Tɛbubukasɛ 21:2 - ONUGBÙ NYƐNYÃ VUVƆ

² Ɛmɔ Ishubhuibhui Ɔmagbla, gɛ onu Yerusalɛm vuvɔ, gɛ ozhide Kpaya ɔkɔ nɛ owũsise ɔɔba, gɛ ba bala kɔ ɔlɛ ansɛ adzɛ pupudi gɛ ba kpɛ bunuwã gɛ ba bala yɛ akɔ yɛenyine.

Tɛbubukasɛ 21:2 Iomraidhean Croise

Yohanɛsɛ 3:29

Anyɛedzini enu adzɛnyine nɛ́ ayɛ. Ɔbhɛya nɛ gɛ alɛ adzɛnyine nɛ shu epo klɛ atatɔ nɛ yɛ klɛ eyuku nɛ same kɛbelɛlɛ gɛ enu adzɛnyinɛ nɛ kaɖɔɖuɖɔ. Same alɛlɛ enu mayɛ, klɛ ɔtsɔ̃nɛ kɛna.

2 Kɔrintioanɛ 11:2

Ɛwlãnkɛ abha nɛ wunɔɛ tɔkpu nɛ Kpaya. kabhawuwlãnkɛ. Ɛɖɔ anyɛ terikpo bui lu kɔ wɔ, kɔ Kristo, sɛ tɛ ɛba yɛkɔ wɔ kɔ yɛ anasɛ adzɛ gɛ etinyi anyɛ.

Hebriuanɛ 11:10

Alasɛ edi akpɛ otugba kɔ ɔmagbla nɛ ɔlɛ tɛbhubhɔ kesikpɛkpɛ, gɛ ɔlɛ evudzu anɛ evubhɔ nɛ enu Kpaya.

Hebriuanɛ 11:16

Kɛlɛ mazalɛmɛ, bedidzo nu kɔ ɔma dzyɔgo—owũsise ɔyɛ. Kɛlɛso kɛwɔɛ̃ ti ku Kpaya sɛ tɛ beklu yɛ asɛ balɛ Kpaya, alasɛ eŋuse ɔma gbɛgbla elu kɔalɛ.

Hebriuanɛ 12:22

Pɔ nɔ ba Zayɔnɛ Butu nɛabha, nɛ owũsise Yerusalɛm, ɛkpã Kpaya ɔma gbɛgbla nɛ mɛ. Nɔ bo ku kpayaxwɛdɛ akpã akɛpã gɛ bexogo nɛ́ same,

Hebriuanɛ 13:14

So ɔkɛnɛ ɔma ma bulɔahwɛ gɛ bu ba za vɛnɔ faã, pɔ bu di kidzoe nu kɔ ɔma gɛ lɔ tɛ ba.

Tɛbubukasɛ 1:1

Yesu Kristo tɛbubukasɛ gɛ, Kpaya akɔ yɛ sɛ tɛ ayɛkɔ kasɛ yɛ baxwɛdɛ kɛgɛ baa ba kɛlɛ mɛ nɛ kibe kplitaa mɛ. Akɔ le ti lɛ ganɔ yɛ kpayaxwɛdɛ nɛ tɛkpɛkpɛ sɛsɛ yɛ axwɛdɛ Yohanɛsɛ,

Tɛbubukasɛ 1:4

Denɔ mɛ Yohanɛsɛ ɔkɔ, Kɔ basɔlɛha tigene nɛ Esia kɛdɔ nɛ mɛ: Ɛyamyuyɔ anɛ ishuyuyɔ kɔ nɔ denɔ agɛ yɛ alɛ, anɛ agɛ yɛ aza, nɛ agɛ yɛ aba tɛ ba nɛ ɔkɔ, anɛ denɔ ɛfufɔɛ tigene nɛ ɔkɔ nɛ yɛ kegbu nɛ amɛ,

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 11:2

Pɔ shɛ̃nahwɛ ɔtɔ buka nɛ mɛ shu olu, tɛ dzyidzyi bɔ lɛ mɛ xũ, alasɛ ba tɛ yɛkɔ bɔlɛ akɔ bagɛ be di nu Yuɖanɛ. Balɛ ba ga ishubhubhui omagbla nɛa bha nɛ butsrukpɔ bewele afɛtalɛ̃ntɛabha.

Tɛbubukasɛ 21:10

Klɛ efekem ashɛnɔ nɛ Ɔfufɔɛ mɛ avɛnɔ butugbla ɖɛɖama tulia bha, klɛ akasɛm Ishubhuibhui Ɔmagbla, gɛ onu Yerusalɛm, gɛ ozhide owũsise nɛ Kpaya kɔ ɔɔba.

Tɛbubukasɛ 21:9

Kpayaxwɛdɛ tɛegene nɛ ɔmɛayɛ teli gɛ evunɔ busugba tugene nɛ gɛ yuku nɛ batɔ tiegene nɛ aba klɛ aɖɔ etsrem asɛ, “Ba, ɛba kasɛ wɔ adzɛ nɛ gɛ bakpɛ bunuwã, gɛ enu Obhoshieyi nɛ yɛedzini.”

Tɛbubukasɛ 22:17

Ɔfufɔɛ anɛ bunuwãdzɛ nɛ asɛ, “Ba!” Klɛ kɔ agɛ yɛenu nɛ aɖɔ sɛ, “Ba!” Anɔnyanɔ gɛ oniwɛ̃ ɔta, kɔ yɛ aba; anɛ anɔnyanɔ gɛ apɛɛ, kɔ yɛ ayɛkɛ ɛkpãni kɛdɔkukɔ fãa.

Tɛbubukasɛ 22:19

Klɛ onu gɛ anɔ teli ebe bu ebui nɛ ebuiɖɔlue plukpa nɛmɛa bha, Kpaya tsyɛ ebe bu nɛ kɛgɛ ba na yɛ nɛ ɛkpãeplukpa nɛm nɛ ishubhubhui ɔmagbla nɛm, gɛ alɛ bui la ɖɔ nɛ keplukpɛa nɛ mɛ.

Tɛbubukasɛ 3:12

Agɛ yɛa ŋɛabha ɛba bhɛtɛ yɛ kidriosi nɛ mɛ Kpaya busɔlɛvu nɛ mɛ. Kɛlɛ atɛa shɛ̃nahwɛ kɛlɛ shu. Ɛba ŋlɔmɛ mɛ Kpaya nɛ nyi trɔ yɛa bha, anɛ mɛ Kpaya ɔmagbla nɛ nyi nɛ trɔ yɛa bha, gɛ onu Yerusalɛm vuvɔ, gɛ ezhi edenɔ owũsise nɛ mɛ Kpaya ɔkɔ nɛ aaba, klɛ ɛba ŋlɔmɛ mɛ kinyi vuvɔ nɛ tsyɛ ta yɛ.