Tɛbubukasɛ 2:9 - ONUGBÙ NYƐNYÃ VUVƆ

⁹ Inyi ebui nɛ gɛ atrɔ wɔabha anɛ wɔ kitsyui—pɔ ehoeyi alɛ wɔahwɛ! Inyi bagɛ asɛ enu Yuɖanɛ flogo pɛ bedi nu, pɔ be nu Satana oxogokɔvu.

Tɛbubukasɛ 2:9 Iomraidhean Croise

Mateo 4:10

Yesu etsre yɛ asɛ, “Tsuɔvɛ nɛ mɛ ɔbha, Satana! Alasɛ kɛ ŋlɔmɛ li sɛ, ‘Kpɛ kɛtɔkpuesi kɔ Apalete wɔ Kpaya, tɛ ɔdɛ yɛ tite koe xwɛ.’ ”

Luka 12:21

Kɛlɛ Yesu asɛ “Kana lɛ ba za nɛ̀ anɔ kanyaka gɛ abala kɛdɔ lu kɔ shu pɔ adɛ mɔ ehueyi ɔvɛnɔ Kpaya kɔ.”

Luka 22:65

Klɛ ba ɖɔ aklatu ebui gelee bhlatɔ kɔ yɛ.

Luka 4:18

“Apalete nɛ Ɔfufɔɛ tsri mɛ abha, alasɛ abalɛ bubɔ nɛ mɛ abha tɛ aɖɔ ebui dzyɔgo kɔ betsutsukpɛ̃. Akpɛ mɛ asɛ ɛbaɖɔ ishu ahwɛzɛza bui kɔ bagɛ ba kpɛ buvu nɛ tɛ adanɛ awɔ̃hu kɔ awɔ̃hu pupu elete, tɛ ebu butɔ nɛ banɔ shu,

Luka 6:20

Yesu gɛ edi yɛ badɔkpasɛ, aɖɔ sɛ: “Bayula wunɔ agɛ nɔ dɔɛ tsyui, alasɛ wunɔɛyɛ klɛ nu Kpaya kusiŋakɔ

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Axwɛwɛwa 26:11

Ebem nɛɛ ɛlɔ nɛ oxogokɔvu nɛm ɛvɛ bunɛ nɛm sɛ tɛ ɛda di lɛ ɔkɔ sɛ be he butɔ kɔa lɛ, klɛ ɛtrɔa lɛa bha sɛ tɛ ba ɖɔ ebusobui. Nɛ mɛ kititi lulɔ nɛ balɛ shu mɛ nɛ, ɛyɛkɔ trɔ shu ga kidzo vɛ busukpa bhlatɔ ɛmagblam ɛda kpatɔnɔa lɛ.

Romanɛ 12:12

Nɔ mɔ same nɛ kidzoenu didi mɛ, dɔ fɔɔ̃ nɛ wɔ batɔ nɛm, za tɛyɛyɛkɛŋam nɛ Kpaya kuklum.

Romanɛ 2:17

Ɔtsɔ̃ wɔ, onu gɛ okulu wɔshu sɛ onu Yuɖaeyi; onu gɛ otsri ɔshã nɛa bha klɛ ofekeshu nɛ kishopo nɛ gɛ kpasɛ wɔ nɛ Kpaya kishi;

Romanɛ 5:3

Ganɛ kana tite ko, pɔ bu mɔ same nɛ bulɔ baatɔ nɛ mɛ tsyɛ, alasɛ bu nyi sɛ butɔ bhɛtɛ kanyɛtsitsi;

Romanɛ 8:35

Anee gɛ aba pɔɛ lɔ ehle nɛ Kristo tɛɖuɖɔ kɔ lɔ nɛ shu? Bunuhu pɛnɔɔ, ɔdɔgɔsɛ kanɔmgɛganɛ ɔdɔgɔsɛ tɛkpɛkpatɔnɔ ɔdɔgɔsɛ bubhɛ ɔdɔgɔsɛ alagba ɔdɔgɔsɛ ɔtsrekpã ɔdɔgɔsɛ kɛpamɛ?

