Tɛbubukasɛ 19:10 - ONUGBÙ NYƐNYÃ VUVƆ

¹⁰ Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Tɛbubukasɛ 19:10 Iomraidhean Croise

Mateo 4:10

Yesu etsre yɛ asɛ, “Tsuɔvɛ nɛ mɛ ɔbha, Satana! Alasɛ kɛ ŋlɔmɛ li sɛ, ‘Kpɛ kɛtɔkpuesi kɔ Apalete wɔ Kpaya, tɛ ɔdɛ yɛ tite koe xwɛ.’ ”

Marko 5:22

Ɔkɛlɛ anɔgbla teli gɛ eedi oxogokɔ nɛa bha gɛ bee klu asɛ Yairusɛ, nɛ aba ɔkɛlɛ. Gɛ amɔ Yesu, ezhiadɔ nɛ yɛ otugba

Marko 7:25

Nɛ kɛgbɛagba mɛ, adzɛ teli gɛ ɛfufɔɛkpã tsri yɛ eyia bha, gɛ enye nu yɛ kɛdɔ ko klɛ ebe zhiadɔ nɛ yɛ etem.

Luka 1:19

Axwɛdɛ ebushunu asɛ, “Mɛ nu Gabrɛlɛ. ɛlɔ kititi nɛ Kpaya kinyi mɛ, klɛ akpɛ mɛ asɛ ɛba ɖɔaɖɔ kɔ wɔ klɛ tɛ ɛtsre wɔ ebui dzyɔgoa nɛ.

Luka 24:44

Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

Yohanɛsɛ 5:39

Nɔ kpasɛ kpayaplukpa mɛ ebui mɔmɔ alasɛ nɔ yɛ kɔ sɛ ɛlɛmɛ nɔ bɔ ga gɛ nɔ bɔ mɔ ɛkpã mabekemabeke. Kpayaplukpa mɛ ebui alɛ aɖɔaɖɔ denɔ mɛ shu,

Axwɛwɛwa 10:43

Batɔnu nɛ petee aɖɔ edenɔ yɛ shu sɛ anɔnyanɔ gɛ anya yɛkɛ yɛa bha aŋa ko amɔ buzizi tɛyɛyɛkɔ tsye ganɔ yɛ kinyim.”

Axwɛwɛwa 13:27

Yerusalɛmanɛ anɛ balɛ bekusi na dɛ mɔ Yesu edzyesi, pɔ nɛ kibe lɛ gɛ bee bu yɛ atɛ̃ɛ nɛɛ, baa bhɛtɛ atrɔ ebui nɛ gɛ batɔnu na ɖɔ pɛ baa kla kibenyɛbe nɛ Kimuenewi nɛa bha.

2 Kɔrintioanɛ 8:7

Pɔ anasɛ gɛ buna nɛ kɛkanyaka mɛ—nɛ tɛyɛyɛkɛŋa mɛ, nɛ kaɖɔɖuɖɔ mɛ, nɛ kibuititi mɛ, nɛ kemi gbɛagba kpɛkpɛmɛ anɛ̀ wunɔ tɛdɛdɛmɛ nɛ lɔ—nɔ di sɛ wunɔnɔ tsyɛ nɔ na nɛ kɛdɔkukɔɛ nɛ mɛ kɔ kɛkukɔ.

Efesoanɛ 5:15

Di wɔshu abha mɔmɔ, ɔkɛlɛ, kana gɛ ɔlɛ nɛ ɛkpã—ganɛ ansɛ agɛ etetii pɔ anasɛ agɛ etii,

Efesoanɛ 5:33

Nɛ kɛlɛmɛ, wɔnɔ anɔnyanɔ tsyɛ alasɛ tɛ adɛmɛ yɛedzini bui anasɛ gɛ adɛmɛ yɛnahwɛ shui bui, klɛ alasɛ yedzini ezhinɔ shu kɔ ye nyine.

Filipianɛ 3:3

Alasɛ bulɔ nu bunyɛnyɛ bhubhui, bulɔ gɛ nu bunyɛnyɛ bhubhui, bulɔ bagɛ kpɛtɔkpuesi kɔ Kpaya Ɔfufɔɛ, gɛ bu kpasɛ Kristo Yesu ishubhubhui nɛ mɛ, klɛ bulɔ idzyigɛganɛ ama ishuidzya nɛ mɛ—

1 Tɛsolonianɛ 5:15

No di kɛlɛ ɔkɔ sɛ anɔnyanɔ adɛ buya butsutsɔmɔ kɛbhɛ akɔ butsutsɔmɔ, pɔ nɔ yɛkɔ ɔtrɔ shu tɛ nɔ pɛ̃ ɛyam nɛ ɔhaglɔ anɛ anɔnyanɔɛ di.

