Tɛbubukasɛ 10:1 - ONUGBÙ NYƐNYÃ VUVƆ

¹ Ɔkɛlɛ mɛ mɔ kpayaxwɛdɛ gbɛgbla gɛ ede owũsise aaba. Enyumu ɔmunɔ, ɔplɛnɔ eniga nɛ yɛ ada nɛ mɛ; yɛ amɛ nɛ mɛ edzi ansɛ kiwi, klɛ yɛ butsrukpɔ nɛ dzi ansɛ kifu buvuisi.

Tɛbubukasɛ 10:1 Iomraidhean Croise

Mateo 17:2

Ɔkɛlɛ Yesu etsyina shu nɛ balɛ amɛ. Yamɛ nɛ mɛ atã nasɛ kiwi, klɛ yɛ bawi nɛ be fuli ansɛ kifu.

Luka 21:27

Nɛ kibelɛlɛ nɛ mɛ ba ba mɔ Anɔdzyrame Yi gɛ àba nɛ ɔmunɔ nɛ mɛ, nɛ́ kemi nɛ̀ ishudɛdanɛ gbɛgbla mɛ.

Axwɛwɛwa 26:13

Aba za anasɛ kemuzem ana, O ekusigbla, gɛ etsri kidzo nɛa bha nɛ, ɛmɔ kifu lɛ deke denɔ owũsise, gɛ kɛ tã dɛ kiwi, kana mɛ nɛ manɔa lɛ petee.

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Tɛbubukasɛ 18:1

Kɛɛ nɛ nɛe de ɛmɔ kpayaxwɛdɛ bhlatɔ gɛ ezhiaba denɔ owũsise. Kabhaŋɛŋa piim alɛ yɛ ahwɛ, klɛ kesukpa nɛa bha kaa tã ɔplɛnɔ yɛ shu tɛ bhuibhui nɛ mɛ.

Tɛbubukasɛ 18:21

Ɔkɛlɛ kpayaxwɛdɛ gbla teli efeke kɛklãgbu gɛ kɛlɛ tɛtitrim ba za ansɛ buhɔgbla klɛ ayɛkɔ atɛ̃a kpɛ aƒu nɛ mɛ, klɛ aɖɔ asɛ: “Nɛ bugbudu gbudu nɛ di mɛ Babilɔnɛ ɔmagbla be be hu ɔlɛe si, gɛ ba tɛa fla mɔ ɔlɛ edi.

Tɛbubukasɛ 20:1

Klɛ mɛ mɔ kpayaxwɛdɛ teli gɛ ezhi edenɔ owũsise nɛ aaba, gɛ evunɔ Ogloboglobo ɔkɔ nɛ kedunuaɖɛ klɛ evunɔ ɔɖaohui gbla nɛ yɛahwɛ nɛ mɛ.

Tɛbubukasɛ 4:3

Klɛ anɔ nɛ gɛ edzi ɔklɛ nɛ tɛwɛ̃wɛ̃ mɛ dzi ansɛ eniga. Eniga teli, gɛ edzi ansɛ kɛklãgbu gɛ tã, gɛ kɛ kpɛ buka kpɛ bukusiegbu.

Tɛbubukasɛ 5:2

Klɛ mɛ mɔ kpayaxwɛdɛ gbɛgbla teli gɛ ebu aɖɔ nɛ oli mɛ gɛganɛɛa sɛ, “Ane gɛ ana kɔ adɛda nɛ tɛdɛdanɛ klɛ aba danɛ kazaplukpa?”

Tɛbubukasɛ 8:13

Gɛ idi nɛɛ, inu odi gɛ opruru nɛ kɛlɛɛ mɛ bɔɛ gɛ lo kului dɔ nɛ ogugu gɛganɛɛ sɛ: “Butɔ! Butɔ! Butɔ kɔ bagɛ be tsri kesukpa nɛa bha, alasɛ kpayaxwɛdɛ tɛata gɔgɔɛ nɛ buxulɔ̃ɛ nɛ ba yi!”