Tɛbubukasɛ 1:11 - ONUGBÙ NYƐNYÃ VUVƆ

¹¹ gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 1:11 Iomraidhean Croise

Axwɛwɛwa 16:14

Bagɛ bala ta tɔ nɛ bulɔ nɛ teli enu adzɛ gɛ beklua sɛ Liɖia, gɛ aga apɔtɛ ŋɛŋaedzi kedzi alasɛ ehoeyi aza yɛahwɛ, klɛ ede Taɛtira ɔmagbla nɛm, klɛ enu anɔ gɛ akpɛ kɛtɔkpue si kɔ Kpaya. Apalete na danɛ yɛ idzyi akɔ sɛ tɛ evu Paolo kibui nɛ asɔlɛ.

Axwɛwɛwa 18:24

Nɛ kibe lɛlɛ nɛ mɛ nɛ Yuɖaeyi teli gɛ be klu asɛ Apollosɛ, gɛ ede Alɛxandria, nɛ ebe ku Efesos. Edzi anɔ gɛ akpasɛdɔ, nɛ kibuititi denɔ Kpayɛbui ŋuŋlɔmɛ nɛ shu mɔɔ mɔ.

Axwɛwɛwa 20:17

Denɔ Miletus nɛɛ, Paolo akla ɔsɔ asɛsɛ Efesos sɛ be kulu busɔlɛɔha beshishe nɛ amɛna.

1 Kɔrintioanɛ 15:32

Onugɛ ɛgɔnɛ nɛ agavuga nɛ Efeso nɛ anɔdzyrame kibui nu so, kide mɛ mɔ nɛ kɛlɛ mɛ? Onugɛ ba dɛ nyɛmɛ be tsitsi, “Nɔ kɔlɔ ŋa tɛ bu wɔɛ̃ dɔ, alasɛ kivu bu ba tsi.”

1 Kɔrintioanɛ 16:8

Pɔ ɛba za Efeso ɔdɔtɔnɔ Kɛdɔtsitsu kiwuiŋɛŋa nɛ tɛbɛba,

Efesoanɛ 1:1

Mɛ Paolo, Kristo Yesu anɔkpɛkpɛ ganɔ Kpaya tɛpɛpɛɛ mɛ. Kɔ kpayabanɔ nɛ̀ Efesosɛ, bagɛ tɛyɛkɛŋa lɛ balɛ ahwɛ nɛ Kristo Yesu mɛ:

Koloseanɛ 2:1

Ɛpɛɛ sɛ tɛ nɔ ti kana gɛ ɛwlãkɛ kɔ nɔ klɛ nɛ̀ bagɛ ba lɛ Laodikɛa, anɛ̀ kɔ bagɛ ba ka tsyanɛ mɛnahwɛ edi.

1 Timotio 1:3

Ansɛ gɛ itsre nɔ nɛ kibe lɛ nɛ gɛ ɛvɛ Makedonia, nɔ za ɔkɛlɛ nɛ Efesosɛ sɛ tɛ nɔ kɔ sɛ banɔ teli ba taa kasɛ itroe dɔ ɔtsɔlɛ

Tɛbubukasɛ 1:17

Gɛ ɛmɔ yɛ, ɛwɔlɔdɔ nɛ yɛ otugba ansɛ butsi mɛ itsi. Kɛlɛ ayɛkɔ yɛ kɛŋa ɔhwɛ nɛ atrɔ mɛa bha klɛ asɛ, “Ti si kifu. Mɛ nu atutɔpu anɛ agɔgɔɛ.

Tɛbubukasɛ 1:19

Kɛlɛ so, “Ŋlɔmɛ kɛdɔnɔ nɛ gɛ ɔmɔ, kɛgɛ lɛ ɔtsɔ̃ anɛ kɛgɛ ba ba kɛlɛ mɛ kidegba.