Hebriuanɛ 1:14

Kpayaxwɛdɛ ganɛ bukpɛ la kpɛ alɛ sɛ tɛ ba dɛ axwɛ nɛ ɔfufɔɛ kɔ bagɛ ba ba mɔ tɛyɛyɛkɛ kɔ?

Hebriuanɛ 12:25

Nɔ di lɛ ɔkɔ sɛ nɔ tɛshɛnahwɛ agɛ aɖɔaɖɔ nɛ shu. Onugɛ be di si ashɛ̃ nɛ kɛbelɛlɛ gɛ be gbe anɔ nɛ gɛ etsrenɛ alɛ nɛ kesukpa nɛabha, kɛlɛ bu ba zhiesi, onugɛ bulɔ tsyɛ bu shɛ̃ lɔ anɔ nɛ gɛ etsrenɔ lɔ denɔ owũsise?

1 Yohanɛsɛ 5:10

Anɔnyanɔ gɛ ayɛkɛ Kpaya yɛ Yi nɛabhaŋa ayɛkɛ yɛ kaɖɔɖuɖɔ nɛ yɛ idzyi mɛ. Anɔnyanɔ gɛ adɛ yɛkɛ Kpaya bhaŋa ebu eyinɔ asɛ Kpaya enu otro elete, alasɛ adɛ yɛkɛ Kpaya kɛbui ɖɛɖɔ nɛabhaŋa gɛ aɖɔ denɔ ye Yi shu.

1 Yohanɛsɛ 5:21

Banuvɔ mumɔa, no bu wɔnɔ shu denɔ bakpaya bhubhɔ mɛ.

Tɛbubukasɛ 1:1

Yesu Kristo tɛbubukasɛ gɛ, Kpaya akɔ yɛ sɛ tɛ ayɛkɔ kasɛ yɛ baxwɛdɛ kɛgɛ baa ba kɛlɛ mɛ nɛ kibe kplitaa mɛ. Akɔ le ti lɛ ganɔ yɛ kpayaxwɛdɛ nɛ tɛkpɛkpɛ sɛsɛ yɛ axwɛdɛ Yohanɛsɛ,

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Tɛbubukasɛ 12:17

Ɔkɛlɛ eblidzyagbla nɛ amɔ obulo nɛ adzɛ klɛ ashɛ avɛ asɛ tɛ ada ta keyu anɛ yeyialɛ gɔgɔɛ—bagɛ bata batɔ nɛ Kpaya ɛshã klɛ la nyɛna yɛ Yesu kibuimumɔɖɔ nɛ mɛ evunɔ.

Tɛbubukasɛ 14:7

Aɖɔaɖɔ nɛ oli mɛ gɛganɛɛa sɛ, “Si Kpaya tɛ ɔkɔ yɛ kabhakpɛkpɛ, alasɛ yɛ kebhuikuklu ɔɖɔ nɛ mɛ ɔba. Kpɛtɔkpuesi ɔkɔ yɛ gɛ abhɛtɛ owũsise, kesukpa, aƒu anɛ beni nɛ gɛ ba ta de tisi mɛ.”

Tɛbubukasɛ 15:4

Ane gɛ eti be si wɔɛ fu, O Apalete, pɛ ata mɛna wɔɛ nyi nɛ kabhakpɛkpɛ? Alasɛ wɔ tite ko shu ɛlɛ bhui. Amadi nɛ petee aba ba klɛ la ba kpɛ kɛtɔkpuesi nɛ wɔa mɛ, alasɛ wɔ tɛnɛnamɛzɛza ebui bhɛbhɛtɛ nɛ eti bu akasɛ.”

Tɛbubukasɛ 19:9

Ɔkɛlɛ kpayaxwɛdɛ nɛ etsrem asɛ, “Ŋlɔmɛ: ‘Bayula bagɛ balɛ be kulu akɔ Obhoshieyi nɛ adzɛ gbɛgbanɔ owulagoe dɔ ŋɛŋa!’ ” Klɛ aza yɛkɔ ata sɛ, “Anɛ nɛ alɛ nu Kpaya ebuiɖuɖɔ nɛ gɛ enu kɛgba.”

Tɛbubukasɛ 4:10

banɔ shishe afɛtabha anɛ tɛalɛ̃ nɛ awɔlɛ adɔ nɛ yɛamɛ gɛ edzi bukusiegbu nɛa bha, klɛ ba kpɛ kɛtɔkpuesi kɔ agɛ alɛ mabeke mabeke. Ba yɛkɔ balɛ bukusiekutu nɛ elu bukusiegbu nɛ amɛ klɛ la ɖɔ sɛ: