Tɛbubukasɛ 21:3 - ONUGBÙ NYƐNYÃ VUVƆ

³ Klɛ mɛ inu olim gɛganɛɛ denɔ kekusigbu nɛ ɔkɔ gɛ ɔɔɖɔ sɛ, “Ɔtsɔ̃ nɛɛ Kpaya tɛzɛza nɛ lɛ plɛnɔ banɔ, klɛ aba za plɛnɔ balɛ. Be be dzi yɛanɔalɛ, klɛ Kpaya nahwɛ nɛ aba za plɛnɔa lɛ klɛ ebe dzi balɛ Kpaya.

Tɛbubukasɛ 21:3 Iomraidhean Croise

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 14:23

Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.

2 Kɔrintioanɛ 6:16

Tɛnyɛnya ɖueɖu kɛlɛ lɛ Kpaya busɔlɛvu anɛ̀ obudi shu? Alasɛ bulɔ nu Kpaya lulu busɔlɛvu. Anasɛ gɛ Kpaya aɖɔ, “Ɛba za nɛ alɛ klɛ ɛba ga nɛ balɛ shi, klɛ ɛba dzi balɛ Kpaya, klɛ ba be dzi mɛ banɔ.”

2 Kɔrintioanɛ 6:18

“Ɛba dzi Aka kɔ nɔ, klɛ wunɔ bɔdzi me beyianyɛ nɛ̀ mɛ beyiadzɛ, Apalete Kemielete yɛ ɖɔ.”

1 Tɛsolonianɛ 3:11

Ɔtsɔ̃ kɔ bulɔ Aka anɛ Kpaya nahwɛ anɛ bulɔ Apalete Yesu adanɛ kidzo kɔ lɔ sɛ tɛ bu ba wɔnɔ ɔbha.

Hebriuanɛ 11:16

Kɛlɛ mazalɛmɛ, bedidzo nu kɔ ɔma dzyɔgo—owũsise ɔyɛ. Kɛlɛso kɛwɔɛ̃ ti ku Kpaya sɛ tɛ beklu yɛ asɛ balɛ Kpaya, alasɛ eŋuse ɔma gbɛgbla elu kɔalɛ.

Hebriuanɛ 8:10

Kɛnɛ kɛlɛ nu onugbunyɛnya gɛ ɛba nya nɛ Izraɛl bupa nɛ kibe lɛlɛ nɛede, Apalete nɛ yɛ aɖɔ. Ɛba yɛkɔ mɛ ɛshã kpɛ balɛ kɛtɔkpui mɛ klɛ ɛba ŋlɔmɛ lɛ trɔ balɛ idzyi mɛ. Ɛba dzi balɛ Kpaya, klɛ ba be dzi mɛ banɔ.

Hebriuanɛ 8:2

klɛ yɛ awaɛxwɛ nɛ obhubhuikɔ, kɛgbɛagba kagba gɛ Apalete nahwɛ edzu, ganɛ Anɔdzyrame yɛ dzu.

Tɛbubukasɛ 10:4

Klɛ gɛ subhalɛlɛ tiegene nɛ aɖɔaɖɔ nɛɛ, ɛbhɛtɛ sɛ tɛ ɛŋlɔ̃mɛ dɔ; pɔ inu olim toli dɔ denɔ owũsise gɛ ɔɔɖɔ sɛ, “Da kibui nɔ nɛ gɛ subhalɛlɛ tiegene na ɖɔ nɛ dɔ tɛ ɔtɛ ŋlɔmɛ lɛ olu.”

Tɛbubukasɛ 10:8

Ɔkɛlɛ olim nɛ mɛ dɔ gɛ inu ba flanɔ nɔ zɔ ɖɔ kaɖɔ otsre mɛ ɔsɛ: “Vɛ, yɛkɔ kazaplukpa nɛ ga danɛ eli nɛ kpayaxwɛdɛ nɛ gɛ eli kititi nɛ aƒu anɛ kesukpa nɛa bha.”

Tɛbubukasɛ 12:10

Ɔkɛlɛ mɛ nu oli toli mɛ dɔ wee nɛ owũsise gɛ ɔɖɔ sɛ: “Ɔtsɔ̃ nɛɛ tɛyɛyɛkɔ anɛ kemi anɛ bulɔ Kpaya bukusiɔŋakɔ nɛ ɔba, anɛ yɛ Kristo kabhaŋɛŋa. Alasɛ agɛ ayɛkɔɛbui nɛ bulɔ adzyalɛ, gɛ aapɛ bui kɔa lɛ nɛ bulɔ Kpaya nɛ amɛ kemuze anɛ elishi, be hu yɛesi.

Tɛbubukasɛ 21:7

Aanɔ nɛ gɛ aŋɛabha aba mɔ ɔŋakɔ nɛ anɛ nɛ peteem, klɛ ɛba dzi yɛ Kpaya klɛ ebe dzi mɛ eyi.

Tɛbubukasɛ 22:3

Kibuiɖuɖɔ kpɛ anɔ kanyaka tɛa za. Kpaya anɛ Obhoshieyi nɛe kusigbu nɛ ba za ɔmagbla nɛm, klɛ yɛ baxwɛdɛ na ba dɛ kɛxwɛ akɔ yɛ.

Tɛbubukasɛ 7:15

Kɛlɛ so nɛɛ, “be li Kpaya bukusiegbu nɛ amɛ klɛ baa dɛ kɛxwɛ kɔ yɛ kemuze anɛ elishi nɛ yɛ busɔlɛvu mɛ, klɛ agɛ edzi bukusiegbu nɛa bha nɛ aba nɛna yɛ kɛpɔtɛagba nɛ ada lɛ.