Tɛbubukasɛ 1:2

gɛ aɖɔakasɛ kɛdɔnyɛdɔ gɛ amɔ kɛlɛ nu, Kpaya kibui nɛ tɛmumɔɖɔ denɔ Yesu Kristo ɔkɔ.

Tɛbubukasɛ 1:20

Awɛ̃wɛ̃ tegene nɛ gɛ ɔmɔ nɛ mɛ kɛŋa ɔhwɛ nɛ mɛ anɛ sɛkadzɛdzã kanɛgbɛsi tigene anɛ kibuikpukpu kɛlɛ nu sɛ: Awɛ̃wɛ̃ tegene alɛ enu kpayaxwɛdɛ kɔ basɔlɛha tigene, klɛ sɛkadzɛdzã kanɛgbɛsi tigene nɛ ɛlɛ nu basɔlɛha tigene.

Tɛbubukasɛ 1:4

Denɔ mɛ Yohanɛsɛ ɔkɔ, Kɔ basɔlɛha tigene nɛ Esia kɛdɔ nɛ mɛ: Ɛyamyuyɔ anɛ ishuyuyɔ kɔ nɔ denɔ agɛ yɛ alɛ, anɛ agɛ yɛ aza, nɛ agɛ yɛ aba tɛ ba nɛ ɔkɔ, anɛ denɔ ɛfufɔɛ tigene nɛ ɔkɔ nɛ yɛ kegbu nɛ amɛ,

Tɛbubukasɛ 1:8

Apalete Kpaya nɛ asɛ, “Mɛ nu Kesikpɛkpɛ anɛ Tɛbibeke,” “gɛ alɛ, klɛ aza, klɛ yɛ aba ba, Agɛ yɛa dɛ.”

Tɛbubukasɛ 10:4

Klɛ gɛ subhalɛlɛ tiegene nɛ aɖɔaɖɔ nɛɛ, ɛbhɛtɛ sɛ tɛ ɛŋlɔ̃mɛ dɔ; pɔ inu olim toli dɔ denɔ owũsise gɛ ɔɔɖɔ sɛ, “Da kibui nɔ nɛ gɛ subhalɛlɛ tiegene na ɖɔ nɛ dɔ tɛ ɔtɛ ŋlɔmɛ lɛ olu.”

Tɛbubukasɛ 14:13

Ɔkɛlɛ mɛ nu ogugu denɔ owũsise gɛ ɔɖɔ sɛ, “Ŋlɔmɛ: Ba yula betsitsi anɛ bagɛ be tsi nɛ Apalete nɛ mɛ denɔ ɔtsɔ̃ nɛ ɔvɛnɔ.” Ɔfufɔɛ nɛ ɔɔɖɔ sɛ, “Ee,” “be be muene denɔ balɛ axwɛ nɛ mɛ, alasɛ balɛ ebui bhɛbhɛtɛ nɛ aba za balɛe de.”

Tɛbubukasɛ 19:9

Ɔkɛlɛ kpayaxwɛdɛ nɛ etsrem asɛ, “Ŋlɔmɛ: ‘Bayula bagɛ balɛ be kulu akɔ Obhoshieyi nɛ adzɛ gbɛgbanɔ owulagoe dɔ ŋɛŋa!’ ” Klɛ aza yɛkɔ ata sɛ, “Anɛ nɛ alɛ nu Kpaya ebuiɖuɖɔ nɛ gɛ enu kɛgba.”

Tɛbubukasɛ 2:1

“Kɔ kpayaxwɛdɛ nɛ Efesusɛ busɔlɛɔha nɛ mɛ ɔsɛ: Ebui ɖuɖɔa nɛ alɛ nu agɛ evunɔ awɛ̃wɛ̃ tegene nɛ yɛ kɛŋa ɔhwɔɛ nɛ mɛ klɛ aaga fla nɛ sɛkadzɛdzã kanɛgbɛsi tigene nɛ shi sɛ:

Tɛbubukasɛ 2:12

“Kɔ kpayaxwɛdɛ nɛ Pɛgamum busɔlɛɔha nɛ mɛ ɔsɛ: Aanɛ nɛ alɛ nu agɛ evunɔ ɛhɛshɛshɛ inugbu-tɛbha nɛ ebuiɖuɖɔ.