Romanɛ 9:6

Anɛ sɛ gɛ Kpaya kibui nɛ dɛ ba kɛlɛ mɛ. Alasɛ ganɛ banɔ nɛ petee gɛ ba mɔ denɔ Izraɛl nɛ balɛ nu Izraɛlanɛ.

2 Kɔrintioanɛ 6:10

samemamɔ mamɔ, pɔ kibenyɛbe bu mɔ same, be tsyutsyukpɛ̃, pɔ bu mɔ ehoeyi gelee, kɛdɔmaza maza anɔ ahwɛ, pɔ kɛdɔnyɛdɔ lɛ anɔ ahwɛ.

2 Kɔrintioanɛ 8:2

Nɛ tɛfifekɛdi gbɛgbla gelee mɛ, balɛ samɛ eyuku agbɛgba klɛ balɛ kitsyui tsutsɔmɔ kɛ yuku dzi ɛɛyamyuyɔ.

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

1 Tɛsolonianɛ 3:4

Nɛ kɛgba mɛ, gɛ bu za plɛnɔ nɔ, bu za kɛlɛa bha tsre nɔ sɛ ba ba kpatɔnɔ lɔ. Klɛ kɛ ba za na, ansɛ gɛ no nyi mɔmɔ.

1 Timotio 1:13

Kɛnya lɛ kɛlɛm sɛ iti dzi anɔ gɛ abhɛtɛ ebusobui di anɛ anɔ gɛ akpatɔnɔ anɔ klɛ idzi anɔ gɛ aza kanya, be di mɛ eshutukubui alasɛ ɛbhɛtɛ ebuia nɛ matimati mɛ anɛ mayɛkɛ mayɛkɛŋa.

1 Timotio 6:18

Bu otsre alɛ sɛ ba bhɛtɛ kɛdzyɔgo, tɛ kibui dzyɔgo ehoeyi aza balɛ ahwɛ, tɛ ba pɛ̃ ɛyam tɛ ba dɛmɛ akɔ kɛdɔ.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.

Tɛbubukasɛ 2:2

Inyi wɔ ebuibhɛbhɛtɛ, wɔ kɛxwɛwɛwa gɛganɛɛ anɛ wɔ kanyɛtsitsi. Inyi sɛ ɔtɛ bɔ kɔ atɔkpum gɛganɛelete nɛ amɛ, klɛ ɔtɛ feke bagɛ asɛ be nu banɔkpɛkpɛ pɔ pɛ be di nu nɛ odi, klɛ ɔtɛ mɔ sɛ be nu betroni.

Tɛbubukasɛ 2:24

Ɔtsɔ̃ nɛɛ ɛɖɔ tsre wɔnɔ banɔ gɔgɔɛ nɛ Taɛtira, kɔ wɔnɔa gɛ nɔ dɛ nyɛna yɛ kɛdɔkɛkasɛ nɛ mɛ ovunɔ klɛ nɔ kɔ kpasɛ Satana ebuikpukpu dzudzu alɛlɛ nɛ mɛ (ɛtɛa trɔ nɔ kituku bhlatɔ kanyaka):

Tɛbubukasɛ 3:9

Ɛba bhɛtɛ bagɛ nu Satana oxogokɔanɔ, gɛ be kulu shu asɛ nu Yuɖanɛ flogo pɛ be di nu, pɔ be nu betroni, ɛba bhɛtɛ balɛ le be zhiadɔ nɛ wɔ otugba klɛ be be buaɖɔ sɛ ɛpɛɛ wɔɛ bui.

Tɛbubukasɛ 7:14

Ibui lɛ nu asɛ, “Apalete, onyi.” Klɛ aɖɔ asɛ, “Banɛ balɛ nu bagɛ de ekoeyi nɛ butɔ gbla nɛ mɛ; be ti plu balɛ bawidzidze klɛ ba bhɛtɛ alɛ le fuli nɛ Obhoshieyi nɛ dzyosu mɛ.