Tɛbubukasɛ 18:2 - ONUGBÙ NYƐNYÃ VUVƆ

² Akpɛ ogugu nɛ olim gbɛgbla toli asɛ: “Babilɔnɛ Gbɛgbla Awɔlɛ! Awɔlɛ! Edzi Satana yɛeyialɛ ɔzakɔ klɛ ɔfufɔɛkpã kanyaka ɔpɛa nɔ nɛ ɔklɛ, ba pɛɛ kazhuɛ kanyaka gɛ kalɛ shu edi bhui klɛ kalɛ bui ma anɔ li nɛ ɔkɛlɛ.

Tɛbubukasɛ 18:2 Iomraidhean Croise

Tɛbubukasɛ 1:15

Yɛ butsrukpɔ nɛ dzi ansɛ ayawa gɛ atã nɛ kifuowule mɛ, klɛ yɛ oli nɛ mɛ ɔtɔkɔ ansɛ beni gɛ ba kpɛ.

Tɛbubukasɛ 10:3

klɛ alɛɛ gɛganɛɛ ansɛ adzyata. Gɛ akpɛ ogugu nɛɛ, subhalɛlɛ tiegene nɛ ili nɛ mɛ ɖɔaɖɔ.

Tɛbubukasɛ 11:8

Balɛ ishuidzya tsitsi nɛ ba wɔ ɔmagbla nɛ edzo nɛa bha, gɛ be kulu nɛ kɛkpalɛ mɛ asɛ Soɖomu anɛ Egibite, nɛ ɔklɛ tsyɛ gɛ ba kpla Apalete nɛ asɔ.

Tɛbubukasɛ 14:15

Ɔkɛlɛ kpayaxwɛdɛ bhlatɔ ede busɔlɛvu nɛ mɛ ekoeyi klɛ ekulu nɛ olim gɛganɛɛ asɛsɛ agɛ ezhiedzi ɔmunɔ nɛa bha sɛ, “Yɛkɔ wɔ ɔsɔsɔ tɛ ɔgɔɛdɔ, alasɛ kɛdɔɛ gɔ be na, alasɛ kesukpa nɛa bha kɛdɔbubu nɛ kɛdzã.”

Tɛbubukasɛ 14:8

Kpayaxwɛdɛ bhla tsyɛ aba klɛ aɖɔ sɛ, “Babilɔnɛgbla Awɔlɛ! Awɔlɛ! Agɛ abhɛtɛ amadi nɛ petee la wɛ̃ adzɛ nɛ azhuzhɔlɛbui aputɔ bulu.”

Tɛbubukasɛ 16:13

Ɔkɛlɛ mɛ ɛmɔ ɛfufɔɛ kpã tɛta gɛ dzi ansɛ agbɔkɔ; le koeyi edenɔ eblidzyagbla nɛ onugbu mɛ, agavuga nɛ onugbu mɛ anɛ otro atɔnu nɛ onugbu mɛ.

Tɛbubukasɛ 16:19

Ɔmagbla ɔma kpɛ bupɛ tɔta, klɛ amadi anɛ ɛmagbla nɛ ɛyɛɛ. Kpaya abaka Babilonia Gbla nɛ bui klɛ akɔ yɛ ɔɖɛantse gɛ keyuu nɛ obulo kanya lu.

Tɛbubukasɛ 17:18

Adzɛ nɛ gɛ ɔmɔ nɛ yɛ enu ɔma gblagbla nɛ gɛ ɔŋa kesukpa nɛ bekusi nɛa bha.”

Tɛbubukasɛ 17:5

Ba ŋlɔmɛ kinyi nɛ atrɔ yɛ ketukpo na sɛ: KIBUIKPUKPU BABILONIA GBLA BADZƐZHUZHƆLƐ ENI ANƐ KESUKPƐABHA EBUSOBUI

Tɛbubukasɛ 18:10

Kifu zizi ba kua lɛ nɛ yɛ tɛnyɛnyagbã nɔ nɛ shu, so ba ba za ɔdzɔge klɛ le be bi iyuyo sɛ: “ ‘Butɔ! Butɔ, O ɔmagbla, O Babilɔnɛ, kemi ɔmagbla! Nɛ ɔɖɔ torikpo mɛ wɔ tɛbibeke tɛ ba!’

Tɛbubukasɛ 18:21

Ɔkɛlɛ kpayaxwɛdɛ gbla teli efeke kɛklãgbu gɛ kɛlɛ tɛtitrim ba za ansɛ buhɔgbla klɛ ayɛkɔ atɛ̃a kpɛ aƒu nɛ mɛ, klɛ aɖɔ asɛ: “Nɛ bugbudu gbudu nɛ di mɛ Babilɔnɛ ɔmagbla be be hu ɔlɛe si, gɛ ba tɛa fla mɔ ɔlɛ edi.

Tɛbubukasɛ 5:2

Klɛ mɛ mɔ kpayaxwɛdɛ gbɛgbla teli gɛ ebu aɖɔ nɛ oli mɛ gɛganɛɛa sɛ, “Ane gɛ ana kɔ adɛda nɛ tɛdɛdanɛ klɛ aba danɛ kazaplukpa?”