Tɛbubukasɛ 15:2 - ONUGBÙ NYƐNYÃ VUVƆ

² Klɛ mɛ mɔ kɛdɔ nɛ gɛ dzi ansɛ azhuzhuɔɛ aƒu gɛ abhɛsa nɛ kifu klɛ, ba gɛ li kititi nɛ aƒu nɛ shu, balɛ aŋa agavuga anɛ yɛ abhubhɔ anɛ yɛ kinyi tikpikpe mɛ telia bha. Be vunɔ ba sãgu gɛ Kpaya akɔa lɛ

Tɛbubukasɛ 15:2 Iomraidhean Croise

Mateo 3:11

“Ɛɛkpɛuni kɔ wɔnɔ nɛ buni kɔ kite mɛ tsyitsyina. Pɔ mɛede anɔ nɛ gɛ alɛ kemi adɛ mɛ aba ba, yɛ butsrukpɔaklɔ tsyɛ ɛdɛ na gɛ ɛba vunɔ. Yɛ aba kpɛuni kɔ nɔ nɛ Ɔfufɔɛ Dzyɔgo anɛ kifu.

1 Petro 1:7

Anɛ na ba sɛ tɛ wũnɔ tɛyɛyɛkɛŋa—kɛŋaɛdzi gbɛgbladɛ kɔba dzɛdzã, gɛ etsi nɛlɛmɛ sɛ ba yɛ kɔ kifu eŋuse lɛ nɔ—gɛ kɛbakasɛ sɛ kɛnu kɛdzyɔgo klɛ kɛbakɔ tɛkpɛkpɛabha, samɛ kpɛkpɛ anɛ tɛfifeke kabhakpɛkpɛ kɛbelɛlɛ gɛ Yesu Kristo aba ba.

1 Petro 4:12

Ɛbhɛa mumɔa, kɛtɛ bhɛtɛ nɔɛ bi, butɔ kɛtɛkɛtɛ nɛ mɛ gɛ nɔɔ ga, anasɛ efui bui tili kɛlɛ bhɛtɛ nɔ.

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Tɛbubukasɛ 13:1

Klɛ eblidzyagbla nɛ alɔɛ titi nɛ axui nutɔ. Klɛ mɛ ɛmɔ agavuga teli gɛ ede aƒu nɛ mɛ ekoeyi. Ashã lɔfɔ nɛ atɔkpu tegene ala lɛ yɛ, anɛ bukusiekutu lɔfɔ nɛ yɛ ashã nɛa bha, klɛ nɛ kɛtɔkpu kanykɛa bha kibusobuinyi tsri.

Tɛbubukasɛ 13:14

Alasɛ kɛdɔmumɔ nɛ gɛ ba kɔ yɛ kemi sɛ tɛ abhɛtɛ nɛ agavuga tutɔpu nɛ nu so, awɛɛ banɔ nɛ ga lɛ kesukpa nɛa bha. Akɔ sɛ ba bhɛtɛ kɛdɔ bhubhɔ tɛ ba yɛkɔ akpɛ agavuga nɛ gɛ ba kpɛ kɛpɔ nɛ ɛhɛɛ tsyɛ pɛ aza nɛ ɛkpã.

Tɛbubukasɛ 13:17

sɛ tɛ anɔnyanɔ eti dzi kɛdɔ ɔdɔgɔsɛ adɛ kɛdɔ gɛ odi nu sɛ kibi lɛ yɛ shu, gɛ kɛ nu agavuga nɛ kinyi ɔdɔgɔsɛ yɛ nyi nɛ kɛdɔkɛkla mɛ.

Tɛbubukasɛ 21:18

Ba bhɛtɛ kidri nɛ aklãgbu gɛ aŋa kedzi, klɛ ba yɛkɔ sɛkadzɛdzã abhɔ ɔmagbla nɛ nɔ, gɛ lobhui ansɛ azhuzhuɔɛ.

Tɛbubukasɛ 4:6

Ɔyɛkɔ plɛnɔ nɛ bukusiegbu nɛ shu kɛdɔ tili li gɛ kɛ wɛ̃ ansɛ aƒu azhuzhɔɛ, yɛmɛ ebhui ansɛ butsyeitsyei. Nɛ kishitɛbha, nɛ bukusiegbu nɛ shu, kɛdɔbhɛbhɛtɛ lulu tɛlɛ̃ kana kalɛ atsya, klɛ ba yɛkɔ awɔ̃hũ ada kɔa lɛ, nɛ otugba anɛ kide.

Tɛbubukasɛ 5:8

Klɛ gɛ ayɛkɛa lɛ beke, kɛdɔbhɛbhɛtɛ lulu tɛlɛ̃ anɛ banɔshishe afɛtabha anɛ tɛalɛ̃ nɛ bezhiakpla nɛ obhoshieyi nɛ ete mɛ. Akanyaka evunɔ ohui sangu klɛ be vunɔ sɛkadzɛdzã busugba gɛ buyuku nɛ kedɔhuhu, gɛ kɛ nu kpayanɔ nɛ kpayakuklu.