Tɛbubukasɛ 13:1 - ONUGBÙ NYƐNYÃ VUVƆ

¹ Klɛ eblidzyagbla nɛ alɔɛ titi nɛ axui nutɔ. Klɛ mɛ ɛmɔ agavuga teli gɛ ede aƒu nɛ mɛ ekoeyi. Ashã lɔfɔ nɛ atɔkpu tegene ala lɛ yɛ, anɛ bukusiekutu lɔfɔ nɛ yɛ ashã nɛa bha, klɛ nɛ kɛtɔkpu kanykɛa bha kibusobuinyi tsri.

Tɛbubukasɛ 13:1 Iomraidhean Croise

Tɛbubukasɛ 11:7

Ɔtsɔ̃ kibe lɛ gɛ ba bhɛtɛ balɛ ebuimumɔɖɔ nɛ beke, agavuga nɛ gɛ ebe de koeyi nɛ Ozidzudzu nɛ mɛ aba dɔa lɛa bha, klɛ aba ŋalɛabha klɛ ebe yia lɛ.

Tɛbubukasɛ 12:3

Ɔkɛlɛ kɛdɔmumɔ bhlatɔ zɛ wɛ̃ nɛ owũsise: eblidzyagbla dzɛdzã teli nɛ atɔkpu tegene anɛ ashã lɔfɔ anɛ bukusiekutu tegene etsri yɛ ada mɛ.

Tɛbubukasɛ 13:11

Ɔkɛlɛ mɛ ɛmɔ agavuga bhlatɔ, gɛ ekoeyi denɔ kesukpa nɛ mɛ. Ashã tabha alɛ yɛ ansɛ obhoshieyi, pɔ aɖɔ kaɖɔ ansɛ eblidzyagbla.

Tɛbubukasɛ 13:14

Alasɛ kɛdɔmumɔ nɛ gɛ ba kɔ yɛ kemi sɛ tɛ abhɛtɛ nɛ agavuga tutɔpu nɛ nu so, awɛɛ banɔ nɛ ga lɛ kesukpa nɛa bha. Akɔ sɛ ba bhɛtɛ kɛdɔ bhubhɔ tɛ ba yɛkɔ akpɛ agavuga nɛ gɛ ba kpɛ kɛpɔ nɛ ɛhɛɛ tsyɛ pɛ aza nɛ ɛkpã.

Tɛbubukasɛ 13:15

Ba kɔ yɛ kemi sɛ tɛ afɔɛ kpɛ kɛdɔbhubhɔ nɛ mɛ, sɛ tɛ ana kaɖɔ ɖɔ, tɛ akɔ sɛ banɔ nɛ petee gɛ ba dɛ dɛmɛ asɛ tɛ ba kpɛ kɛtɔkpuesi akɔ kɛdɔbhubhɔ, tɛ be yi alɛ.

Tɛbubukasɛ 15:2

Klɛ mɛ mɔ kɛdɔ nɛ gɛ dzi ansɛ azhuzhuɔɛ aƒu gɛ abhɛsa nɛ kifu klɛ, ba gɛ li kititi nɛ aƒu nɛ shu, balɛ aŋa agavuga anɛ yɛ abhubhɔ anɛ yɛ kinyi tikpikpe mɛ telia bha. Be vunɔ ba sãgu gɛ Kpaya akɔa lɛ

Tɛbubukasɛ 16:13

Ɔkɛlɛ mɛ ɛmɔ ɛfufɔɛ kpã tɛta gɛ dzi ansɛ agbɔkɔ; le koeyi edenɔ eblidzyagbla nɛ onugbu mɛ, agavuga nɛ onugbu mɛ anɛ otro atɔnu nɛ onugbu mɛ.

Tɛbubukasɛ 17:16

Agavuga nɛ ashã lɔfɔ nɛ gɛ ɔmɔ na tɛ ba pɛɛ adzɛzhuzhɔlɛ nɛ bui. Ba ba mɛna yɛ ebe zi klɛ la ba shɛnahwɛ yɛ shu kɛdɔ manyumu manyumu; ba ba tã yɛ dzya klɛ la ba puɔɛ yɛ nɛ kifu.

Tɛbubukasɛ 17:3

Ɔkɛlɛ kpayaxwɛdɛ nɛ efeke mɛ nɛ Ɔfufɔɛ mɛ avɛnɔ ayakpam. Ɛkɛlɛ mɛ mɔ adzɛ teli gɛ ezhiedzi agavuga anhũmdzɛdzã abha gɛ ebusobui enyi ada yɛ atsya klɛ atɔkpu tegene anɛ ashã lɔfɔ alɛ yɛ.

Tɛbubukasɛ 17:5

Ba ŋlɔmɛ kinyi nɛ atrɔ yɛ ketukpo na sɛ: KIBUIKPUKPU BABILONIA GBLA BADZƐZHUZHƆLƐ ENI ANƐ KESUKPƐABHA EBUSOBUI

Tɛbubukasɛ 19:19

Ɔkɛlɛ mɛ mɔ agavuga anɛ kesukpa bha bekusi anɛ balɛ behudugbani gɛ be xogo sɛ tɛ ba ta keyu nɛ agɛ etsri sɔ nɛa bha anɛ yɛ behudugbani.