Tɛbubukasɛ 2:10 - ONUGBÙ NYƐNYÃ VUVƆ

¹⁰ Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 2:10 Iomraidhean Croise

Mateo 10:22

Banɔ petee ba tɛ ba dɛmɛ wɔnɔɛ bui akpɛ mɛ so, pɔ aanɔ nɛ gɛ aza mɔmɔ ɔdɔ nanɔ obekekɔ be be bu yɛ.

Mateo 10:28

No ti si fu nɛ bagɛ be be yi nɔ pɛ ba tɛ ba na kɛtɔwi nɛ buyi. Pɔ no si fu nɛ agɛ aba na wɔ ɔfufɔɛ anɛ ishuidzya nu yi nɛ fu gɛ tɛ ba ni di mɛ.

Mateo 24:13

pɔ anɔɔ nɛ gɛ aza gɛganɛɛ be be bu yɛ.

Marko 13:13

Banɔ petee baba lɔ kititi nɛ wɔnɔ shu akpɛ mɛ so, pɔ aanɔ nɛ gɛ aza mahwa-mahwa ɔyɛkɔ vɛnɔ tɛbibeke mɛ nɛ, aba mɔ tɛyɛyɛkɛ.

Marko 8:35

Alasɛ anɔnyanɔ gɛ aba pɛ sɛ tɛ ebu yɛ ɛkpã nɛ, aba lɛla ɛlɛ, pɔ anɔ nɛ gɛ aba lɛla yɛ ɛkpã nɛ akpɛ mɛ anɛ kibuidzyɔgo nɛ so ebe bui lɛ.

Luka 21:12

“Pɔ flogo gɛ anɛ nɛ petee aba ba, ba be vu nɔ klɛ ba ba yɛkɔ nɔ akpɛ ahwɛ. Ba ba yɛkɔ nɔ akɔ bebhuiklu nɛ oxogokɔvu nɛ mɛ klɛ la ba kpɛ nɔ vu, klɛ la ba gbanɛ nɔ vɛnɔ bekusi nɛ̀ ba mani nɛ ɔkɔ nɛ mɛ nyi nɛ tɔkpu.

Yohanɛsɛ 12:25

Anɔ nɛ gɛ adɛmɛnɔ nɛ yɛ kpã aba lɛla lɛ, nɛlɛmɛ agɛ adɛ pɛɛ yɛ kpã nɛ kanɔ nɛ mɛ aba bala lɛ kɔ ɛkpã mabekemabeke.

Yohanɛsɛ 13:2

Ba kɔ ɔwulagoe dɔ ŋɛŋa, klɛ ɔfufɔɛzizi nɛ tɛ tsoku Yuɖa Iskarɔtɛ, Simɔn yɛ yi nɛ mɛ sɛ tɛ akpɛ Yesu ahwɛ.

Yohanɛsɛ 13:27

Yuɖasɛ gbɛ̃gbɛvu nɛ tɛyɛyɛkɛ ko, Satana etsoku yɛ mɛ. Yesu etsre yɛ asɛ, “Kɛdɔnɔ gɛ ɔpɛɛ sɛ tɛ ɔbhɛtɛ, bhɛtɛ zia, ”

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Axwɛwɛwa 21:13

Ɔkɛlɛ Paolo ebu klɛ nu asɛ, “Kide so pɛ no bi klɛ nɔ yɛɛ mɛ idzyi kana? Ganɛ tɛnyɛnya tite ko mɛ ɛlɛ kɔ, pɔ ɛlɛ kɔ tɛtsitsi nɛ Yerusalɛm tsyɛ ɔkpɛ Apalete Yesu kinyi nɛ so.”

1 Kɔrintioanɛ 9:25

Anɔnyanɔ gɛ awlãkɛu nɛ buwɔfu nɛ mɛ etsoku tɛkpɛkpasɛ gɛganɛ mɛ. Ba bhɛtɛ lɛ asɛ tɛ ba yɛkɛ kabhaŋɛŋa kɛkutu gɛ kɛ tɛ baza gelee, pɔ bulɔ bubhɛtɛ sɛ tɛ bu yɛkɛ kabhaŋɛŋa kɛkutu gɛ kɛbaza ɔvɛnɔ mabekɛ mɛ.

Efesoanɛ 2:2

nɛ gɛ nɔ za kanɔ mɛ ebui nɛede klɛ agɛ aŋa bukusi nɛ kɛlɛmɛ, ɔfufɔɛ nɛ gɛ lɔ waɛxwɛ ɔtsɔ̃nɛ nɛ́ bagɛ ba ta ta tɔ nɛ mɛ.

Efesoanɛ 6:12

Alasɛ bulɔ tɛwuwlãkɛ nɛ ma ishuidzya anɛ dzyosu shu, pɔ bagɛ ba ŋɛabha, ɛshã, kanɔa nɛ mɛ otumu mɛ kemi anɛ ɛfufɔɛ tsutsɔmɔ bugɛganɛ nɛ owũsise kɛdɔ nɛ mɛ be.

Yakobo 1:12

Ba yula anɔ nɛ gɛ akpɛemi nɛ yɛ tɛfifekedi mɛ, alasɛ onu gɛ ana kɛlɛ nu za nɛɛ, aba yɛkɛ ɛkpã kikutu nɛ gɛ Kpaya aɖɔ asɛ aba kɔ bagɛ ba ɖɔ yɛ.

1 Petro 5:4

Klɛ kibenɔ gɛ Agbɛgbanɔ Ekusi ebe koɛyi, nɔ bɔ yɛ kɛ kabhaŋɛŋa kikutu gɛ kɛtɛ ba klo.

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

Tɛbubukasɛ 13:14

Alasɛ kɛdɔmumɔ nɛ gɛ ba kɔ yɛ kemi sɛ tɛ abhɛtɛ nɛ agavuga tutɔpu nɛ nu so, awɛɛ banɔ nɛ ga lɛ kesukpa nɛa bha. Akɔ sɛ ba bhɛtɛ kɛdɔ bhubhɔ tɛ ba yɛkɔ akpɛ agavuga nɛ gɛ ba kpɛ kɛpɔ nɛ ɛhɛɛ tsyɛ pɛ aza nɛ ɛkpã.

Tɛbubukasɛ 13:2

Agavuga nɛ gɛ ɛmɔ nɛ eyi ashuiɛ, pɔ ɛtsrɛ nɛ dzi ansɛ agudui yɛ klɛ onugbu ansɛ adzyata ɔyɛ. Eblidzyagbla nɛ akɔ agavuga nɛ yɛ kemi anɛ yɛ ekusiegbu anɛ kabhaŋɛŋa gbɛgbla.

Tɛbubukasɛ 13:7

Ba kɔ yɛ kemi sɛ tɛ ata keyu nɛ banɔnɛna tɛ aŋa balɛa bha. Klɛ ba kɔ yɛ kabhaŋɛŋa nɛ kɛmadi, banɔ, bunuhu anɛ amadigbla nɛ peteea bha.

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.

Tɛbubukasɛ 2:9

Inyi ebui nɛ gɛ atrɔ wɔabha anɛ wɔ kitsyui—pɔ ehoeyi alɛ wɔahwɛ! Inyi bagɛ asɛ enu Yuɖanɛ flogo pɛ bedi nu, pɔ be nu Satana oxogokɔvu.