Tɛbubukasɛ 2:18

“Kɔ kpayaxwɛdɛ nɛ Taɛtira sɛ: Ebuia nɛ alɛ enu Kpaya yɛ Eyi nɛ kaɖɔɖuɖɔ, gɛ yɛ anhũ nɛ edzi ansɛ kifu tɛtã klɛ yɛ butsrukpɔ nɛ dzi ansɛ ayawa gɛ atã.

Tɛbubukasɛ 2:24

Ɔtsɔ̃ nɛɛ ɛɖɔ tsre wɔnɔ banɔ gɔgɔɛ nɛ Taɛtira, kɔ wɔnɔa gɛ nɔ dɛ nyɛna yɛ kɛdɔkɛkasɛ nɛ mɛ ovunɔ klɛ nɔ kɔ kpasɛ Satana ebuikpukpu dzudzu alɛlɛ nɛ mɛ (ɛtɛa trɔ nɔ kituku bhlatɔ kanyaka):

Tɛbubukasɛ 2:8

“Kɔ kpayaxwɛdɛ nɛ Smirna busɔlɛɔha nɛ mɛ ɔsɛ: Aanɛ alɛ nu yɛ ebui gɛ yɛ enu Atutɔpu anɛ Agɔgɔɛ, gɛ etsi pɛ etsodzi aba ɛkpã mɛ.

Tɛbubukasɛ 21:5

Agɛ yɛ edzi kekusigbu nɛa bha nɛ asɛ, “Ɛbhɛtɛ kɛdɔnyɛdɔɛ lɛ ba dzi kɛvuvɔ!” Ɔkɛlɛ asɛ, “Ŋlɔmɛ kɛdɔɛ nɛ olu, alasɛ ebuia nɛ enu agɛ alɛa bha la ba yɛkɛ aŋa klɛ enu kɛgba.”

Tɛbubukasɛ 22:10

Ɔkɛlɛ etsrem asɛ, “Tɛ da ebui nɛ dɔ nɛ ebuiɖuɖɔlu keplukpɛa nɛm, alasɛ kibe nɛ tsuu ba.

Tɛbubukasɛ 22:16

“Mɛ, Yesu, ɛtɛ kpɛ mɛ kpayaxwɛdɛ sɛ tɛ aba yɛkɔ ebuimɔɖɔa nɛ akɔ basɔlɛha. Mɛ nu Ogu anɛ Agɛ ede Daviti mɛ, anɛ Kɛvulɔɛ Wɛ̃wɛ̃ nɛ gɛ tã.”

Tɛbubukasɛ 3:1

Kɔ kpayaxwɛdɛ nɛ Saɖis busɔlɛɔha nɛ mɛ sɛ: Ebuia alɛ nu agɛ evunɔ Kpaya ɛfufɔɛ tigene anɛ awɛ̃wɛ̃ tegene nɛ ayɛ. Inyi wɔ ebui bhɛbhɛtɛ, kinyi dzyɔgo lɛ wɔ ahwɛ sɛ ɔlɛ nɛ ɛkpã, pɔ otsi.

Tɛbubukasɛ 3:14

“Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.

Tɛbubukasɛ 3:4

Pɔ banɔ tɛashɛ aka lɛ wɔ ahwɛ nɛ Saɖisɛ gɛ be ke tutru balɛ kɛdɔnyunyumu. Balɛ ba ba ga plɛnɔ mɛ, aza kɛdɔ fufu mɛ, alasɛ balɛ kedziŋɛŋa lɛ alɛ.

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.