Tɛbubukasɛ 20:2 - ONUGBÙ NYƐNYÃ VUVƆ

² Evu eblidzyagbla, gɛ enu atiti eblidzya, gɛ enu ɔfufɔɛkpã, ɔdɔgɔsɛ Satana, klɛ anya yɛ agɔ kɛkpã zɛzɛ.

Tɛbubukasɛ 20:2 Iomraidhean Croise

Mateo 19:29

Klɛ anɔnyanɔ gɛ atɛ shɛ alɔ bapa, yɛadzyalɛ, yɛadalɛ, yɛaka, yɛeni, yɛeyialɛ, yɛ kaya akpɛ mɛ so, aba yɛkɛ kɛdɔɛ lɛ nɛ ɛzakɔ kɛfɔɛfɔ klɛ aba mɔ ɛkpã gɛ ɛtɛ ba beke.

Mateo 8:29

Ɛfufɔɛkpã elete nɛ ba kpɛ ogugu asɛ, “Kidee wɔ ɔɔpɛ denɔ bulɔ kɔ, Kpaya yɛ Eyi?” “Ɔba ɔkɛ̃ sɛ tɛ ɔbɔ nyama bulɔ flogo tɛ bulɔ ɔɖa nɛ mɛ ɔbɔ na dza?”

Marko 4:15

Banɔ teli ba sɔnɔ eyi nɛ gɛ adɔ kɛdzyo nɛ mɛ, nɛ ɔklɛ gɛ ba hwɛ Kpaya bui. Balɛ gɛ benye nu kibui nɛ ko, Satana aba nyɛna kibui nɛ gɛ ba ɖa nɛ akpɛ ebu nɛ balɛ mɛ.

Marko 5:7

Akpɛ ogugu gɛganɛɛ asɛ, “Yesu, Apaletedɛ nɛ yɛ Eyi, kɛdee wɔ pɛɛ denɔ mɛ ɔkɔ? Tanɛ Kpaya sɛ ɔtɛ bɔ bhɛtɛ mɛ kibui kpã!”

Yohanɛsɛ 12:31

Ɔtsɔnɛ kɛbena kɔ kebhuikuklu nɛ kanɔ, ɔtsɔnɛ ba ba kɛka ekusieyi nɛ kanɔa nɛ mɛ.

Yohanɛsɛ 16:11

klɛ nɛ kebhuikuklu nɛ shu, alasɛ ekusieyi nɛ kanɔa nɛ mɛ ɔtsɔ̃ nɛ alɛ kɔ kɛpɔ bubu.

Romanɛ 16:20

Eti be dze ishuyuyɔ Kpaya nɛ aba yɛɛ Satana akpɛ wɔnɔ butsrukpɔesi. Apalete Yesu eshutukubui didi aza plɛnɔ nɔ.

Hebriuanɛ 2:14

Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

2 Petro 2:4

Alasɛ onugɛ Kpaya adɛ yɛkɔ etsye yɛ baxwɛdɛ gɛ ba bhɛtɛ ebuikpã, pɔ asɛsɛ alɛ nɛ kifu mɛ, akpɛ alɛ buɖɛ nɛ otumu ozi mɛ tɛ ba be klu kebhui nɛ alɛ,

Yuɖa 1:6

Klɛ kpayaxwɛdɛ nɛ gɛ ba dɛ nyɛna balɛ kabhaŋɛŋa ɛzakɔ nɛm evunɔ pɔ pɛ ba shɛnahwɛ balɛ nahwɛ bapa nɛ shu—balɛlɛ nɛ evu akpɛ otumu mɛ, gɛ akpɛ buɖɛ gɛ ba za vɛnɔ xũii kɔ kebhuikuklu nɛ Kiwigbla nɛa bha.

Tɛbubukasɛ 12:13

Gɛ eblidzyagbla nɛ amɔ asɛ be huesi asɛsɛ kesukpa nɛɛ, akpatɔnɔ adzɛ nɛ gɛ amɔ eyianyɛ.

Tɛbubukasɛ 12:15

Ɔkɛlɛ ebe epi buni ansɛ keni, edenɔ yɛ onugbu mɛ, sɛ tɛ adɔ adzɛ nɛ afla tɛ ayɛkɔ agba yɛ anɛ buni nɛ ashɛnɔ.

Tɛbubukasɛ 12:17

Ɔkɛlɛ eblidzyagbla nɛ amɔ obulo nɛ adzɛ klɛ ashɛ avɛ asɛ tɛ ada ta keyu anɛ yeyialɛ gɔgɔɛ—bagɛ bata batɔ nɛ Kpaya ɛshã klɛ la nyɛna yɛ Yesu kibuimumɔɖɔ nɛ mɛ evunɔ.

Tɛbubukasɛ 12:3

Ɔkɛlɛ kɛdɔmumɔ bhlatɔ zɛ wɛ̃ nɛ owũsise: eblidzyagbla dzɛdzã teli nɛ atɔkpu tegene anɛ ashã lɔfɔ anɛ bukusiekutu tegene etsri yɛ ada mɛ.

Tɛbubukasɛ 12:4

Yɛ otse nɛ ɔgba awɛ̃wɛ̃ nɛ owũsise kapɛ zɛzɛ nɛ bupɛ tɔtam klɛ awãnya alɛ atrɔ kesukpa nɛabha. Eblidzyagbla nɛ eli titi nɛ adzɛ nɛ gɛ yɛ kɛmɔ na nɛ otugba, sɛ tɛ ebe vu eyi nɛ atã kibelɛ gɛ anya mɔ yɛ ko.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 13:2

Agavuga nɛ gɛ ɛmɔ nɛ eyi ashuiɛ, pɔ ɛtsrɛ nɛ dzi ansɛ agudui yɛ klɛ onugbu ansɛ adzyata ɔyɛ. Eblidzyagbla nɛ akɔ agavuga nɛ yɛ kemi anɛ yɛ ekusiegbu anɛ kabhaŋɛŋa gbɛgbla.

Tɛbubukasɛ 13:4

Banɔ ba kpɛ kɛtɔkpuesi kɔ eblidzyagbla alasɛ atɛ kɔ agavuga nɛ kabhaŋɛŋa, klɛ balɛ tsyɛ ba kpɛ kɛtɔkpuesi kɔ agavuga klɛ bee bisi asɛ, “Ane gɛ edzi ansɛ agavuga? Anee gɛ aba na keyu ta nɛ yɛ?”

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.

Tɛbubukasɛ 20:7

Onu gɛ agɔ akpà zɛzɛ nɛ aafla, Be be bu Satana nɛ yɛ buvu

Tɛbubukasɛ 9:11

Ekusi alɛ balɛ ahwɛ gɛ enu Ozi gɛ ɔlɛ obekekɔ ɔma kpayaxwɛdɛ, gɛ yɛ kinyi nɛ Yuɖa bunuhu mɛ nu sɛ Abaɖɔnɛ, klɛ nɛ Griki mɛ, Apoliɔnɛ.