Tɛbubukasɛ 1:5 - ONUGBÙ NYƐNYÃ VUVƆ

⁵ anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Tɛbubukasɛ 1:5 Iomraidhean Croise

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Mateo 28:18

Ɔkɛlɛ Yesu aba balɛ ɔbha klɛ asɛ, “Kabhaŋɛŋa petee anɛ owũsise anɛ kesukpa, ba tɛ yɛkɔ akpɛ mɛ ahwɛ.

Yohanɛsɛ 13:1

Agɔ kiwui tirikpo tɛ baŋa Tɛfɛflawui. Yesu eti sɛ kibe na kɔ yɛ sɛ tɛ ashɛ̃ nɛ kanɔ nɛ mɛ tɛ avɛ Aka nɔ kɔ. Nɛ tɛdɛdɛmɛnɔ nɛ bagɛ benu yɛ ayɛ alɛ gɛ ba lɛ kanɔ nɛ mɛ, ɔtsɔ̃ nɛ akasɛ alɛ tɛdɛdɛmɛnɔ nɛna.

Yohanɛsɛ 13:34

“Ɔshã vuvɔ mɛ ɛkɔ nɔ: Nɔ dɛmɛnɔ ɔhaglɔ. Anasɛ gɛ ɛdɛmɛnɔ nɛ wunɔ, so nɔ dɛmɛnɔ nɛ ɛhaglɔ.

Yohanɛsɛ 15:9

“Anasɛ gɛ Aka nɛ adɛmɛnɔ nɛ mɛ, kana mɛ tsyɛ ɛdɛmɛnɔ nɛ wunɔ. Ɔtsyɔnɛ nɔ za mɛ́ tɛdɛdɛmɛ mɛ.

Yohanɛsɛ 18:37

Pilato ebisi asɛ, “Kɛlɛso ekusi wɔ nu?” Yesu ebushunu asɛ, “Kibui gbɛagba wɔɖɔ Ɛnu ekusi. Kɛgbɛagba kɛlɛso gɛ bamɔ mɛ, nɛ kɛlɛso gɛ ɛba kanɔ nɛ mɛ, sɛ tɛ ibu kɛgbɛagba nɛ kasɛ. Anɔnyanɔ gɛ alɛ kibui gbɛagba nɛede ata mɛatɔ.”

Yohanɛsɛ 3:11

Itsre wɔ gbɛagba sɛ, bu ɖɔ kɛdɔnɔ gɛ bu nyi, klɛ bu ɖɔ ɛbuimɔɖɔ kɔ kɛgɛ bu mɔ, pɔ tsyɛ wunɔ banɔ anɛ nɔ dɛ yɛkɛ bulɔ kibuimɔɖɔ.

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Yohanɛsɛ 3:32

Yɛ aɖɔaɖɔ denɔ kɛ gɛ amɔ nɛ̀ enu, pɔ anɔnyanɔ atɛ yɛkɛ yɛ kaɖɔɖuɖɔ.

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

Axwɛwɛwa 26:23

sɛ agɛ nu Kristo na ba mɔ butɔ, nɛ ansɛ anɔ tutɔpu gɛ anyɛmɛ edenɔ butsi mɛ, klɛ aba ɖɔ kadɔ edenɔ tɛtɛtã shu etsre yɛnahwɛ yeletea lɛ anɛ baga dɛ yɛkɛ aŋa.”

Romanɛ 3:25

Kpaya ayɛkɔ yɛ akɔ anasɛ kɛtɔkpu tsɛtsrakɛ, ganɔ tɛyɛyɛkɛŋa nɛ yɛ dzyosu mɛ. Abhɛtɛ kibui nɛ asɛ tɛ ayɛkɔ ebu yɛ tɛnɛna nɛ akasɛ, alasɛ nɛ yɛ tɛdudɔfɔ̃ɔ mɛ atɛ shɛ̃nahwɛ ebuizizi nɛ gɛ ba bhɛtɛ eputɔnɔ nɛ shu butɔ matɛtamatɛta—

Romanɛ 8:37

Ao, nɛ ebuia nɛ mɛ petee bu dɛ banɔ gɛ ba ŋɛabha ganɔ anɔ nɛ gɛ aɖɔ lɔ nɛa bha.

1 Kɔrintioanɛ 6:11

Kana wunɔ mayɛ teli nɔ za. Pɔ be plu nɔ shu, bakɔ wunɔ shubhui klɛ be bu nɔnu nɔ nɛ Apalete Yesu Kristo nɛ bulɔ Kpaya Ɔfufɔɛ nɛ mɛ.

