Tɛbubukasɛ 2:5 - ONUGBÙ NYƐNYÃ VUVƆ

⁵ Baka ɔkɛlɛ gɛ ɔtɛ wɔlɛ ode! Tsyina kitem tɛ ɔbhɛtɛ ebui nɛ gɛ ɔbhɛtɛ putɔnɔ. Onu gɛ ɔdɛ tsyina kite mɛ, ɛba tɔnɔ wɔ ba klɛ ɛba nyɛna wɔ kanɛgbɛosi nɛ yɛkɔ nɛ ɔlɛ ɔzakɔ.

Tɛbubukasɛ 2:5 Iomraidhean Croise

Mateo 5:14

“Wɔnɔ nu kanɔ nɛ mɛ kanɛgbɛ. Ɔmagbla nɔɔ gɛ otsri butua bha ba tɛ ba na ɔlɛ kpu.

Mateo 5:15

Banɔ eti deke kanɛgbɛ pɛ baa yɛkɔ akpɛ kɛdɔesi. Yɛ osia bha baa yɛkɔ atrɔ, pɛ aakɔ anɔnyanɔ kifu.

Marko 12:9

“Kidee klɛ lɛ sɛ tɛ Ayalete nɛ abhɛtɛ? Aba ba ebe yi baxwɛwa lɛlɛ klɛ aba yɛkɔ buya nɛ akpɛ ahwɛ kɔ banɔ bhlatɔ.

Luka 1:17

Klɛ aba za Apalete nɛ otugba, nɛ́ Eliya ɔfufɔɛ nɛ̀ kemi, tɛ etsyina baka nɛ ɛdzyi amɛna balɛ beyi nɛ̀ ɔkɔ klɛ tɛ batɔ matamata kɔ kibuinyinyi kɔ ba dzyɔgo—tɛ ba bala banɔ tɛ ewũse alɛ kɔ Apalete.”

Luka 20:16

Aba ba klɛ abe yi bagɛ bedi buya nɛabha klɛ aba yɛkɔ buya nɛ akɔ ba bhlatɔ.” Gɛ banɔ ne nu kibui nɛ ba ɖɔsɛ, “Kɛnɛ kɛtɛ bɛ lɛ mɛ!”

Galatianɛ 5:4

Wɔnɔ bagɛ nɔ wlãkɛ sɛ tɛ nɔ dzi badzyɔgo nɛ ɔshã nɛ mɛ nɔ bhui shu obu nɛ Kristo shu, nɔ wɔlɛ okoeyi nɛ kɛdɔkukɔ shu.

Filipianɛ 2:15

sɛ tɛ kɛpɔ tɛ za tɛ wɔnɔ shu bhui, no dzi Kpaya yɛ yialɛ gɛ buzizi ma wɔnɔ shu anɛ tsutsɔmɔ nɛ tɛmumɔm gɛ dɛ na, gɛ nɔ tã nɛ balɛ shi ansɛ awɛwɛ̃ nɛ kanɔ nɛ mɛ

Hebriuanɛ 10:32

Nɔ baka ewui nɛ gɛ la ba fla gɛ nɔ yɛkɛ Kpaya yɛ bui nɛ beke, gɛ nɔ za wɔnɔ ɔzakɔ nɛ tɛwɛ̃wlãnkɛ gɛganɛ anɛ ebuiamɛ mumɔ mɛ.

2 Petro 3:17

Kɛlɛso, ɛbhɛya mumɔa, nɛ kɛbelɛlɛ nɛ gɛ nɔ tɛ ti kibuinɛ, nɔ zanawɔ̃ sɛ tɛ banɔ gɛ ba taa bhɛtɛ ɔshã abha na ba ga kitoa bha agbanɔ nɔ nɛ wɔnɔ ɔzakɔ dzyɔgo.

Yuɖa 1:24

Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—

Tɛbubukasɛ 1:20

Awɛ̃wɛ̃ tegene nɛ gɛ ɔmɔ nɛ mɛ kɛŋa ɔhwɛ nɛ mɛ anɛ sɛkadzɛdzã kanɛgbɛsi tigene anɛ kibuikpukpu kɛlɛ nu sɛ: Awɛ̃wɛ̃ tegene alɛ enu kpayaxwɛdɛ kɔ basɔlɛha tigene, klɛ sɛkadzɛdzã kanɛgbɛsi tigene nɛ ɛlɛ nu basɔlɛha tigene.

Tɛbubukasɛ 16:9

Bukpɛkpɛkpɛ tsutsɔmɔ nɛ vua lɛ klɛ ba ɖɔɛbui akpɛ Kpaya kinyi, gɛ yɛaŋa banyakpã tɛata nɛa bha, pɔ ba dɛ dɛmɛ etsyina kitem akpɛ yɛ nɛa bha.

Tɛbubukasɛ 2:16

Kɛlɛ so no tsyina kitem! Odinuana nɛɛ, eti be dze ɛba ba tɔnɔ nɔ klɛ ɛba gɔnɛ nɛ balɛ nɛ mɛ onugbu mɛ ɛhɛ.

Tɛbubukasɛ 2:19

Inyi wɔ ebui bhɛbhɛtɛ, wɔ anɔ ɖuɖɔ anɛ tɛyɛyɛkɛŋa, wɔ kɛxwɛdɛdɛ anɛ kemikpɛkpɛ, klɛ ɔtsɔ̃ ɔɔbhɛtɛ gelee ɔdɛ kɛtutɔpu nɛ gɛ ɔbhɛtɛ.

Tɛbubukasɛ 2:2

Inyi wɔ ebuibhɛbhɛtɛ, wɔ kɛxwɛwɛwa gɛganɛɛ anɛ wɔ kanyɛtsitsi. Inyi sɛ ɔtɛ bɔ kɔ atɔkpum gɛganɛelete nɛ amɛ, klɛ ɔtɛ feke bagɛ asɛ be nu banɔkpɛkpɛ pɔ pɛ be di nu nɛ odi, klɛ ɔtɛ mɔ sɛ be nu betroni.

Tɛbubukasɛ 3:19

Bagɛ balɛ bui mɛ dɛmɛ ɛkpa lɛ klɛ ɛbubɔalɛ. So yɛkɔ trɔ shu, tɛ otsyina kitem.