Tɛbubukasɛ 11:8 - ONUGBÙ NYƐNYÃ VUVƆ

⁸ Balɛ ishuidzya tsitsi nɛ ba wɔ ɔmagbla nɛ edzo nɛa bha, gɛ be kulu nɛ kɛkpalɛ mɛ asɛ Soɖomu anɛ Egibite, nɛ ɔklɛ tsyɛ gɛ ba kpla Apalete nɛ asɔ.

Tɛbubukasɛ 11:8 Iomraidhean Croise

Mateo 10:15

Itsre nɔ kɛgba sɛ, kɛ ba za bubɔɛbɔɛ kɔ Sorom anɛ Gomora nɛ kebhuikluwi nɛa bha ɔyɛkɔ dɛ ɔma nɔɔ lɛlɛ.

Axwɛwɛwa 9:4

Awɔlɛ adɔ kesukpa klɛ enu oli toli mɛ gɛ otsre yɛ ɔsɛ, “Saolo, Saolo, kide so pɛ ɔkpatɔnɔ mɛ?”

Hebriuanɛ 13:12

Klɛ so Yesu tsyɛ amɔ butɔ nɛ ɔmagbla nɛ kedunu sɛ tɛ abhɛtɛ banɔ tɛ balɛ shu bbui ganɔ yɛ nahwɛ dzyosu nɛ mɛ.

Hebriuanɛ 6:6

onugɛ be koeyi adɔ, tɛ ba be tsodzini alɛ amɛna kitemtsyitsyina mɛ, alasɛ balɛ oboɛ dudɔ ba ka kpla Kpaya yɛ Yi nɛ osi shu anɛ yɛ tɛtitii kpɛ kesi kɔ butsɔ kpɛkpɛ nɛ banɔa mɛ.

2 Petro 2:6

onugɛ ayɛ ɔmagbɛgbla Sodom anɛ Gomora ganɔ kɛfutɛtã gɛ be dzi butɔ, klɛ abhɛtɛ alɛ tɛmumɔlu kɔ kɛgɛ ba ba bhɛtɛ bagɛ be dinu kpayayɛ,

Yuɖa 1:7

Nɛ kidzoe lɛlɛ nɛɛ dia bha, Soɖom anɛ Gomora anɛ ɛma nɛ gɛ kana lɛ na yɛkɔ balɛ shu akɔ azhuzhɔlɛbui anɛ buzizi. Be dzi ansɛ tɛdidibhɛtɛ kɔ bagɛ ba mɔ kifu mabeke mabeke mɛ batɔ tɛtɛtɛta.

Tɛbubukasɛ 11:13

Nɛ ɔɖɔ lɛlɛ nɛ mɛ ɖɛɛ kesukpa gɛganɛ tieli ka ba hwa klɛ ɔmagbla nɛ kapɛ tierikpo nɛ bupɛ lɔfɔm na tsra. Banɔ akpã tegene balɛ etsi nɛ kesukpa huhwa nɛ mɛ, klɛ bagɛ ba gɔ nɛ si kifu zizi klɛ ba kɔ Kpaya nɛ owũsise nɛ kabhakpɛkpɛ.

Tɛbubukasɛ 11:9

Nɛ ewi tata nɛ kapɛ mɛ banɔ denɔ banɔɛtsu, kɛmadi, bunuhu huhu anɛ amadigbla nɛ be di balɛ ishuidzya tsitsi nɛ asɛsɛ klɛ ba tɛ ba dɛmɛ asɛ tɛ la vubɔa lɛ.

Tɛbubukasɛ 14:20

Ba vɔa lɛ akpɛ wayɛ̃ kizi nɛ mɛ nɛ kamade, klɛ dzyosu ekoeyi nɛ kizi nɛ mɛ, gɛ eyuku agbɛgba ansɛ butsrukpɔ tuti gɛ yɛ tɛdzidze mɛ na ɛdzrɔkɔ kɛfɔɛfɔ nɛ afɛtasɔɛ.

