Tɛbubukasɛ 13:8 - ONUGBÙ NYƐNYÃ VUVƆ

⁸ Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Tɛbubukasɛ 13:8 Iomraidhean Croise

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Luka 10:20

Pɔ, nɔ tɛ mɔ same sɛ ɛfufɔɛ nɛ kɔ nɔɛ tɔkpu, pɔ nɔ mɔ same sɛ ba ŋlɔmmɛ wunɔ enyi nɛ owũsise.”

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Efesoanɛ 1:4

Alasɛ eklu lɔ nɛ yɛ mɛ flogo gɛ babhɛtɛ kanɔ sɛ tɛ bulɔ shu bhui klɛ tɛ buzizi tɛza lɔ shu nɛ yɛ amɛ. Nɛ tɛdɛdɛmɛ mɛ

Filipianɛ 4:3

Ee, klɛ ibisi wɔ, mɛ abhla mumɔa, plɛnɔ badzɛ nɛ gɛ ba wa xwɛ nɛ́ mɛ kɔ kibui dzyɔgo tɛ ɖɛɖɔ, nɛ Klɛmɛt anɛ mɛ baxwɛwa gugɔɛ, gɛ balɛ enyi akpasɛ ɛkpãe plukpa nɛ mɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Tɛbubukasɛ 12:15

Ɔkɛlɛ ebe epi buni ansɛ keni, edenɔ yɛ onugbu mɛ, sɛ tɛ adɔ adzɛ nɛ afla tɛ ayɛkɔ agba yɛ anɛ buni nɛ ashɛnɔ.

Tɛbubukasɛ 13:12

Awa kabhaŋɛŋa nɛ gɛ kenu agavuga tutɔpu nɛa yɛ nɛ shu xwɛ nɛ yɛ nu, klɛ abhɛtɛ kesukpa anɛ bagɛ akpasɛa lɛ mɛ nɛ la kpɛ kɛtɔkpuesi kɔ agavuga tutɔpu, gɛ yɛ kɛpɔgbla nɛ tɛ bele.

Tɛbubukasɛ 17:8

Agavuga nɛ gɛ ɔmɔ, atɛ za di, ɔtsɔ̃ ama, klɛ ebe de Ogloboglobokɔ ekoeyi klɛ aba vɛ kɔ le zi. Kesukpa nɛabha banɔ gɛ balɛ enyi la dɛ ŋlɔmɛ akpɛ ɛkpãeplukpa nɛ mɛ denɔ kanɔ nɛ tɛbhɛbhɛtɛ be, kɛ ba bhɛtɛ alɛ bi onu gɛ bamɔ agavuga, alasɛ atɛ za edi, ɔtsɔ̃ ama, klɛ otsi aba ba.

Tɛbubukasɛ 21:27

Kɛdɔnyɛdɔ gɛ dɔɛbo nɛ tɛ ba tsoku ɔlɛm di, ɔdɔgɔsɛ anɔnyanɔ gɛ abhɛtɛ awɛ̃ɛbui pɛ awɛanɔ, pɔ bagɛ balɛ enyi la ŋlɔmɛ akpɛ Obhoshieyi nɛ ɛkpãeplukpa nɛm ko.

Tɛbubukasɛ 3:10

Nɛ kibe lɛ gɛ ɔtɛ nyɛna mɛ tɛtutrɔ nɛ mɛ ovunɔ kɛdzyɛɛ so, mɛ tsyɛ ɛba nyɛna wɔ shɛnɔ nɛ ɔɖa nɛ mɛ gɛ ɔbɔ ba kɔ kebhui kuklu nɛ kanɔ nɛ petee tɛ ba yɛkɔ efeke bagɛ balɛ kesukpa nɛa bha nɛ edi.

Tɛbubukasɛ 3:20

Ɔkɛ̃ nɛ mɛ li! Ili kititi nɛ kedunu klɛ mɛ huahwɛ opupu. Onu gɛ anɔ teli enu mɛ oli mɛ pɛ adanɛ opupu nɛɛ, ɛba tsoku klɛ ɛba ŋa kɛdɔ nɛ yɛ, klɛ yɛ tsyɛ aba ŋa nɛ mɛ.

Tɛbubukasɛ 3:5

Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.

Tɛbubukasɛ 5:12

Nɛ ili mɛ gɛganɛɛ klɛ la zha ɛdzɛ asɛ: “Obhoshieyi nɛ gɛ beyi, kedziŋɛŋa lɛ ɔlɛ, sɛ tɛ lɔ yɛkɛ kemi anɛ kɛnɔmdɔ anɛ kibuinyinyi anɛ bugɛganɛ anɛ anɔdidi anɛ ishubhubhui anɛ kabhakpɛkpɛ!”

Tɛbubukasɛ 5:13

Ɔkɛlɛ mɛ inu kɛdɔbhɛbhɛtɛ nɛ owũsise anɛ kesukpa nɛa bha anɛ kalɛesi anɛ aƒu nɛa bha, anɛ kedɔnyɛdɔ petee gɛ kpasɛ kɛlɛ mɛ, nɛ lɛ zha ɛdzɛ sɛ: “Kɔ agɛ yɛ edzi kekusigbu nɛa bha anɛ kɔ Obhoshieyi ba kpɛ kɛlɛ nɛa bha anɛ tɛdidi anɛ ishubhubhui anɛ kemi, ɔyɛkɔ vɛnɔ mabeke mabeke mɛ!”

Tɛbubukasɛ 6:1

Idi flogo pɛ Obhoshieyi nɛ ɔdanɛ badɛda tiegene anɛ atutɔpu. Ɔkɛlɛ mɛ nu kɛdɔbhɛbhɛtɛ lulu tɛlɛ̃ nɛɔmayɛ terikpoe dɔ nɛ oli mɛ ansɛ subhalɛlɛ sɛ, “Ba!”