Tɛbubukasɛ 12:4 - ONUGBÙ NYƐNYÃ VUVƆ

⁴ Yɛ otse nɛ ɔgba awɛ̃wɛ̃ nɛ owũsise kapɛ zɛzɛ nɛ bupɛ tɔtam klɛ awãnya alɛ atrɔ kesukpa nɛabha. Eblidzyagbla nɛ eli titi nɛ adzɛ nɛ gɛ yɛ kɛmɔ na nɛ otugba, sɛ tɛ ebe vu eyi nɛ atã kibelɛ gɛ anya mɔ yɛ ko.

Tɛbubukasɛ 12:4 Iomraidhean Croise

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

Tɛbubukasɛ 12:7

Klɛ keyu akpa nɛ owũsise. Maɛkɛl anɛ yɛ kpayaxwɛdɛ nɛ ba ta keyu nɛ eblidzyagbla, klɛ eblidzyagbla nɛ yɛ baxwɛdɛ nɛ tsyɛ ba gɔnɛ na lɛ.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 13:2

Agavuga nɛ gɛ ɛmɔ nɛ eyi ashuiɛ, pɔ ɛtsrɛ nɛ dzi ansɛ agudui yɛ klɛ onugbu ansɛ adzyata ɔyɛ. Eblidzyagbla nɛ akɔ agavuga nɛ yɛ kemi anɛ yɛ ekusiegbu anɛ kabhaŋɛŋa gbɛgbla.

Tɛbubukasɛ 13:4

Banɔ ba kpɛ kɛtɔkpuesi kɔ eblidzyagbla alasɛ atɛ kɔ agavuga nɛ kabhaŋɛŋa, klɛ balɛ tsyɛ ba kpɛ kɛtɔkpuesi kɔ agavuga klɛ bee bisi asɛ, “Ane gɛ edzi ansɛ agavuga? Anee gɛ aba na keyu ta nɛ yɛ?”

Tɛbubukasɛ 16:13

Ɔkɛlɛ mɛ ɛmɔ ɛfufɔɛ kpã tɛta gɛ dzi ansɛ agbɔkɔ; le koeyi edenɔ eblidzyagbla nɛ onugbu mɛ, agavuga nɛ onugbu mɛ anɛ otro atɔnu nɛ onugbu mɛ.

Tɛbubukasɛ 17:18

Adzɛ nɛ gɛ ɔmɔ nɛ yɛ enu ɔma gblagbla nɛ gɛ ɔŋa kesukpa nɛ bekusi nɛa bha.”

Tɛbubukasɛ 20:2

Evu eblidzyagbla, gɛ enu atiti eblidzya, gɛ enu ɔfufɔɛkpã, ɔdɔgɔsɛ Satana, klɛ anya yɛ agɔ kɛkpã zɛzɛ.

Tɛbubukasɛ 8:10

Kpayaxwɛdɛ tramɛ nɛ abɔ yɛa xũlɛ̃, klɛ kɛwũwɔɛ gbla tili, gɛ tã ansɛ ɔbɛya, ɔwɔlɛ denɔ owũsise nɛ ɔbɔ dɔ bunikekpu nɛ petee mɛa pɛ zɛzɛ nɛ bupɛ tuta mɛ nɛ beni nɛ gɛ yi koeyi nɛ tisi mɛ—

Tɛbubukasɛ 8:11

kɛwũwɔɛ nɛ nyi kɛlɛ nu Osimɛsɔ̃. Beni nɛ kapɛgbladɛ nɛ tsyina eve kɛtɛkɛtɛ, klɛ banɔ gelee betsi nɛ buni nɛ gɛ tsyina ve nɛ mɛ.

Tɛbubukasɛ 8:12

Kpayaxwɛdɛ lɛ̃lɛ̃mɛ nɛ abɔ yɛa xũlɛ̃, klɛ kiwi nɛ kapɛ zɛzɛ kadzya nɛ bupɛ tuta mɛ, wele nɛa pɛ nɛ tuta mɛ, awɛ̃wɛ̃ nɛ kapɛ nɛ bupɛ tuta mɛ, so tierikpo nɛ bupɛ tuta nɛ mɛ ketsyina dzi otumu. Keli zɛza nɛ kapɛ zɛzɛ nɛ bupɛ tuta mɛ na za otumu mɛ, klɛ kana elishi nɛ kapɛ zɛzɛ nɛ tuta mɛ nɛ tsyɛ aza.

Tɛbubukasɛ 8:7

Kpayaxwɛdɛ tutɔpu nɛ abɔ yɛa xũlɛ̃, klɛ amuklãgbu anɛ kifu abhɛsa nɛ dzyosu aba, klɛ la yɛkɔ balɛ atrɔ kesukpa nɛa bha. Kesukpa nɛ kapɛ tierikpo nɛ bupɛ tɔta nɛ mɛ katã petee, besi nɛ kapɛ tierikpo nɛ bupɛ tuta nɛ mɛ batã petee, klɛ tɛwa wuwɔ nɛ petee tã.

Tɛbubukasɛ 8:8

Kpayaxwɛdɛ bhla nɛ abɔ yɛa xũlɛ̃, klɛ kɛdɔ tili ansɛ butu gbɛgbla tuli, sɔlɛ tã petee, ba yɛkɔ atɛ̃a kpɛ aƒu nɛ mɛ. Aƒu nɛ bupɛ tuta mɛ, kazɛzɛ tsyina dzi dzyosu,

Tɛbubukasɛ 8:9

kapɛ zɛzɛ nɛ kɛdɔ bhɛbhɛtɛ lulu nɛ aƒu mɛ nɛ bupɛ tuta mɛ nɛ tsi, klɛ keniabha ipupu nɛ bupɛ tuta mɛ, kazɛzɛ ke zi petee.

Tɛbubukasɛ 9:10

Itse lɛ alɛ la ta anɔ ansɛ butabuadzɔ, klɛ alɛ itse kemi alɛ ɛlɛ ahwɛ gɛ la ba yɛkɔ akpɛ banɔ bunuhu nɔ wele tieti.

Tɛbubukasɛ 9:19

Basɔ nɛ kemi nɛ kalɛ balɛ inugbu nɛ mɛ anɛ itse nɛ mɛ; alsɛ balɛ itse nɛ lɛ ansɛ beblidzya, gɛ atɔkpu alɛ balɛ ahwɛ gɛ ba yɛkɔ kpɛ anɔɛ pɔ nɔ.