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

Efesoanɛ 2:4

Pɔ nɛ yɛ tɛdɛdɛmɛnɔ gbla kɔ lɔ so, Kpaya, gɛ eyuku nɛ eshutukubui didi so,

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Koloseanɛ 1:18

Klɛ yɛ nu kɛtɔkpu kɔ ishuidzya, busɔlɛɔha, yɛ nu kesikpɛkpɛ anɛ̀ eyi tɛtɔpu gɛ akpasɛ denɔ bekpu mɛ, sɛ tɛ nɛ kɛkanyaka mɛ aba yɛkɛ agbɛgbladɛ.

1 Timotio 6:13

Nɛ Kpaya amɛ, gɛ akɔ kɛdɔnyɛdɔ ɛkpã, klɛ nɛ Kristo Yesu shu, yɛ nɛ kibe lɛ mɛ gɛ ebu ishu nu nɛ Pɔntio Pilatio amɛ pɛ abhɛtɛ ishum dɛdanɛ dzyɔgo, ɛyɛkɔ lu wɔnɔa mɛ sɛ

1 Timotio 6:15

gɛ Kpaya aba mɛna nɛ yɛnahwɛ ɔɖɔm— Kpaya, agɛ ba yula klɛ agɛ yɛko Abhaŋa, Bekusi nɛ ekusi anɛ Apalete kɔ bakagbla,

Hebriuanɛ 10:29

Kɛlɛ lɛ nu anɔ teli etiti ɔtsɛrɛ nɛ Kpaya yɛ Yi abha, gɛ amɔ onugbunyɛnya dzyosu gɛ lɔ plu yɛ shu anasɛ kɛdɔ gɛ kɛlɛ shu dɛbhui, gɛ akula ɛyɛmɛyuyɔ anɔ Ɔfufɔɛ kideso gɛ bata tɛta yɛ batɔ gɛganɛ?

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

1 Petro 1:19

Pɔ nɛ Kristo dzyosu ŋɛŋaɛdzi, obhoshieyi gɛ kɛpɔ ɔdɔgɔsɛ ozizikɔ ma ɔlɛ shu.

1 Yohanɛsɛ 1:7

Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.

1 Yohanɛsɛ 4:10

Kɛnɛ kɛlɛ nu tɛdɛdɛmɛnɔ, ganɛ sɛ bulɔ tɛdɛdɛmɛnɔ nɛ Kpaya, pɔ sɛ adɛmɛ bulɔɛ bui klɛ asɛsɛ yɛ Eyianyɛ anasɛ ishu kukɔ kɔ bulɔ buzizi tsyitsye.

Tɛbubukasɛ 11:15

Kpayaxwɛdɛ gigenemi na bɔ yɛa xũlɛ̃, klɛ ilim gɛganɛɛ yi nɛ owũsise, gɛ ka ɖɔ sɛ: “Kanɔ nɛ mɛ bukusiɔŋakɔ nɛ bo dzi bulɔ Apalete anɛ yɛ Kristo bukusiɔŋakɔ, klɛ aba ŋɛabha ɔvɛnɔ mabeke mabekem.”

Tɛbubukasɛ 11:3

Klɛ ɛba kɔ mɛ bebuimɔɖɔ tɛabha nɛ kemi, klɛ la ba ɖɔ ebui elu ewi 1,260 mɛ, nɛ ɛdɔnyinye apɔtɛ mɛ.”

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Tɛbubukasɛ 19:11

Ɛmɔ owũsise gɛ ɔdanɛ oli klɛ nɛ mɛ amɛ ɛsɔ fufu eli, gɛ agɛ etsri yɛa bha be kulua sɛ Tɛyɛyɛkɛŋa anɛ Kɛgba. Plɛnɔ tɛnɛna mɛ ekluebhui klɛ ata keyu.

Tɛbubukasɛ 19:16

Nɛ yɛ awidzidze anɛ yɛ kɛtsrɛta nɛ shu kinyii nɛ ŋlɔmɛ tsri ɔkɛlɛ sɛ: bekusi nɛ ekusi anɛ bapalete nɛ apalete.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.

Tɛbubukasɛ 3:14

“Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.

Tɛbubukasɛ 7:14

Ibui lɛ nu asɛ, “Apalete, onyi.” Klɛ aɖɔ asɛ, “Banɛ balɛ nu bagɛ de ekoeyi nɛ butɔ gbla nɛ mɛ; be ti plu balɛ bawidzidze klɛ ba bhɛtɛ alɛ le fuli nɛ Obhoshieyi nɛ dzyosu mɛ.