Tɛbubukasɛ 1:2 - ONUGBÙ NYƐNYÃ VUVƆ

² gɛ aɖɔakasɛ kɛdɔnyɛdɔ gɛ amɔ kɛlɛ nu, Kpaya kibui nɛ tɛmumɔɖɔ denɔ Yesu Kristo ɔkɔ.

Tɛbubukasɛ 1:2 Iomraidhean Croise

Yohanɛsɛ 1:32

Ɔkɛlɛ Yohanɛsɛ akɔ yɛ kibuimɔɖɔ nɔ asɛ: “Ɛmɔ Ɔfufɔɛ nɛ gɛ lɔ zhi de owũsise anasɛ kitsanɛmɛ azhɔɛ klɛ lɔ wɔ yɛ abha.

Yohanɛsɛ 12:17

Ɔtsɔ̃nɛ banɔɛza nɛ gɛ baza yɛ ɔbha gɛ eklu Lazarus denɔ odzre nɛ mɛ klɛ anyɛmɛ yɛ edenɔ bekpuimɛ, ba za lɛabha nyɔnɛ kibui petee.

Yohanɛsɛ 19:35

Anɔ nɛ gɛ amɔɛ lɛ ada ɖɔ, klɛ yɛ kaɖɔɖuɖɔ nɛ nu kɛgbɛagba. Ɛnyi sɛ aɖɔ kɛbui gbɛagba, klɛ aɖɔaɖɔ sɛ tɛ wɔ tsyɛ ɔbɔ yɛkɛŋa.

Yohanɛsɛ 21:24

Yɛ nu adɔkpasɛ gɛ yɛ aɖɔaɖɔ nɛ ebuia nɛ shu klɛ yɛ aŋlɔmɛ alɛ elu. Bu nyi sɛ yɛ ebui ɖuɖɔa nɛ le nu kɛgbɛagba.

Yohanɛsɛ 3:11

Itsre wɔ gbɛagba sɛ, bu ɖɔ kɛdɔnɔ gɛ bu nyi, klɛ bu ɖɔ ɛbuimɔɖɔ kɔ kɛgɛ bu mɔ, pɔ tsyɛ wunɔ banɔ anɛ nɔ dɛ yɛkɛ bulɔ kibuimɔɖɔ.

Axwɛwɛwa 22:15

Obo dzi yɛ ebuimɔɖɔ kɔ banɔ nyanɔ denɔ kɛgɛ ɔmɔ klɛ onu nɛ shu.

Axwɛwɛwa 26:16

‘Ɔtsɔtsiɔ̃ nɛɛ, vu lɔ tɛ ɔza wɔ ɛtsrɛa bha. Ɛwɛ̃ nɛ wɔamɛ sɛ tɛ ɛkpɛ wɔ anasɛ axwɛdɛ anɛ ansɛ axwɛwa nɛ ebuimɔɖɔ kɔ kɛdɔnɔ nɛ gɛ ɔmɔ denɔ mɛ shu anɛ kɛgɛ ɛba kasɛ wɔ.

Axwɛwɛwa 4:20

Alasɛ kɛdɔnɔ nɛ gɛ bu mɔ pɛ bu nu bɔ tɛ ba na klɛ shui bui ɖuɖɔ zɛkɔyɛlɔ.”

1 Kɔrintioanɛ 1:6

alasɛ blɔ kɛbuimɔɖɔ denɔ Kristo shu kɛ wɛ̃ nɛ wɔnɔ mɛ.

1 Kɔrintioanɛ 2:1

Gɛ ɛba wunɔ kɔ, badzya mɔ, Ɛdɛ ba nɔ kɔ nɛ onugbu mɛ tsyɛmɛtsyɛmɛ ɔdɔgɔsɛ kibuinyinyi gbɛgbla anasɛ gɛ ɛɖɔ tɛmumɔɖɔ denɔ Kpaya shu tsre nɔ.

1 Yohanɛsɛ 1:1

Kɛ gɛ de kesikpɛkpɛ nɛ mɛ, gɛ bu nu, gɛ bu mɔ nɛ bu lɔ awɔ̃hu, gɛ bu di klɛ bulɔ ɛhwɛ nɛ hunɔ—kɛnɛ bu buɖɔ denɔ ɛkpã Ebui shu.

1 Yohanɛsɛ 4:14

Klɛ bu tɛ mɔ klɛ bu buɖɔ sɛ Aka asɛsɛ yɛ Eyianyɛ tɛ edzi Ayɛyɛkɛkɔ kanɔ.

3 Yohanɛsɛ 1:12

Anɔnyanɔ aɖɔaɖɔ dzyɔgo nɛ Demetrio shu-klɛ kibuigbɛagba nahwɛ tsyɛ ɖɔ. Bulɔ tsyɛ bu ɖɔ yɛ bui dzyɔgo, klɛ no nyi sɛ bulɔ kibuiɖuɖɔ denɔ yɛ shu kinu kɛgbɛagba.

Tɛbubukasɛ 1:11

gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 1:19

Kɛlɛ so, “Ŋlɔmɛ kɛdɔnɔ nɛ gɛ ɔmɔ, kɛgɛ lɛ ɔtsɔ̃ anɛ kɛgɛ ba ba kɛlɛ mɛ kidegba.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Tɛbubukasɛ 12:17

Ɔkɛlɛ eblidzyagbla nɛ amɔ obulo nɛ adzɛ klɛ ashɛ avɛ asɛ tɛ ada ta keyu anɛ yeyialɛ gɔgɔɛ—bagɛ bata batɔ nɛ Kpaya ɛshã klɛ la nyɛna yɛ Yesu kibuimumɔɖɔ nɛ mɛ evunɔ.

Tɛbubukasɛ 20:4

Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.

Tɛbubukasɛ 22:21

Apalete Yesu eshutukubui nɛ aza plɛnɔ Kpaya banɔ. Tɛlɛbɛlɛm.

Tɛbubukasɛ 6:9

Kibe lɛ gɛ adanɛ adɛda trimi nɛɛ, ɛmɔ busɔlɛvu mɛ kituku nɛesi ba gɛ be yi nɛ atɔwi akpɛ Kpaya kibui anɛ tɛmumɔɖɔ nɛ mɛ gɛ ba nyɛna evunɔ.