Tɛbubukasɛ 12:3 - ONUGBÙ NYƐNYÃ VUVƆ

³ Ɔkɛlɛ kɛdɔmumɔ bhlatɔ zɛ wɛ̃ nɛ owũsise: eblidzyagbla dzɛdzã teli nɛ atɔkpu tegene anɛ ashã lɔfɔ anɛ bukusiekutu tegene etsri yɛ ada mɛ.

Tɛbubukasɛ 12:3 Iomraidhean Croise

Tɛbubukasɛ 12:1

Kɛdɔmumɔ gbla gɛ bhɛtɛ bi kɛwɛ̃ nɛ owũsise: adzɛ gɛ ba yɛkɔ kiwi enyumu akɔ ansɛ kɛpɔtɛ, ɔplɛnɔ wele nɛ yɛ butsrukpɔe si klɛ awɛ̃wɛ̃ lɔfɔntabha bukusikutu tsri yɛ ada mɛ,

Tɛbubukasɛ 12:13

Gɛ eblidzyagbla nɛ amɔ asɛ be huesi asɛsɛ kesukpa nɛɛ, akpatɔnɔ adzɛ nɛ gɛ amɔ eyianyɛ.

Tɛbubukasɛ 12:17

Ɔkɛlɛ eblidzyagbla nɛ amɔ obulo nɛ adzɛ klɛ ashɛ avɛ asɛ tɛ ada ta keyu anɛ yeyialɛ gɔgɔɛ—bagɛ bata batɔ nɛ Kpaya ɛshã klɛ la nyɛna yɛ Yesu kibuimumɔɖɔ nɛ mɛ evunɔ.

Tɛbubukasɛ 12:4

Yɛ otse nɛ ɔgba awɛ̃wɛ̃ nɛ owũsise kapɛ zɛzɛ nɛ bupɛ tɔtam klɛ awãnya alɛ atrɔ kesukpa nɛabha. Eblidzyagbla nɛ eli titi nɛ adzɛ nɛ gɛ yɛ kɛmɔ na nɛ otugba, sɛ tɛ ebe vu eyi nɛ atã kibelɛ gɛ anya mɔ yɛ ko.

Tɛbubukasɛ 12:7

Klɛ keyu akpa nɛ owũsise. Maɛkɛl anɛ yɛ kpayaxwɛdɛ nɛ ba ta keyu nɛ eblidzyagbla, klɛ eblidzyagbla nɛ yɛ baxwɛdɛ nɛ tsyɛ ba gɔnɛ na lɛ.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 13:1

Klɛ eblidzyagbla nɛ alɔɛ titi nɛ axui nutɔ. Klɛ mɛ ɛmɔ agavuga teli gɛ ede aƒu nɛ mɛ ekoeyi. Ashã lɔfɔ nɛ atɔkpu tegene ala lɛ yɛ, anɛ bukusiekutu lɔfɔ nɛ yɛ ashã nɛa bha, klɛ nɛ kɛtɔkpu kanykɛa bha kibusobuinyi tsri.

Tɛbubukasɛ 13:2

Agavuga nɛ gɛ ɛmɔ nɛ eyi ashuiɛ, pɔ ɛtsrɛ nɛ dzi ansɛ agudui yɛ klɛ onugbu ansɛ adzyata ɔyɛ. Eblidzyagbla nɛ akɔ agavuga nɛ yɛ kemi anɛ yɛ ekusiegbu anɛ kabhaŋɛŋa gbɛgbla.

Tɛbubukasɛ 13:4

Banɔ ba kpɛ kɛtɔkpuesi kɔ eblidzyagbla alasɛ atɛ kɔ agavuga nɛ kabhaŋɛŋa, klɛ balɛ tsyɛ ba kpɛ kɛtɔkpuesi kɔ agavuga klɛ bee bisi asɛ, “Ane gɛ edzi ansɛ agavuga? Anee gɛ aba na keyu ta nɛ yɛ?”

Tɛbubukasɛ 15:1

Ɛzɛ mɔ nɛ owũsise kɛdɔmumɔ gbɛgbla gɛ bhɛtɛ bi tili: kpayaxwɛdɛ tiegene gɛ be vunɔ banya tiegene gɔgɔɛ— be nu bagɔgɔɛ alasɛ ba lɛ plɛnɔ pɛ Kpaya obulo gɛganɛ nɛ ɔna.

Tɛbubukasɛ 16:13

Ɔkɛlɛ mɛ ɛmɔ ɛfufɔɛ kpã tɛta gɛ dzi ansɛ agbɔkɔ; le koeyi edenɔ eblidzyagbla nɛ onugbu mɛ, agavuga nɛ onugbu mɛ anɛ otro atɔnu nɛ onugbu mɛ.

Tɛbubukasɛ 17:12

“Ashã lɔfɔ nɛ gɛ ɔmɔ nɛ enu bekusi lɔfɔ gɛ ba ka yɛkɛ bukusiɔŋakɔ, pɔ nɛ ɔɖɔ torikpo mɛ ba ba yɛkɛ kabhaŋɛŋa ansɛ bekusi ɔyɛkɔ plɛnɔ agavuga.

Tɛbubukasɛ 17:16

Agavuga nɛ ashã lɔfɔ nɛ gɛ ɔmɔ na tɛ ba pɛɛ adzɛzhuzhɔlɛ nɛ bui. Ba ba mɛna yɛ ebe zi klɛ la ba shɛnahwɛ yɛ shu kɛdɔ manyumu manyumu; ba ba tã yɛ dzya klɛ la ba puɔɛ yɛ nɛ kifu.

Tɛbubukasɛ 17:7

Ɔkɛlɛ kpayaxwɛdɛ nɛ aɖɔ tsrem asɛ: “Kide so pɛ kɛbhɛtɛ wɔɛ bi? Ɛba bu adzɛ anɛ agavuga nɛa bha gɛ aza nɛ ebuikpukpu nɛe si kɔ wɔ, gɛ atɔkpu tegene anɛ ashã lɔfɔ nɛ alɛ.

Tɛbubukasɛ 19:12

Yɛ anhũ nɛ edzi ansɛ kifu ɔlɛklɛmɛ, klɛ nɛ yɛ ada nɛ mɛ bukusiekutu gelee etsri. Kinyi lɛ yɛahwɛ gɛ ba ŋlɔmɛ at yɛ asɛ anɔnyanɔ eti nyi pɔ yɛnɛahwɛ enyi.

Tɛbubukasɛ 20:2

Evu eblidzyagbla, gɛ enu atiti eblidzya, gɛ enu ɔfufɔɛkpã, ɔdɔgɔsɛ Satana, klɛ anya yɛ agɔ kɛkpã zɛzɛ.