Tɛbubukasɛ 16:1 - ONUGBÙ NYƐNYÃ VUVƆ

¹ Ɔkɛlɛ mɛ nu olim gɛganɛɛ toli denɔ busɔlɛvu nɛ mɛ gɛ ɔɖɔ tsre kpayaxwɛdɛ tiegene nɛ ɔsɛ, “Vɛ, tɛ ɔdɔ yɛkɔ Kpaya obulo sugba tugene nɛ ɔbalɛ lu kesukpa nɛa bha.”

Tɛbubukasɛ 16:1 Iomraidhean Croise

Tɛbubukasɛ 11:19

Ɔkɛlɛ Kpaya busɔlɛvu nɛ owũsise nɛ danɛ, klɛ nɛ yɛ busɔlɛvu nɛ mɛ ba mɔ yɛ onugbunyɛnya osiakputɔ. Klɛ kifu ɛmɔɛ ba, ilimgugu, subhalɛlɛ aklãgbu, kesukpa huhwa anɛ amuklãgbuilɛ gbɛgbla.

Tɛbubukasɛ 14:15

Ɔkɛlɛ kpayaxwɛdɛ bhlatɔ ede busɔlɛvu nɛ mɛ ekoeyi klɛ ekulu nɛ olim gɛganɛɛ asɛsɛ agɛ ezhiedzi ɔmunɔ nɛa bha sɛ, “Yɛkɔ wɔ ɔsɔsɔ tɛ ɔgɔɛdɔ, alasɛ kɛdɔɛ gɔ be na, alasɛ kesukpa nɛa bha kɛdɔbubu nɛ kɛdzã.”

Tɛbubukasɛ 14:18

Ki tsri lɛa bha na kpayaxwɛdɛ bhlatɔ, gɛ edi kifua bha, ekoeyi denɔ busɔlɛvu mɛ kɛdɔpɔɛkɔ klɛ ekulu nɛ olim gɛganɛɛ agɛ yɛ evunɔ ɔsɔsɔ shɛshɛ nɛ asɛ, “Yɛkɔ wɔ ɔsɔsɔ shɛshɛ tɛ ɔyɛkɔ pɔ wayɛ̃ eyuyu nɛ kesukpa nɛa bha, alasɛ kalɛa bha eyuyu nɛ petee adzã.”

Tɛbubukasɛ 15:1

Ɛzɛ mɔ nɛ owũsise kɛdɔmumɔ gbɛgbla gɛ bhɛtɛ bi tili: kpayaxwɛdɛ tiegene gɛ be vunɔ banya tiegene gɔgɔɛ— be nu bagɔgɔɛ alasɛ ba lɛ plɛnɔ pɛ Kpaya obulo gɛganɛ nɛ ɔna.

Tɛbubukasɛ 16:17

Kpayaxwɛdɛ gigenemi nɛ ebu yɛ kesugba nɛ abalɛ akpɛ kɛlɛɛ mɛ, klɛ nɛ busɔlɛvu nɛ mɛ olim gɛganɛɛ toli oyi denɔ bukusiegbu nɛ ɔkɔ, lɔɔ ɖɔ sɛ, “Kɛ bhɛtɛ beke!”