Tɛbubukasɛ 14:8

Kpayaxwɛdɛ bhla tsyɛ aba klɛ aɖɔ sɛ, “Babilɔnɛgbla Awɔlɛ! Awɔlɛ! Agɛ abhɛtɛ amadi nɛ petee la wɛ̃ adzɛ nɛ azhuzhɔlɛbui aputɔ bulu.”

Tɛbubukasɛ 16:19

Ɔmagbla ɔma kpɛ bupɛ tɔta, klɛ amadi anɛ ɛmagbla nɛ ɛyɛɛ. Kpaya abaka Babilonia Gbla nɛ bui klɛ akɔ yɛ ɔɖɛantse gɛ keyuu nɛ obulo kanya lu.

Tɛbubukasɛ 17:1

Kpayaxwɛdɛ tiegene nɛ ɔmayɛ teli gɛ evunɔ busugba tugene nɛ aba klɛ etsrem asɛ, “Ba, ɛba kasɛ wɔ butɔhihe kɔ adzɛzhuzhɔlɛ gbla, nɛ gɛ ezhiaza beni gelee abha.

Tɛbubukasɛ 17:18

Adzɛ nɛ gɛ ɔmɔ nɛ yɛ enu ɔma gblagbla nɛ gɛ ɔŋa kesukpa nɛ bekusi nɛa bha.”

Tɛbubukasɛ 17:5

Ba ŋlɔmɛ kinyi nɛ atrɔ yɛ ketukpo na sɛ: KIBUIKPUKPU BABILONIA GBLA BADZƐZHUZHƆLƐ ENI ANƐ KESUKPƐABHA EBUSOBUI

Tɛbubukasɛ 18:10

Kifu zizi ba kua lɛ nɛ yɛ tɛnyɛnyagbã nɔ nɛ shu, so ba ba za ɔdzɔge klɛ le be bi iyuyo sɛ: “ ‘Butɔ! Butɔ, O ɔmagbla, O Babilɔnɛ, kemi ɔmagbla! Nɛ ɔɖɔ torikpo mɛ wɔ tɛbibeke tɛ ba!’

Tɛbubukasɛ 18:18

Kibe lɛ gɛ ba mɔ adzɛ nɛ tɛtɛtã ɔnyɔ nɛɛ, be be bu aɖɔa sɛ, ‘Ɔmagbla toli ɔtɛ za di ansɛ ɔmagbɛgbla nɛ di dza?’

Tɛbubukasɛ 18:2

Akpɛ ogugu nɛ olim gbɛgbla toli asɛ: “Babilɔnɛ Gbɛgbla Awɔlɛ! Awɔlɛ! Edzi Satana yɛeyialɛ ɔzakɔ klɛ ɔfufɔɛkpã kanyaka ɔpɛa nɔ nɛ ɔklɛ, ba pɛɛ kazhuɛ kanyaka gɛ kalɛ shu edi bhui klɛ kalɛ bui ma anɔ li nɛ ɔkɛlɛ.

Tɛbubukasɛ 18:21

Ɔkɛlɛ kpayaxwɛdɛ gbla teli efeke kɛklãgbu gɛ kɛlɛ tɛtitrim ba za ansɛ buhɔgbla klɛ ayɛkɔ atɛ̃a kpɛ aƒu nɛ mɛ, klɛ aɖɔ asɛ: “Nɛ bugbudu gbudu nɛ di mɛ Babilɔnɛ ɔmagbla be be hu ɔlɛe si, gɛ ba tɛa fla mɔ ɔlɛ edi.

Tɛbubukasɛ 18:24

Nɛ adzɛ nɛ mɛ ba mɔ batɔnu anɛ banɔnɛna nɛ dzyosu, anɛ banɔ nɛ petee gɛ beyi nɛ kɛsukpa nɛa bha.”