Tɛbubukasɛ 1:16 - ONUGBÙ NYƐNYÃ VUVƆ

¹⁶ Nɛ yɛ kɛŋa ɔhwɛ nɛ mɛ evunɔ awɛ̃wɛ̃ tegene, klɛ ɛhɛ shɛshɛ inugbutɛbha de koeyi nɛ yɛ onugbu nɛ mɛ. Yɛ amɛnɛm aza ansɛ kiwi gɛ kɛɛ tã nɛ kɛlɛ tɛgɛganɛ mɛ petee.

Tɛbubukasɛ 1:16 Iomraidhean Croise

Mateo 17:2

Ɔkɛlɛ Yesu etsyina shu nɛ balɛ amɛ. Yamɛ nɛ mɛ atã nasɛ kiwi, klɛ yɛ bawi nɛ be fuli ansɛ kifu.

Axwɛwɛwa 26:13

Aba za anasɛ kemuzem ana, O ekusigbla, gɛ etsri kidzo nɛa bha nɛ, ɛmɔ kifu lɛ deke denɔ owũsise, gɛ kɛ tã dɛ kiwi, kana mɛ nɛ manɔa lɛ petee.

Efesoanɛ 6:17

Yɛkɔ tɛyɛyɛkɛkɔ ɔɖɛkutu anɛ Ɔfufɔɛ kɛpamɛ, gɛ kɛlɛ nu Kpaya bui.

Hebriuanɛ 4:12

Alasɛ Kpaya bui kɛlɛ nɛ ɛkpã klɛ kɛwaɛxwɛ. Kɛlɛɔŋa dɛ kɛpamɛ inugbu tɛbha kanyaka, kɛ bana kɛtɔwui anɛ ɔfufɔɛ shi tsoku ma lɛ shi, axwatsyakɔ anɛ axwambɔ, kɛ klu kebhui nɛ idzyi anɛ kɛtɔkpum ebuibhɛbhɛtɛ.

Tɛbubukasɛ 1:20

Awɛ̃wɛ̃ tegene nɛ gɛ ɔmɔ nɛ mɛ kɛŋa ɔhwɛ nɛ mɛ anɛ sɛkadzɛdzã kanɛgbɛsi tigene anɛ kibuikpukpu kɛlɛ nu sɛ: Awɛ̃wɛ̃ tegene alɛ enu kpayaxwɛdɛ kɔ basɔlɛha tigene, klɛ sɛkadzɛdzã kanɛgbɛsi tigene nɛ ɛlɛ nu basɔlɛha tigene.

Tɛbubukasɛ 10:1

Ɔkɛlɛ mɛ mɔ kpayaxwɛdɛ gbɛgbla gɛ ede owũsise aaba. Enyumu ɔmunɔ, ɔplɛnɔ eniga nɛ yɛ ada nɛ mɛ; yɛ amɛ nɛ mɛ edzi ansɛ kiwi, klɛ yɛ butsrukpɔ nɛ dzi ansɛ kifu buvuisi.

Tɛbubukasɛ 12:1

Kɛdɔmumɔ gbla gɛ bhɛtɛ bi kɛwɛ̃ nɛ owũsise: adzɛ gɛ ba yɛkɔ kiwi enyumu akɔ ansɛ kɛpɔtɛ, ɔplɛnɔ wele nɛ yɛ butsrukpɔe si klɛ awɛ̃wɛ̃ lɔfɔntabha bukusikutu tsri yɛ ada mɛ,

Tɛbubukasɛ 19:15

Denɔ yɛ onugbu nɛ mɛ ɛhɛ shɛshɛ eekoeyi gɛ yɛ aba yɛkɔ ehu amadi nɛe si nɔ. “Aba ŋa balɛa bha nɛ ɔɖa dzyamgbɛ.” Aga Kpaya Gbɛgbladɛ nɛ kanya obulo bulu kizi nɛa bha.

Tɛbubukasɛ 19:21

Bagɔgɔɛ nɛ be yialɛ nɛ ɛhɛ nɛ gɛ ede agɛ etsri sɔ nɛa bha nɛ onugbu nɛ mɛ, klɛ buzhuɔɛ nɛ petee ba tsyui balɛ adzya.

Tɛbubukasɛ 2:1

“Kɔ kpayaxwɛdɛ nɛ Efesusɛ busɔlɛɔha nɛ mɛ ɔsɛ: Ebui ɖuɖɔa nɛ alɛ nu agɛ evunɔ awɛ̃wɛ̃ tegene nɛ yɛ kɛŋa ɔhwɔɛ nɛ mɛ klɛ aaga fla nɛ sɛkadzɛdzã kanɛgbɛsi tigene nɛ shi sɛ:

Tɛbubukasɛ 2:12

“Kɔ kpayaxwɛdɛ nɛ Pɛgamum busɔlɛɔha nɛ mɛ ɔsɛ: Aanɛ nɛ alɛ nu agɛ evunɔ ɛhɛshɛshɛ inugbu-tɛbha nɛ ebuiɖuɖɔ.

Tɛbubukasɛ 2:16

Kɛlɛ so no tsyina kitem! Odinuana nɛɛ, eti be dze ɛba ba tɔnɔ nɔ klɛ ɛba gɔnɛ nɛ balɛ nɛ mɛ onugbu mɛ ɛhɛ.

Tɛbubukasɛ 3:1

Kɔ kpayaxwɛdɛ nɛ Saɖis busɔlɛɔha nɛ mɛ sɛ: Ebuia alɛ nu agɛ evunɔ Kpaya ɛfufɔɛ tigene anɛ awɛ̃wɛ̃ tegene nɛ ayɛ. Inyi wɔ ebui bhɛbhɛtɛ, kinyi dzyɔgo lɛ wɔ ahwɛ sɛ ɔlɛ nɛ ɛkpã, pɔ otsi.