɛ petee.

Tɛbubukasɛ 16:14

Be nu satana ɛfufɔɛ gɛ bhɛtɛ ebui gɛ abhɛtɛbi, klɛ le koeyi tɔnɔ kanɔ mɛ bekusi nɛ petee, tɛ be xogoa lɛ akɔ keyu nɛ Kpaya Gbɛgbladɛ nɛ kiwigbla nɛa bha.

Tɛbubukasɛ 17:2

Yɛ kesukpɛabha bekusi nɛ abhɛtɛ azhuzhɔlɛbui nɔ klɛ banɔ nɛ gɛ alɛ kesukpa nɛa bha nɛ buku yɛ azhuzhɔlɛbui nɛ bulu.”

Tɛbubukasɛ 17:8

Agavuga nɛ gɛ ɔmɔ, atɛ za di, ɔtsɔ̃ ama, klɛ ebe de Ogloboglobokɔ ekoeyi klɛ aba vɛ kɔ le zi. Kesukpa nɛabha banɔ gɛ balɛ enyi la dɛ ŋlɔmɛ akpɛ ɛkpãeplukpa nɛ mɛ denɔ kanɔ nɛ tɛbhɛbhɛtɛ be, kɛ ba bhɛtɛ alɛ bi onu gɛ bamɔ agavuga, alasɛ atɛ za edi, ɔtsɔ̃ ama, klɛ otsi aba ba.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 3:8

Inyi wɔnɔ ebuibhɛbhɛtɛ. Di, ɛtɛ yɛkɔ kedunu dɛdanɛ lu wɔ amɛ gɛ anɔnyanɔ atɛ ba na da. Inyi sɛ bugɛganɛ bhli lɛ wɔ ahwɛ, pɔ ɔnyɛna mɛ kibuiɖuɖɔ nɛ ovunɔ klɛ ɔkɔ shɛ̃nahwɛ mɛ kinyi nɛ shu olu.

Tɛbubukasɛ 6:10

Be kulu kɛdɔ nɛ oli mɛ gɛganɛ asɛ, “Ɔdɔnanɔ kibe ɖueɖu, Bukusiɔŋakɔ Apalete, gɛ yɛ shu bhui klɛ alɛ nɛ kɛgba, ɔdɔnanɔ kibe lɛ gɛ okuluebhui nɛ banɔ nɛ gɛ ba lɛ kesukpa nɛa bha klɛ obo bisi bulɔ dzyosu nɛ buwule?”

Tɛbubukasɛ 8:13

Gɛ idi nɛɛ, inu odi gɛ opruru nɛ kɛlɛɛ mɛ bɔɛ gɛ lo kului dɔ nɛ ogugu gɛganɛɛ sɛ: “Butɔ! Butɔ! Butɔ kɔ bagɛ be tsri kesukpa nɛa bha, alasɛ kpayaxwɛdɛ tɛata gɔgɔɛ nɛ buxulɔ̃ɛ nɛ ba yi!”